It is currently Thu Apr 24, 2014 12:32 am

All times are UTC + 5 hours




 Page 1 of 1 [ 28 posts ] 
Author Message
 Post subject: Mera Sarmayaa-e-Yaad
PostPosted: Wed Nov 09, 2005 5:39 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Kabhi socha na tha ke sab sar-e-aam kerdonga woh bhi ek post main.Is qabil to khair kahin say nahin hon kay itnay umda aur behtreen kehno walon aur unkay Deewaan kay samnay apni seedhi saada aur mamooli se tehreeren paish karon.

Himmat khair ker he lee aur socha shayad ke aajai saaki ko taras...ab ke baras.

Hazir -e- khidmat hay jo kaha gia aur parha gia.

Kuch mazeed tehreerain aur bhi hain waqtan fa waqtan update kerta rahonga.

Update :21st Feb 2006

Kia Khushbu Ke Rangon Say Baat Ho
Jo Woh Na Kabhi Mere Saath Ho
Dil Na Dharkay Aur Sans Tham Jai
Jis Shab Na Tujh Say Mulaqaat Ho
Update : Feb 18th 2006

Kitni He Khushian Aur Behisaab Jashan Mana Chukay
Yun Hum Khud Ko He Apnay Aap Say Ganwa Chukay



Main Aur Kia Kahon?
Kaun Hay Jo Sunay Gaa
Jo Bhi Nazron Say Guzar Chuka
Woh Sab Is Dil Main Jazb Ho Chuka
To Dil Ko Kureedon Kis Kay Liye
Waqt Ko Khareedon Kis Kay Liye?
Uskay Liye Jo Qadar-Daan Hain?
Ya Unkay Liye Jo Anjaan Hain ?
Main Aur Kia Kahon ?




Yak-sar Gum Sum
« on: May 29th, 2003, 11:53am »
Yun Us Dil Ruba Say Mere Nazar Milay Kabhi
Apnay Zuban Say Mujhay Dilbar Kahay Kabhi

Woh Mere Waham Main Mere Gumaan Main Rahay
Jab Raat Kay Pahar Say Sahar Milay Kabhi

Woh Mere To Kabhi Na Tha Magar Aisa Laga
Kay Uskay Bina Zeest Bhi Abtar Lagay Kabhi

Yak Sar Gum Sum Hon Apni Yaad Dashton Main
Uski Gali Tak Us Ka Dar Yun Dikhay Kabhi

Uska Wujood Mere Rooh Main Mahlool Hogia
Rooh Ab Sab Arwah Say Akbar Lagay Kabhi

Shab e Firaq Kisi Had Tak To Muhlat Day
« on: Jul 21st, 2003, 4:20pm »
Jo Dil Main Dabbi Hay Ussay Awaz Kerday
Tu Is Ishq Main Achoota Sa Ijaaz Kerday

Teri Pohanch Say Door Koi Manzil Nahin
Gar Tu Muqam e Ishq Sar Afraaz Kerday

Sada e Dil Ke Nigah Tarjuman Ho Jaai
Yeh Dil Kub Is Silsilay Ka Aghaaz Kerday

Majrooh Tha Per Chaha Hay Majzoob Ke Tarhan
Meri Parastish Kisi Taur Khuda Namaaz Kerday

Shab e Firaq Kisi Had Tak To Muhlat Day
Koi Hay Jo Yeh Rat Jagay Daraaz Kerday

Jo Dil Main Doob Ker Rooh Main Utter Jain
Koi Khayal Chand Alfaaz Tujhay Mumtaz Kerday

Meri Badnaam Shuhrat Teri Ghaflat Na Ho
« on: Jul 19th, 2003, 12:41pm »
Yun Be-sabab Chalay Jana Teri Hijrat Na Ho
Mujh Say Fasila Barhana Teri Nusrat Na Ho

Gardish e Yaad Ke Bhatakti Manzilon Main
Tera Bar Bar Yaad Aana Meri Kismat Na Ho

Main Kaun Hon,Main Kia Tha Aur Kia Hogia
Meri Badnaam Shuhrat Teri Ghaflat Na Ho

Tu Mujhay Chor Chala Main Tujhay Bhool Jaaon
Har Baar Aisa Socha Per Meri Himmat Na Ho

Main Teri Suhbat Ka Tanha To *Waalah Nahin
Kise Wahid Ko Chahay Yeh Teri Fitrat Na Ho

[*Waalah=mad with love]

Mere Chahat Ke Siwa Rab Ko Kuch Manzoor Tha
« on: Jun 1st, 2003, 2:05pm »
Pata Nahin Kaunsay Halaat Say Majboor Tha
Woh Shaks Jo Apni Chahaton Main Mashoor Tha

Woh Dil Band Dil Daar Dil Ruba Dil Nasheen
Mere Dil Ka Chain Mere Aankhon Ka Noor Tha

Mere Shanay Per Uskee Ghangoar Ghata Zulfain
Ek Waqt Main Uski Khushboo Say Makhmoor Tha

Pathar Ankhain Bejaan Wujood Majzoob Kergia
Woh Dil Nawaz Jub Mere Nigah Say Door Tha

Kub Tak Is Ujaar Dil Ko Tassallian Dun Schaa?
Mere Chahat Ke Siwa Rab Ko Kuch Manzoor Tha

Faraar
« on: Jun 27th, 2002, 5:14pm »
Farar Chahta Hoon Main Ub In Gum Naam Weerano Say
Kuch Hasil Ub Tuk Hua Nahin In Wafaaon Ke Dastano Say
Qadam Qadam Pay Jahan Dhoka o Faraib Hai
Chul Kay Aaya Hoon Main Un Rahon Say
Munn Main Thaan Lee,,Faisla Kerlia Hai Main Nay
Jion Gaa Tanha Teree Yaadon Ke Khalaaon Main
Saans Laina Bhi Mahal Hai Jahan
Dum Ghutt Ta Sa Jai In Khulee Fizaaaon Main
Sukoon Kay Zar Ka Talabgaar Hai Bunda Ya Rubb
Aisa To Nahin Ke Asar Kum Hai Duaaon Main

Aag Usnay Jub Meri Tehreer Ko Lagai Hogi
« on: Jun 16th, 2002, 3:24pm »
Aag Usnay Jub Meri Tehreer Ko Lagai Hogi...
Apnay Dil Per Say Meri Tasweer Bhi Mitai Hogi...

Karwatain Mainay Hee Na Badlee Theen Raat Bhar....
Sukoon Say Neend Usko Bhi Naa Aai Hogi...

Ro Ro Kay Us Ka Kajal Bhi Beh Chuka Hoga...
Khabar Jub Us Ko Hui Kay Kahan Sagai Hogi...

Mera Lahoo Uskay Haathon Per Jum Gia Hoga...
Jub Usnay Apnay Haathon Kee Hina Sukhai Hogi...

Her Shuks Usko Bura Lagnay Lagay Gaa...
Jub Us Kee Rasm-e-Munh Dikhai Hogi...

Main Usay Yaad Rakhon Aur Woh Mujhay Bhool Jai...
Shayad Kay Ismain Hee Hamari Tumhari Bhalai Hogi

Meri Khamoshi Say Bhi
« on: Jun 17th, 2002, 11:42am »
Meri Khamoshi Say bhi Baatain Kerta Hai Koi...
Tanhai Main Bhi Mera Saath Daita Hai Koi...
Yeh Sochta Hoon To Pagal Saa Hojata Hoon...
Kion Mere Aansoo Apni Nigahon Say Bahata Hai Koi

Na Mukkamall Ghazal
« on: Jul 19th, 2002, 3:47pm »
Mere Aks Main Bhi Ruburu Too Hay,,,
Meri Manzil Aur Raasta Bhi Too Hay...
Zinda Honn Kay Mujh Say Wabasta Too Hay....
Meri Hayat Say Faqat Rabta Too Hay...
Mera Dil Meri Jaan,Rooh-e-Rawan Too Hay...
Mere Ragaon Main Rawa Dawan Too Hay,,,,,

Haqeeqat
« on: Jun 26th, 2002, 6:07pm »
Hum Is Kabil To Nahin Kay Asar-e-Duaa Rakhain
Yeh Aur Baat Hai Kay Dilon Main Khauf-e-Khuda Rakhain

Namumkin Nahin Kay Mil Jain Dono Jahan Kee Naimatain
Yeh Apnay Aamaal Hain Kay Aakhrat Main Apni Saza Rakhain

Iblees Ka To Dawa Hai Kay Bahkai Gaa Nafs-e-Insaniat Ko
hamara Zimma Kay Hum Bhi Iblees Per Nigah Rakhain

Bandagi Ek Khuda Kee Faqat Paigham Hai Tauheed Ka
Kamzori Imaan Kee Hai Koi Us Kay Siwa Hum Khuda Rakhain

Is Qalb Main Be-Panah-o-Baija Khwahishaat Ka Dhair Hai
Kion Naa Is Dhair Ko Hum Apnay Dil He Main Daba Rakhain

Ird Gird Tanhaiyaan...
« on: Jul 28th, 2002, 4:39am »
Meri Zeest Ka Koi Lamha Gum Ghasta Nahin
Main Khud Main Mashghool Per Sur Bastah Nahin

Mere Zakhm-e-Dil Per Tum Marham To Laga Do Gay
Insan Hoon, Durd Hoga,Main To Koi Farishta Nahin

Chal Parta Hoon Jahan Dilon Ke Rahain Miltee Hain
Teri Taraf Badhta Hua Mera Koi Kadam Danistah Nahin

Main Tujhay Kia Paish Karon Mera Chaman To Ujar Gia
In Haathon Main Tere Liye Ub Koi Gul Dasta Nahin

Chori Chipay Kion Mundlatee Rahin Mere Ird Gird tahaiyaan
Kia Main Tujh Say Wabista Nahin? Ya Aur Koi Rasta Nahin

Woh...!!!
« on: Jul 26th, 2002, 10:16am »
Chahain Hum Unhain To Woh Bura Samajhtay Hain
Woh Yoon Hum Ko Khushion Say Juda Rakhtay Hain

Yeh Nirala Andaz Bhi Unka Humnay Dekha Hay
Kay Dartay Bhi Nahin Per Khauf-e-Khuda Rakhtay Hain

Usnay Dil Ko Laga To Lia Per Dil Lagi Nahin Kee
Zakham Bhi Woh Diye Jis Ke Na Hum Dawa Rakhtay Hain

Yeh Nakaam Koshishon Kay Silsilay Woh Kub Talak Chalai Gaa
Do Dilon Kay Darmiaan Woh Kion Yeh Khala Rakhtay Hain

Be Gunah Mujrim Hain Hum Unkee Muhubbaton Kay Schaa
Woh Jo Chahain,Jub Chahain Saza Rakhtay Hain

Sharminda
« on: Jun 30th, 2002, 3:18am »
Too Kion Maangta Hai Mujh Say Jo Main Naa Day Sakooon
Kay Meri Zeest Ka Her Ek Lamha Hay Bay Sakoon

Mera Safar Meri Manzilon Say Shuroo Hota Hai
Main Karoon Kia Faisla Main Khud Na Tay Ker Sakoon

Yehi To Almia Mujhay Deemak Kee Tarhan Kha Gia Hai
Main Usee Per Marta Hoon Jis Kay Bin Na Reh Sakoon

Zinda Hoon Tujh Say Bichar Kay Per Sharminda Bhi Hoon
Yeh Aur Baat Hay Kay Main Yeh Baat Na Keh Sakoon

Ek Nai Rah,Ek Nia Safar-o-Manzil Bin Hamsafar Kay
Is Akaily Pun Kee Is Nai Pun Ke Shiddat Na Seh Sakoon

Nisf Raah Ka Humsafar
« on: Aug 6th, 2002, 6:06pm »
Woh Jo Chor Chala Mujhay Usay Kisi Ka Durr To Thaa
Woh Mera Na Hua To Kia ? Kisi Aur Ka Magar To Thaa

Barsaat Main Jisay Ujarna Thaa Woh Ujar To Gia
Per Sochta Hoon Main Woh Kisi Ka Ghar To Thaa

Woh Vaaday,Woh Kasmain,Woh Jhootay Dilaasay
Woh Jo Kathin Imtihaan Thaa,Mera Sabar To Thaa

Go Manzil Juda Juda Per Raahain To Aik Theen
Bicharnay Wala Nisf Raah Mera Hamsafar To Thaa


Bhoolti Hui See Zindagi...
« on: Jul 29th, 2002, 2:12pm »
Aisay Hee Kuch Bhoolti Hui See Zindagi Hui
Jaan Kay Jaisay Anjaan Ko Supurdagi Hui

Main To Hans Raha Thaa,Zamanay Kay Haal Per
Jub Aap Beeti To Mahaul Main Sanjeedgi Hui

Apna Dil Khol Ker Tujh Ko Dikha Dia
Aisa Nahin Kay Mujh Say Koi Be Hoodgi Hui

Mere Saanson Ka Larna,Tere Badan Ka Pighalna
Meri Baahon Main Jub Tere Maujoodgi Hui

Hawaaon Nay Jo Ghaira, Ghairay Baadlon Ko
Abar Phir Jo Barsa To Aasman Ko Gudgudee Hui

Ek Zara See Baat
« on: Aug 9th, 2002, 5:03pm »
Ek Zara See Humnay Baat Kahi
To Tamam Umer Tanha Jeena Para

Aisee Kia Baat Thee Mujh Main
Kay Us Ko Yun Mujh Say Uktana Para

Muddatain Lageen Is Aag Ko Rakh Kernay Main
Is Rakh Main Bhi Mujh Ko Sulagna Para

Kise Ghair Kay Ghar Bhi Jaa Ker Usay
Gargarana Para Phir Bhi Pachtana Para

Jub Kuch Bhi Naa Bun Saka Us Say
To Loat Ker Us Ko Mujhay Warghalana Para

Hayat-o-Moat
« on: Aug 12th, 2002, 8:53am »
Hayat-o-Moat Ho Jo Mere Ikhtiar Main
Phir Bhala Jion Main Kis Kay Intezar Main
Jis Ka Her Roaz Ka Julna Aur Bujhna Hai
Main Woh Charagh Hoon Teri Yaad Kay Mazar Main


Meri Umeedon Kay Raastay
« on: Aug 18th, 2002, 4:21am »
Meri Umeedon Kay Raaston Ko Kuch Khabar To Ho
Intiha-e-Intizaar To Kabool Per Koi Sabar Na Ho

Yeh Rat Jagay,Yeh Baiqarari Yeh Hulchul Sa Daldal
Shab-e-Tanha Say Kehdo Kay Kuch Mukhtasar To Ho

Muhabbaton Ke Kahaniaan,Justujoo Kay Silsilay
Mere Saath Beetai Saa'aton Ka Kuch Ajar To Ho

Haath Phailay Huay Aur Sajda Raiz Tere Ruburu
Mere Duaaon Main Kash Ae Khuda Kuch Asar To Ho

Meri Waapsi Ke Muntazir Yeh Teri Bheegi Nigahain
Jahan Aaon Shaam Ko Loat Ker Aisa Koi Ghar To Ho


Teri Intizaar Ke Hadain...
« on: Aug 13th, 2002, 4:03pm »
Ajab Haal Main Thay Hum Jub khud Say Milay
Kiye Kuch Faisly Aur Kuch Shikway Gilay

Baawajood Kay Faslay Hain Darmiaan Hamaray
Tub Bhi Guzar Daingay Zindagi Tere Saai Talay

Teri Aamad Say Jagmagati Hain Raatain Meri
Gulshan Gulshan Teri Khusbu Say Gul Khilay

Teri Intizaar Ke Hadain Sarhadain Bun Gain
Aisa Laga Kion Kay Tum, Saddion Kay Baad Milay

Abhi To Aai Ho,Ruko Hamesha Kay Liye,Naa Jaao
Saai Bhi Doob Jain Gay Tere Firaq Main Sham Dhalay


Ibtida Say Yaari
« on: Sep 1st, 2002, 5:11am »
Aa Chala Chul Mustaqbil Ke Tayyari Karain
Aanay Wali Eek Nai Ibtida Say Yari Karain

Tu Mujhay Dekhta Rahay Aur Main Tujhay
Ankhon Ankhon Main Baatain Saari Karain


Aahat Sunee Mainay
« on: Sep 1st, 2002, 5:58am »
Kia Koi Hay Jo Aahat See Dil Main Sunee Mainay
Ya Apnay He Khial Main Tere Tasweer Buni Mainay

Ub Koi Shikwa,Koi Shikayat Nahin Tujh Say Mujhay
Woh Mera Zaati Faislay,Yeh Rah Khud Chuni Mainay

Mera Dil Ek Parinda Aur....
« on: Sep 18th, 2002, 3:53pm »
Muddat Hui Jo Tere Ankhon Main Basar Kee Thee
Wohi Zindagi To Mainay Tere Liye Amar Kee Thee

Mera Dil Tha Ek Parinda Woh Haseen Shajar
Per Baat Khaas Kuch Us Shajar Kee Thee

Mera Dil Hee Mujhay Besakhta Samjhanay Laga
Kia Umeed The Mujay Aur Kis Nay Kabhar Ke Thee

Main Thuk Gia Hoon Per Hara To Nahin Hon
Woh Kathin Doar Tha Aur Ghari Sabar Ke Thee

Main Kahin Na Kho Jaaon Tere In Rahon Main
Mainay Pehlay Bhi Teri Galion Main Seher Ke Thee


Intizar-e-Safar Ka Maara
« on: Sep 18th, 2002, 5:35am »
Kisi Ajnabi Ko Mainay Chaha Kia Qasoor Kia
Aisay He Apni Wahshaton Ko Mainay Door Kia

Kise Ki Parwah Nahin Per Tera Khial hay
Teri Boltee Hui Ankhon Nay Chup Zaroor Kia

Teri Saadgi Pay Sadqay Jaaon Tu Masoom Hay
Teri Inhe Adaaon Nay To Mujhay Maghroor Kia

Rahi Main Tanha Rahon Ka Muntazir Teri Bahon Ka
Mere Intizar-e-Safar Per Kisnay Majboor Kia

Teri Liye Na Chand Na Sitaray Tord Laaonga
Kabhi Bhi Nahi Mainay Yeh Dawaa Bharpoor Kia


Zabt-e-Zuban Ke Aazmaish
« on: Sep 16th, 2002, 7:30pm »
Aatay Jaatay Logon Kay Mailon Main
Yunhi Yeh Char Din Guzar Jaingay

Muntazir Qayamat Kee Yeh Dunia Kub Say
Jeetay Jee Hum Bhi To Murr Jaingay

Kia Humnay Kamaya,Aaur Kia Ga'nwayaa Hai
Yehi Sochtay Huay Hum To Duur Jaingay

Jahan Sirf Zabt-e-Zuban Ke aazmaish Ho
Wahin To Baday Badon Kay Sabar Jaingay

Yeh Kuch Pal Shareek Hain Zindagi Say Tumhari
Bicharna Inka Naseeb Yeh To Bikhar Jaingay


Bhool Bhalaiyyan...!!!!
« on: Sep 24th, 2002, 3:20pm »
Jaan Yeh Tum Aaj Itnee Udaas Kion Ho
Ghum Tumharay Kareeb Aur Pass Kion Ho

Mil Ker Guzardaingay Tamam Yeh Raastay
Umer Bhar Zindagi Jeenay Ke Aas Kion Ho

Hum Ek Hain Per Aik Jaisay To Nahin Hain
Qalb Main Hamari Koi Manfi Ahsas Kion Ho

Suneheri Manzilain Aur Chamaktay Rastay Hain
Raaston Main Bhool Bhalaiyyan Raas Kion Ho

Ekbar Jo Doob Jai Teri Bezuban Aankhon Main
Usay Bhala Aab-e-Hayat Kee Bhi Pyass Kion Ho


Sar-e-Ainaa
« on: Jul 26th, 2002, 9:14am »
Kisi Roaz Kay Aai Woh Aur Yeh Sawal Karay
Kay Woh Mera Kistarhan Aur Kia Khial Karay

Mere Doobtay Huay Hoslay Sahil Kee Aas Main
Inhain Doobta Rehnay Day Kion Koi Kamal Karay

Mere Rooh Say Mera Wajood Kaanpta Hay Kabhi Kabhi
Mere Khuda Aisa Na Kabhi Tu Kise Ka Haal Karay

Teri Raah Main Her Qadam Ek Diya Jala Kay Aagia
Larakthay Huay Qadam Per Tu Na Kabhi Malal Karay

Mere Zindagi Kay Nashaib-o-Faraz Yeh Mera Hisaab Hai
Koi Kion Mujh Say Sawal Karay Kion Koi Partaal Karay


Maazi say haqeeqat tuk
« on: Jul 27th, 2002, 9:44am »
Chandni Shab Main Tun Tanha
Aankhon Main Kuch Uddasi Kay Pialay Bharay Huay
Woh Maazi Kay Un Be-Waqt Oqaat Ka Tajzia Karay
Kay Kuch Bhi To Pehlay Jaisa Nahin
Yeh Uska Dil Kisi Ke Yaad Ka Pyasa Nahin
Us Ka Jana To Haqeeqat Thaa Koi Hadsa Nahin
Chandni Shab Main Tan Tanha
Jub Uskee Nazar Jugnoo Per Padi
Apnay Aap Per Sharminda Honay Lagee
Un Ginnat Khialon Main Gum Honay Lagee
Kay Uskay Charon Oar Andhera Kion Hai...?
Woh Bhi Jugnoo Ke Tarhan Jee Sakti Hai
Apnay Liye Apnay Raasate Khud Bhi To Chun Sakti Hay


Dulhan
« on: Sep 30th, 2002, 2:31pm »
aisa bhi to hasakta tha
woh mujh say mil to sakta tha
apni naa kehta per meri to sunlaita
main apna haal-e-dil us say sub keh daita
main apnay dil main apni umeedon
ko dafan hota daikhoon
main kaisay tujhay kisi
ajnabi ke dulhan hota daikhoon
woh adhooray raastay abhi bhi
mere tumharay muntazir hain
unhee qadmon say loat aao
tumhain meri qasam


Mere Parwardigaar Mere...
« on: Jun 16th, 2002, 4:01pm »
Mere Parwardigaar Mere Maazi Ko Mera Mustaqbil Kerday...
Mila Day Mujhay Yaa Us Kay Khayal Say Ghafil Kerday...
Cheen Lay Mere Aankh Say Beenai Ae Mola...
Yaa Us Kee Aankh Tu Mujhay Kajal Kerday


Aasaib
« on: Jun 17th, 2002, 12:05pm »
Aasaib Sa Ek Dil Main Bus Gia Hai Mere....
Kay Is Tanhai Main Bhi Tanha Nahin Hoon Main



Bin Tere Bhi Guzar Saktee Hai...
« on: Jul 12th, 2002, 5:47pm »
Is Alam-e-Pareshaan Say Kabhi Guzray Nahin Thay Hum
Kay Woh Bhool Gia Hum Ko,Us Ko Nahin Bhoolay Thay Hum
Bin Tere Bhi Guzar Saktee Hai Yeh Kaha Tha Usnay
Isee Khauf Say Pichlee Shub Soay Nahin Thay Hum


Bin Bulaya Mehman
« on: Jun 19th, 2002, 4:24pm »
Be Sabab Ek Aas Dil Main Lagai Baithay Hain
Ek Woh Hain Eay Hum Ko Bhulai Bethay Hain

Jub Sochta Hoon To Khud Per Hansi Aati Hai
Kay Kion Hum Yeh Roag Dil Ko Lagai Baithay Hain

Hamain To Kuch Nahin Hua Loag Kion Kehtay Hain
Kay Hum Apnay Dil Ko Dukhai Baithay Hain

Hum Ko Maloom Hai Naa Aaingay Woh Aaj Bhi
Phir Kion Unkee Raah Mmain Diye Jalai Baithay Hain

Yeh Teri Mehfil Kay Jis Main Hum Aato Gai Hain
Lagta Hai Kay Jaisay Mehman Bin Bulai Behtay Hain



Muhabbat Ke Be-Sakhi
« on: Oct 20th, 2002, 2:56am »
Tere Muhabbat Kee Be-Sakhi Ke Mujhay Zarroorat Nahin
Too Be-shak Mera Hamsafar To Tha He,Per Saathi Nahin
Zakham Khatay Rahay Tere Sung Aur Yun Chaltay Rahay
Bilmuqabil Tufan Tha,Jub Tujhay Dhoonda Tu Kahin Nahin


Mubarak Tujhay Teri Saalgirah Ho....
« on: Oct 21st, 2002, 5:03pm »
Mubarak Tujhay Teri Saalgirah Ho
Anay Wala Her Saal Khushion Say Bhara Ho
Tere Ird Gird Baharon Ka Raks Ho
Aaina Teri Khoobsurti Ka Aks Ho
Manzilain Khud Tere Qadmon Main Aain
Haseen Parriaan Tere Sapno Main Aain
Tujhay Kabhi Koi Na Museebat Milay
Milay To Her Lamha Achi Kismat Milay
Sub Log Tere Gun Ganain Lagain
Tu Ghar Sub Kay Dilon Main Bananay Lagay
Bulandiaan Teri Qadam Choomain
Mussarratain Tere Chaar Soo Ghoomain
Teri Puri Her Koi Khwaish Ho
Jannat Teri Uglee Rihaaish Ho
Mubarak Tujhay Teri Saalgirah Ho
Aanay Wala Her Saal Khushion Say Bhara Ho



Dil Kanch Ka Khilona
« on: Oct 21st, 2002, 4:42pm »
Tere Janay Say Pehlay Yaar Mera Haal Yeh To Na Tha
Chund Lamhon Ka Sakoon Aur Tamam Umr Ka Rona Tha
Jub Dil Bhar Gia To Isay Uthaa Ker Toad Dia Too Nay
Yeh Mera Dil He To Thaa Koi Kanch Ka Khilona To Na Tha


Tumharay Dil Ka Makeen
« on: Oct 22nd, 2002, 1:39pm »
Tum To Wohi Ho Jisay Main Chahta Tha
Jisay Main Chorna Kabhi Na Chahta Tha
Barbad Ho Gai Jub To Mere Pass Tum Aai
Tumhain To Abad Main Dekhna Chahta Tha
Tumhain To Meri Baat Per Yaqeen Tha
Main To Dil Ka Tumharay Makeen Tha
Khizan Hotay He Mere Pass Tum Aai
Na Thay Tum Mere Jub Mausam Haseen Tha
Ub To Main Kisi Aur Ka Hogia
Tera Khial Mere Maazi Ka Daur Hogia
Mere Pyar Ko Khail Samjhay Thay Tum
Dekho Tumhara To Tamasha He Aur Hogia



Chahon Tujhay Per.........
« on: Oct 23rd, 2002, 3:35pm »
Samajh Main Mere Kuch Aata Nahin
Koi Faisla Main Kion Ker Pata Nahin
Chahon Tujhay Per Paa Na Sakun
Tere Khial Dil Say Mere Jata Nahin
Ub Kay Socha Keh Doon Dil Ke Baat
Magar Koi Baat Tay Ker Pata Nahin
Chalo Maan Liya Mera Dil Nadan Hay
Per Zehan Kion Isko Samjhata Nahin
Beet Gai Hay Her Raat Isee Aas Main
Khushi Ka Payam Koi Din Lata Nahin
Tujh Say Muhabat To Had-e-Akhir Ke
Yeh Jhoot Hay Kay Aur Bhata Nahin


Be-Wafai Ka Hunar
« on: Oct 22nd, 2002, 1:48pm »
Woh Bhi Be-Wafa Nikla Bil-Akhir Yeh Ub Zahir Hogia
Jis Ke Muhabbaton Main Schaa Main Shair Hogia
Be-Wafai Ka Hunar Jo Hum Na Seekh Sakay Kabhi
Chalo Woh To Kum-uz-Kum Is main Mahir Hogia


Sachi Muhabbaton Ka Daur
« on: Oct 23rd, 2002, 4:23pm »
Ek Shaks Kay Liye Duniya Kaisay Chor Doon
Main Hawaaon Ka Rukh Kaisay Moar Doon
Tujhay Wada Dia Per Kasam Mainay Bhi Lee
Tu He Bata Main Yeh Kasam Kaisay Toar Doon

Sachi Muhabbaton Ka Pichla Woh Daur Tha
Yeh Waqt Aur Hay,Woh Waqt Aur Thaa
Haray Bagh Jisnay Dikhai Thay Tum Ko
Woh Main Nahin Tha Koi Aur He Tha

Tum Bhi Apnay Liye Nai Koi Rah Chun Lo
Ghoar Say Zara Tum Ub Meri Baat Sun Lo
Abhi To Aagay Mazeed Sardiaan Hain
Tum Apnay Liye Garam Koi Libas Bun Lo


Mujhay Tum Yaad Aao,Mujhay Tum Bhool Jaao
« on: Nov 8th, 2002, 2:24pm »
Tum Mujhay Chaho Ya Na Chaho
Koi Farq Nahin Parta Jo Tum Chaho
Main To Wohi Karun Jo Main Chahon
Kay Karoonga Wohi Jo Tum Chaho

Bhalay Tum Mujhay Bhool Jaao
Meri Wafa-o-Muhabbat Bhool Jaao
Main To Tumharay Dil Main Rahunga
Jahan Bhi Raho,Tum Chaho Na Chaho

Yeh To Dillagi Hai Isay Na Bujhaao
Jaan Leva Hai Per Isay Dur Na Jaao
Mumkin Yeh Tumharay, Mere Liye Hai
Kay Mujhay Tum Yaad Aao,Mujhay Tum Bhool Jaao


Ae Talib-e-Ilm
« on: Jun 16th, 2002, 5:36am »
Ae Talib-e-Ilm Tu Meri Baat Sun Lay...
Zara Aqal Kay Tu Nakhun Lay...
Yeh Siasat Tujhay Kahan Lay Jai Gee...?
Yeh To Behno Kay Bhai Nigal Jai Gee...
Tu To Koi Maazi Nahin Haal Hai...
Dil Ka Tukda,Maa Kaa Laal Hai...
Yeh Kia Tu Nay Quaid Quaid Lagai Hai...?
In Hee Peer-o-Quaid Nay Tujhay Aag Lagai Hai...
Agar Jawani Per Tumhain Itna Hee Gharoor Hai...
To Phir Bahar Nikal Tu Kion Mafroor Hai...?
Azad Mulk Main Bhi Tu To Ghulam Hai...
Apnay Quaid Kee Shaam Ka Tu Ek Jaam Hai...
Tu Kia Is Mulk Kee Baag Daur Sanbhalay Gaa?
Ek Din Tu Apnay Bhai Ko Bhi Maar Daalay Gaa...
Yeh Siasat To Abhi Tere Bus Kee Nahin...
Teri Jaan Abhi Itnee Sastee Nahin...
Agar Dum Hay To Tipu Sultan Bun...
Zulm-o-Sitam Kay Aagay Ek Chittan Bun...
Garaj Itnee Taqat Say Kay Tujhay Duniya Daikhay...
Aisay Hee Khwab Teri Maan Nay Thay Daikhay


Bahaar Kia Kerti Hai???
« on: Nov 10th, 2002, 10:20am »
Mehfil Main Hamari Shirkat Unko Nagawar Guzarti Hai
Woh Hum Ko Chor Ker Puri Duniya Say Pyar Karti Hai
Khizaan Nay Jitna Ujarna Tha So Ujaar Dia Is Dil Ko
Baqi Saari Yeh Kasar Is Per Puri Yeh Bahar Kerti Hai


Waqt
« on: Nov 6th, 2002, 3:11am »
Waqt Aanay Per Sub Kion Badal Jata Hai
Jaan Aur Anjaan Ka Farq Pata Chal Jata Hai
Achay Waqt Main Subnay Hathon Hath Liya
Buray Waqt Main Her Koi Kion Masal Jata Hai
Yeh Qudrat Bhi To Waqt Ke Paband Hai
Waqt Aanay Per Suraj Bhi Dhal Jata Hai
Jis Kay Munh Say Kabhi Jhartay Thay Moti
Khamosh Dekh Ker Usay Dil Machal Jata Hai
Pasandeedgi Ameeron Ke Meeras Hai
Werna Ghurbat Main To Sub Chal Jata Hai
Bar Bar Girnay Wala Phir Uthtaa Nahin
Ek Baar Girnay Wala To Phir Sanbhal Jata Hai



Insaan...!!!
« on: Nov 6th, 2002, 6:42am »
Insaan Ke Oqaat Kia Hay?
Sehra kay Liye Barsaat Kia Hay?
Larta Hai Marta Hai Insaaniat Kay Liye
Us Zaat Kay Liye Teri Zaat Kia Hay?
Paisay Kay Peechay Hamesha Bhagta Hai
Raaton Ko Dair Talak Jaagta Hai
Jab Bura Waqt Aata Hai
To Khuda Say Dua-e-Khair Mangta Hai
Nahin Sochta Aagay Qabar Bhi Hay
Moat Kay Baad Ek Safar Aur Bhi Hay
Woh Khuda Dilon Ka Haal Jaanta Hai
Usko Teri Her Kerni Ke Khabar Bhi Hay
Insaan Agar Khauf-e-Khuda Rakhay
Khud Ko Buraiyon Say Juda Rakhay
Woh Rahman Hai Aur Rahim Bhi
Isaan Ko Fazal-e-Karam Say Nawazta Hai



Main Kaisay Bhool Jaaon.....
« on: Jun 16th, 2002, 9:57am »
Main Kaisay Bhool Jaaon Un Haseen Raaton Ko...
Un Haseen Raaton Kee Bheegi Barsaaton Ko...
Bheegi Barsaaton Kee Rangeen Mulaqaaton Ko...
Rangeen Mulaqaaton Kee Taweel Baaton Ko...

Main Kaisay Bhool Jaaon Tere Sard Haathon Ko...
Mere Haathon Main Diye Gai Waadon Ko...
Un Waadon Main Dee Gai Qasmon Ko...
Un Qasmon Ko Nibhanay Kee Baaton Ko...

Main Kaisay Bhool Jaaon Tere Jheel See Ankhon Ko...
Un Ankhon Main Kisi Aur Ko Paanay Kee Duaaon Ko...
Un Duaaon Main Phir Bheegti Nigahon Ko...
Bheegti Nigahon Main Aatay Jatay Khwabon Ko...

Main Kaisay Bhool Jaaon Un Kuch Loagon Ko...
Un Loagon Main Kuch Apnon Aur Ghairon Ko...
Un Apnon Kay Badaltay Huay Cheron Ko...
Main Kaisay Bhool Jaaon,Main Kaisay Bhool Jaaon



Taqdeer Rassi Ke Mannind...!!!
« on: Nov 10th, 2002, 9:51am »
Woh To Aisee Meri Zindagi Say Nikal Gai
Jaisay Jisam Say Yun Meri Rooh Nikal Gai

Puri Duniya Ka Pachtawa Mere Dil Per Cha Gia
Jub Woh Kisi Aur Ke Baahon Main Machal Gai

Khabar Na Rahi Woh Bahar The Ya Khizan
Magar Tere Pyar Ke Suhani Rut Badal Gai

Yeh Meri Taqdeer Bhi Rassi Ke Mannind Hai
Kay Bal Nahin Niklay Per Rassi Bhi Jall Gai

Rangeen Mizajiaan Bhi Parwaan Charh Gain
Magar Nadaan Rahay Kay Umer Bhi Dhal Gai


Ghalat Fahmi
« on: Nov 17th, 2002, 5:14am »
Mere Dil Ke Baat Dil Main He Reh Gai
Saath Chaltay Rahay Per Manzil Nikal Gai

Haan Jis Ke Aarzoo The Wohi Naa Milee
Khawhish Jis Ke Na The Woh Mil Gai

Yeh Toofan To Kuch Lamhon Ka Tha
Iskay Jatay Jatay Meri Duniya Hil Gai

Ek Hosh Ka Sabaq Paa Chuka Hoon Main
Main Samjha Tha Meri Qismat Badal Gai

Ub Kisi Ghalat Fahmi Ka Main Shikar Nahin
Ub Kay Na Aaigee Woh Jo Kul Gai



Apnay Kadam Wapis
« on: Nov 20th, 2002, 3:18pm »
Sahil Ke Rait Per Khara
Kuch Apnay Main Magan
Ek Shaks Sochta Raha
Samandar Ke Wasi Teh Daikh Ker
Us Zuljalal Ke Shan Per Muskurata Raha
Appnay Aap Per Nadamat Usay Honay Lagi
Apnay Ashraf ul Makhlooq Per Shak Honay Laga
Sharam Say Aur Nai Hoslay Say
Woh Apnay Kadam Wapis Chala
Khushki Ke Taraf
Apni Manzil Ke Taraf


Chanda Woh Mere Munn Ka...!
« on: Nov 30th, 2002, 6:49pm »
Mujhay Mehboob Kay Ishq Main Rangay Rehnay Do
Main Dhara Hoon Uskee, Uskee Ro Main Behnay Do
Chanda Woh Mere Munn Ka,Chaya Main Uskay Munn Ke
Apnay Pia Ke Yaad Main Saroor Mujhay Beheknay Do


Baahon Ke Panah
« on: Nov 24th, 2002, 3:47pm »
Meri Aankhon Main Ekbaar Lagatar Daikh
Inhe Aankhon Main Hay Tera Pyar Daikh

Meri Baahon Ke Panah Main Too Sama Jaa
Inhe Baahon Main Chupa Apna Qarar Daikh

Tujhay Soanp Chuka Hoon Apne Chahatain
Tu Aitbar Daikh Aur Yeh Ikhtiar Daikh

Chispan Hain Mere Yaad Per Teri Tasaweer
Tu Ekbaar To Mere Dil Kay Aarpaar Daikh

Tere Intizar Main Ratjagay Aur Teri Yaad
Mere Intizar Main Taaron Ka Shumar Daikh



Ulfat,Chahat Aur Muhabbat Ka Naam Lay
« on: Nov 19th, 2002, 4:14pm »
Tujhay Khonay Ka Dur Aur
Tujhay Paanay Ke Justuju
Teri Shakal Main Hai
Mera Mustaqbil Mere Ruburu
Tujh Say He Mere Dil Ke Basti Basi Hay
Teri Majboorian Meri Baybasi Hai
Mausam To Beher Haal Badalna He Hay
Tujhay Kion Bicharnay Ke Padi Hay
Mujh Say Bicharnay Walay Mujahy Thaam Lay
Tu Thoda Sabar Say To Zara Kaam Lay
Tere Nazdeek Hoon Main Tu Pehchan Lay
Ulfat,Chahat Aur Muhabbat Ka Naam Lay



Tanha Des Main Eid
« on: Dec 1st, 2002, 7:20am »
Humnay Guzar De Tanha Des Main Eid
Usnay Bhi Guzar De Pardes Main Eid
Bin Sajna Kay Beqar Hua Singhar Tera
Humnay Kerli Mujnu Kay Bhes Main Eid



Teri Yaad,Teri Soch Aur Tera Khial
« on: Dec 7th, 2002, 4:44am »
Tumhari Yaad,Tumhari Soch,Aur Tumhara Khial
Goya Tum Pass Hotay To Yeh Sub Kuch Hota Kia?
Sirf In Ka He Sahara Mujhay Kaafi To Nahin
Main Tere Talash Main Kis Ko Dhoondta Tha?
Taweel Musafaton Kay Siron Kay Bandhan
Hum Aur Tum Milan Ke Umeedon Ke Khoj Main
Kub Say Lagay Huay Hain,
Phir Main Sochta Hoon Kay
Woh Pehla Lamha Kia Hoga
Jub Ek Muddat Kay Baad Main
Apni Baahon Ke Hissar Main
Tumhain Paaonga
Yehi Intizar Tumhain Hay
Aur Mujhay Bhi
Isee Intizar Main,
Mujhay Tarpati Hain
Teri Yaad,Teri Soch Aur Tera Khial



Raag Aur Rang
« on: Dec 2nd, 2002, 1:36pm »
Saat Surron Kay Raag Main
Qoaz-o-Kazah Kay Rung Main
Main Aur Tum
Rachay Basay Hain
Yeh Jo Gul Bahar Main
Mehektay Hain
Tere Sang Main
Manzil Kay Rastay
Dikhtay Hain
Tum Ho Aur....
Bus Main Hoon
Tum Zindagi Ho Meri
Main Tumhari Rooh Hoon
Tujh Main, Main Kho Jaaon
Mujh Main Tu Samaa Jaa
Tere Bin Na Reh Paaon
Jahan Bhi Hay Tu Aajaa



Judai Naseeb Hogai...!
« on: Dec 4th, 2002, 7:11pm »
Woh Ek Nai Manzil Aur Nai Rah Kay Musafir
Manzil Say Waqif Per Raston Ke Khabar Nahin
Zindagi Say Uljhay Huay Ek Doosray Kay Mutzaad
Apni Tammam Tur Koshishon Kay Bawajood Woh
Ek Doosray Say Door Hotay Jarahay Thay
Dilon Kay Rishtay Qanooni Nukton Ke Nazar Hogai
Apne Apne Mustaqbil Kay Faislon Kay Muntazir
Faisla Woh Jo Kisi Ek Kay Haq Main Shayad
Kisi Ko Sanwaar Day Aur Kisi Ko Ujaar Day
Nannhi Jaano Per Zatiaat Kay Khanjar Paiwast Hogai
Un Masoom,Kamsin Aur Badnaseeb Bachon Ko
Judai Naseeb Hogai


Muhabbat Amar Hui Hay Kia...?
« on: Dec 6th, 2002, 2:10am »
Intizar Aur Sabar
Dono He Kathin Hotay Hain
Furqat-e-Yaar Main
Dil Tadaptay Hain
Faaslay Aur Doorian
Dono He Taweel Hotay Hain
Hum Apnay Dilon Main
Sabar Ke Fasal Botay Hain
Yeh Intizar,Sabar
Faaslay, Doorian
Adam Inkay Kabhi Muhabbat
Amar Hui Hay Kia?


Ishq-e-Sabaat
« on: Dec 11th, 2002, 2:02pm »
Aghaz Say Mere Liye Teri Ishq-e-Sabaat Nahin Thee
Baqoal Tere, Pyar Kay Kabil Meri Zaat To Nahin Thee

Jo Ankhon Say Baras Jai Tu Bata woh Kis ka Qaraar Ho
Woh Ansoo Thay Mere, Koi Tufani Barsaat Naheen Thee

Jo Tujhay Dil Main Rakha Mainay Aur Yun Poojta Raha
Kion Tera Yeh Kehna Kay Meri Yeh Bisaat To Nahin Thee

Woh Tere Furqaton Kay Faislay Aur Waafaon Ke Kahaniaan
Woh Teri Zaati Faislay, Siwa Iskay Koi Baat Nahin Thee

Meri Badnaseebi Kay Tu Muhtaat Raha Meri Muhabbaton Say
Tere Mere Darmiaan Koi Muhabbaton Ke Ihteyaat Nahin Thee


Dar Badar Tere Sheher Main
« on: Dec 23rd, 2002, 11:01am »
Main Yun Dar Badar
Tere Sheher Main Bhatakta Raha
Tujhay Panay Ke Chah Main
Dil Per Ajab Sakta Raha

Tassawurat-o-Khialaat Main
Koi Fasla Na Yakta Raha
Haan Tere Mere Darmian?
Ghair Janibdaar Rishta Raha

Yeh Nigahon Ke Takrar Main
Faqat Mera Dil Sokhta Raha
Kia Kuch Khoya Kia Payaa
Main Her Pul Yehi Sochta Raha


Muntazir Eid Ka,Teri Deed Ka
« on: Dec 4th, 2002, 7:10am »
Main Guzashta Saal Say Is Eid Ka Muntazir Raha
Dar Asal Saddion Say Teri Deed Ka Muntazir Raha
Tere Intizar Main Kathin Marhalay Bhi Guzardiye
Kuan Woh Jo Meri Badbakht Furqat Say Munkir Raha


Ishq-e-Mukarrar
« on: Dec 1st, 2002, 3:58am »
Mera Jo Bhi Kuch Hay
Tere Khayalon Kay Hawalay Hai
Meri Soch Ka Mahvurr Tu
Meri Tehreer Teri Gawahi
Yehi Sub Kuch To Mujhay Sanbhalay Hai
Teri Bikhri Yaadon Kay Waastay
Inkay Siwa Koi Na Mujhay Roak Sakay
Dikhai Diye Mujhay Teri Wafaa Kay Raastay
Phir Say Kadam Tayyar Huay
Be Saakhta Usee Janib
Jahan Main Tha Tu Tha
Aur Teesra Koi Nahin


Kion Mujhay Bhoolta Nahin?
« on: Dec 12th, 2002, 5:00pm »
Bheegi Surd Shaam Main
Sahil Ke Geeli Rait Per
Mera Haath Thamay
Mere Qadmon Kay Nishan
Per Tere Qadam Rakh Ker Chalna
Kion Mujhay Bhoolta Nahin?

Garmion Ke Garam Sham Main
Taiz Loo Ke Shiddat Say Tung Aana Tera
Mere Saath Kisi Bagh Main
Mere Ham Qadam Tehelna Tera
Aur Surd Shaamon Ka Intizar Kerna
Kion Mujhay Bhoolta Nahin?

Mausam-e-Bahaar Ke Dhalti Shaam Main
Thanday Honton Say Mujhay Choomna Tera
Apnay Hathon Say Chehra Chupana Tera
Khushbu Ke,Rangon Ke Baat Kerna
Sang Jeenay Aur Marnay Ke Baat Kerna
Kion Mujhay Bhoolta Nahin?


Tum
« on: Dec 16th, 2002, 3:14pm »
Kion Mujh Say He Bair Khatay Ho Tum
Mujh Say Kion Door Hojatay Ho Tum
Mujhay Dekh Ker Ghabrajatay Ho Tum
Be-sakun Be-chain Say Hojatay Ho Tum
Duniya Main Khud Ko Tanha Patay Ho Tum
Jub Bichar Ker Mujh Say Door Hojatay Ho Tum
Surkh Joda Jo Pehen Ker Aatay Ho Tum
Tub Bada Zulm Hum Per Dhatay Ho Tum
Yaqeen Jub Mujh Per Latay Ho Tum
Phir Kion Mere Khatoot Ko Jalatay Ho Tum
Jub Mere Yaad Main Gungunatay Ho Tum
Mere Dil Kay Taar Sub Hilatay Ho Tum
Phir Say Mere Qareeb Aajatay Ho Tum
Khud Ko Mera,Mujh Ko Apna Mantay Ho Tum



Dil Lagi Ka Pehla Sabaq
« on: Sep 30th, 2002, 3:21pm »
Chand Jaisay Gehree Ghata Kay Hijab Main Hay
Aesa He Ek Gul Jaisay Meri Dil Ke Kitab Main Hay

Meri Mussaraton Ka Shumar Tere Saath Main Hay
Mere Dil Ka Her Sakoon Tere Hisab Main Hay

Kia Mainay Tumhain Toot Ker Chaha Bhi Nahin?
Mere Her Sawal Ka Jawab Tere Jawab Main Hay

Kamraniaan Her Aashiq Ka Muqaddar To Nahin Kay
Dil Lagi Ka Pehla Sabaq Ishq Kay Nisab Main Hay

Jo Mil Jai Us Say Nazar,Kisi Bahanay Kisi Sabab
Woh Mera Hamdam Mere Halqa-e-Ahbab Main Hay



Jewan Saathi...!!!
« on: Dec 1st, 2002, 4:05pm »
Tere Saath Hoon Main
Tujh Say Door Bhi
Jo To Mere Saath Hai
To Main Maghroor Bhi
Mere Kandhay Per Sar Rakhay
Woh Surd Shamon Main Chehel Kadmi
Peelay Sukhay Patton Ke Sar Sarahat
Jo Dhalti Dhoop Ke Sunheri Kirnon
Main Chamktay Damaktay Tumharay
Aur Mere Kadmon Main Bichay Jarahay Hain
Yehi Zard Maail Pattay Kai Ruton Say
Mera Aur Tumhara Intizar Kertay Hain
Chalo Ub Wahin Chalain
Jewan Kay Saathi Rahain
Jewan Bhar Kay Liye


Patthar Hogai Hain Ankhain Mere
« on: Oct 28th, 2002, 9:47am »
Patthar Hogai Hain Aankhain Mere
Jaisay Thum Gai Hon Saansain Mere

Mujhay Pehlay Hee Bata Dia Hota
Kay Buri Lug Gai Hain Baatain Mere

Tere Janay Say Farq Faqat Itna Para
Kay Ratjagi Hogai Hain Raatain Mere

Main To Us Din Say Marhoom Hogia Tha
Chin Gain Thee Jis Din Say Chahatain Mere

Main To Woh Tha Jo Bardaasht Kergia
Nahin Daikhi Hain Tunay Ankhain Mere

Woh Jo Mujhay Kabhi Khatir Na Lata Tha
Ub Kion Tarpati Hain Usko Yadain Mere



Kissa Purana
« on: Dec 28th, 2002, 6:17pm »
Haal-e-Dil Kehnay Say Ghabrata Hoon Main
Uskay Ghar Bahanay Say Jata Hoon Main
Mere Baat Ka Yaqeen Woh Kertay Nahin
Dil-o-Jaan Jin Kay Liye Lutata Hoon Main
Ae Meri Jaan Faqat Tere Deedar Kay Liye
Kion Jaan Hateli Per Liye Jata Hoon Main
Milay Ga Zaroor Woh Mujhay Ise Rahguzar Per
Roaz Ise Raah Per Palkain Bichata Hoon Main
Shayad Kay Apna Samajh Ker Tu Uthalay Mujay
Ise Waastay Pathar Say Thokar Khata Hoon Main
Jub Tunay Cher He Dia Hay Yeh Qissa Purana
To Chalo Ek Do Jaam Aur Lagata Hoon Main


Kuch Bhi Nahin
« on: Jan 11th, 2003, 10:41am »
Ub Usay Pyar Nahin
Dost Nahin
Koi Yaar Nahin
Woh Tera Nahin
Tu Uski Nahin
Ek Baar Nahin
So Baar Nahin
Woh Tera Tha
Tu Uski Thee
Woh Daur Nahin
Adwaar Nahin
Jazbon Ke Jang Main
Teri Jeet Nahin
Uski Haar Nahin
Woh Kia Karay?
Kia Saabit Karay?
Jub Tujhay Us Per Aitebaar Nahin



Main Ek Aadmi Aam Hoon
« on: Jan 15th, 2003, 3:45am »
Bay Yaar-o-Maddadgaar Ker Gia Koi
Yun Dil Kay Paar Waar Ker Gia Koi
Is Say Qabal Kisi Nay Na Yeh Haal Kia
Jo Ek Lamhay Main Mera Ker Gia Koi
Neend Main Sapno Main Nazar Aai
Aur Kabhi Na Woh Mere Ghar Aai
Chahta Hoon Usko Kuch Is Qadar
Sochon Usay To Meri Aankh Bhar Aai
Ub To Main Bay Basi Ka Naam Hoon
Apnay Naseeb Ka Main Ghulam Hoon
Jo Kul Tuk Tere Liye Bunda Khas Tha
Ub To Main Ek Aadmi Aam Hoon



Waqt Ke Maar
« on: Jan 26th, 2003, 4:02pm »
Meri Zindagi Ka Woh Waaqia Na-Khushgawar Tha
Yeh Un Dinon Ke Baat Hay Mujhay Jub Pyar Tha
Mere Achay Waqt Main Her Koi Mere Saath Tha
Jub Din Badal Gai To Qareeb Mere Na Koi Yaar Tha
Badalti Ruton Nay Yeh Sikha Diya Hay Mujh Ko
Kay Woh Hissa Mere Zindagi Ka Kion Baiqaar Tha
Ae Khuda Usay To Maloom Tha Is Khail Ka Anjaam
Magar Yeh Bhi Jhoot Hay Kay Woh Laachaar Tha
Jo Kabhi Kehta Tha Kay Waqt Ko Maat Doonga
Na Hui Usko Khabar Kay Woh Waqt Ke Maar Tha


Yeh Dil
« on: Jan 31st, 2003, 3:59pm »
Yeh Mera Dil To Tabah Hogia
Tere Janay Say Tanha Hogia
Jo Dharakta Tha Seenay Main
Ub To Yeh Bilkul Fana Hogia
Kabhi Sochon Rat-Jagay Main
Kion Tha Dil Is Seenay Main
Woh Dil Jo Teri Umeed Per Jeeta Tha
Woh Maza Kahan Ub Iskay Jeenay Main
Yeh Dil Ziddi Hay Kuch Sochta Nahin
Zehen Isko Bhi Roak Sakta Nahin
Jo Dil Kay Dil Main Naa Aai
Wohi Kaam Kabhi Woh Kerta Nahin
Dil Ka Ajab Haal Banadia Dil Nay
Jo Na Banna Tha Woh Banadia Dil Nay
Majnu,Ranjha Aur Mahiwaal Ko
Be-misaal Ahwaal Banadia Dil Nay


Jo Sajda Karay To Kia Faida Ho ?
« on: May 11th, 2003, 10:05am »
Dil Main Jazba Koi Irada Ho
Falsafa e Zeest Jo Sadah Ho

Mutwazin Shamil Gham o Khushi
Yeh Na Kuch Kam Ho Na Ziada Ho

Rang Juda Juda Zuban Mukhtalif
Milansari Ka Yaksan Qaidah Ho

Insan Adam Jazba e Bandagi Ke
Jo Sajda Karay To Kia Faida Ho

Zameer Kay Qatil o Maqtool Khud
Zar,Zan,Zamin Kay Na Deedah Ho


Doobti Hui Shaam
« on: Apr 18th, 2003, 4:34pm »
Jafaain Woh Jub Yun Saari Mere Naam Kargia
Mera Kia Woh To Khud Ko Bhi Badnaam Kergia
Raasta Bhi Na Rakha Usnay Koi Loatnay Ka
Jatay Jatay Woh Band Saray Dar o Baam Kergia
Waqt e Aakhir Tak Main Us Say Mutasir He Raha
Shikwa Na Karon Woh Zuban Ko Lagam Kergia
Ub To Yaad e Maazi Kay Siwa Bacha Kia Hay
Woh Jab Rishtay He Saaray Tamaam Kergia
Sahar Jis Ke Saddion Say Kabhi Aai He Nahin
Aisee Doobti Hui Woh Mujhay Shaam Kergia
Kisi ankahi soch main keh gia kuch...........

Main Likhta Hon Apnay Liye
Dard Sehta Hon Apnay Liye
Kahin Majrooh Na Ho Jaaon
Yun Darta Hon Apnay Liye


Last edited by Schaa on Mon Feb 20, 2006 4:37 pm, edited 5 times in total.


_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Nice
PostPosted: Tue Nov 15, 2005 4:08 am 
Junior Member

Joined: Sun Nov 13, 2005 2:50 am
Posts: 51
Location: Walton, Lahore, Pakistan.
A.O.A.........!!!

such a nice collectio dear,

perh ker yaqeen hota he ke aap ki apni shairy he.

keep it up.

--------------------


phoolon se zukhum khae kantoon se si die
ye bhi rafoo gari ki anokhi misaal he
________________

God Bless U
Muhammad Ali


Offline
 Profile  
 
 Post subject: Re: Mein Likhta Hon Apnay Liye
PostPosted: Sun Nov 20, 2005 7:13 pm 
Baby Addict Member

Joined: Tue Aug 16, 2005 6:22 pm
Posts: 7136
Schaa wrote:
Kisi ankahi soch main keh gia kuch...........

Main Likhta Hon Apnay Liye
Dard Sehta Hon Apnay Liye
Kahin Majrooh Na Ho Jaaon
Yun Darta Hon Apnay Liye


oohhhh....................khubsurat tareen!!
bohat hi acha likha hai.
keep writing :)



_________________
Image

Khuda Pakistan ki hifazat karey !
(Last words by Shaheed-e-Millat Liaquat Ali Khan)


Image
Offline
 Profile  
 
 Post subject: Re: Nice
PostPosted: Tue Nov 22, 2005 6:14 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Muhammad Ali wrote:
A.O.A.........!!!

such a nice collectio dear,

perh ker yaqeen hota he ke aap ki apni shairy he.

keep it up.

--------------------


phoolon se zukhum khae kantoon se si die
ye bhi rafoo gari ki anokhi misaal he
________________

God Bless U
Muhammad Ali


Wsalaam Ali

Shukria aap nay saraha.

Yaqeen say kehta hon kay "Aapki shairy" main apni tehreer he paish kerta hon.



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject:
PostPosted: Tue Nov 22, 2005 6:16 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Aabroo wrote:
jee Mohd Ali ye in ki apni shairy hai ... (AAP KI SHAIRY mein jo hai :D )schaa bohat acha likha hai, mazeeed ka intezar rahe ga


Adaab Aabroo

Umeed kerta hon kay aap khair khairiat say hongi.

Bas waqt na maar dala hay werna to likhnay ko buhat kuch hay,aainda mazeed phir hazir honga taza kalam kay saath.

Sab ko salaam



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Re: Mein Likhta Hon Apnay Liye
PostPosted: Tue Nov 22, 2005 6:17 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
jiarao wrote:
Schaa wrote:
Kisi ankahi soch main keh gia kuch...........

Main Likhta Hon Apnay Liye
Dard Sehta Hon Apnay Liye
Kahin Majrooh Na Ho Jaaon
Yun Darta Hon Apnay Liye


oohhhh....................khubsurat tareen!!
bohat hi acha likha hai.
keep writing :)


Nawazish Jiarao



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Sunta Hon
PostPosted: Sat Dec 10, 2005 5:31 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Abhi abhi kisi mehfil say lota he tha kay hathon main keyboard ko paanay ke junbish hui.Phir kerta na kerta kuch keh he gia,jo qaraain ke khidmat main hazir-e-khidmat hay.


Sunta Hon Dekhta Hon Bolta Hon
Apni He Zindagi Main Dolta Hon
Lubon Per Muskurahat Saj Jai
Jab Kitab-e-Maazi Kholta Hon
Tawazun Na Sahi Insaaf To Ho
Kisi Rawiye Ko Yun Tolta Hon
Kisi Kay Samajh Aai Ya Na Aai
Jo Kehta Nahin Woh Soctha Hon



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Re: Sunta Hon
PostPosted: Sun Dec 11, 2005 2:49 am 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Aabroo wrote:
Schaa wrote:
Abhi abhi kisi mehfil say lota he tha kay hathon main keyboard ko paanay ke junbish hui.Phir kerta na kerta kuch keh he gia,jo qaraain ke khidmat main hazir-e-khidmat hay.


Sunta Hon Dekhta Hon Bolta Hon
Apni He Zindagi Main Dolta Hon
Lubon Per Muskurahat Saj Jai
Jab Kitab-e-Maazi Kholta Hon
Tawazun Na Sahi Insaaf To Ho
Kisi Rawiye Ko Yun Tolta Hon
Kisi Kay Samajh Aai Ya Na Aai
Jo Kehta Nahin Woh Soctha Hon


:) wah schaa jee bohat umda ...aap to waqaee kamal kartay hain ..hum jo sochtay bina kahtay hain :D
bohat umda ..keep sharing...ek nazar apni us post pe bhi daal liye ga jis mein aap ne kuch gila kiya hai.

thnx


Buhat shukria Aabroo

Aap nay bhi saha kaha kay kamal kerta hon aur phir jo kuch nahin kertay woh kamal he kertay hain. :)

Aapka aur israr ka reply parh ker kuch dil ko tassilli phir bhi nahin hui.Baharhaal aap logoan nay tawajah de yehi buhat badi baat hay.


Sab ko mera moadabana salaam.



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Re: Mein Likhta Hon Apnay Liye
PostPosted: Sat Dec 17, 2005 4:37 pm 
new bie

Joined: Fri Dec 16, 2005 3:40 pm
Posts: 29
Location: pakistan/ lahore
Schaa wrote:
Kisi ankahi soch main keh gia kuch...........

Main Likhta Hon Apnay Liye
Dard Sehta Hon Apnay Liye
Kahin Majrooh Na Ho Jaaon
Yun Darta Hon Apnay Liye

Aslam_O_Alikum
jee yah mera pahala massage hai ap ko
ap wakey bohat acha likhte hai
aur likhte the rahe ....aur bohat acha zooq hai ap ka


Offline
 Profile  
 
 Post subject: hmmmmmmm
PostPosted: Mon Dec 19, 2005 10:48 pm 
Junior Member

Joined: Fri Mar 25, 2005 8:37 am
Posts: 65
very nice ..brother :)
keep up it


Offline
 Profile  
 
 Post subject: subhaan Allah
PostPosted: Mon Dec 19, 2005 11:16 pm 
Junior Member
User avatar

Joined: Tue Jun 07, 2005 12:09 am
Posts: 102
Location: Peshawar
sab tareefooN kay laiq Allah ki woh zaat hay jis na ranga rung dunya banaai......qism qism kay loog banaay..... sukhun takhleeq kia aur sukhanwar paida kiay......

Sab Allah ki makhlooq hay..... likhnay walay bhi aur tareef karnay walay bhi.....

aur main Allah ka aik aajiz banda bus khuda ki qudratooN ka motaraf ho raha hooN daikh daikh kar....

Wah Maula...."tariaaaN tu he jaaniN"


Offline
 Profile  
 
 Post subject: Re: Mein Likhta Hon Apnay Liye
PostPosted: Mon Jan 16, 2006 4:56 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
waqas quareshi wrote:
Schaa wrote:
Kisi ankahi soch main keh gia kuch...........

Main Likhta Hon Apnay Liye
Dard Sehta Hon Apnay Liye
Kahin Majrooh Na Ho Jaaon
Yun Darta Hon Apnay Liye

Aslam_O_Alikum
jee yah mera pahala massage hai ap ko
ap wakey bohat acha likhte hai
aur likhte the rahe ....aur bohat acha zooq hai ap ka


Muhtaram Waqas Sahab

Buhat shukria aapke anmoal qadr ka.

Mamnoon hon aapka



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Re: hmmmmmmm
PostPosted: Mon Jan 16, 2006 4:57 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
pakprince wrote:
very nice ..brother :)
keep up it


Cheers bro :)



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Re: subhaan Allah
PostPosted: Mon Jan 16, 2006 5:00 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
mmqasim wrote:
sab tareefooN kay laiq Allah ki woh zaat hay jis na ranga rung dunya banaai......qism qism kay loog banaay..... sukhun takhleeq kia aur sukhanwar paida kiay......

Sab Allah ki makhlooq hay..... likhnay walay bhi aur tareef karnay walay bhi.....

aur main Allah ka aik aajiz banda bus khuda ki qudratooN ka motaraf ho raha hooN daikh daikh kar....

Wah Maula...."tariaaaN tu he jaaniN"


Muhtaram Qasim Sahab

Aap ke post ka jawab buhat takheer say diya is ke liye banda sharminda aur maafi ka talabgaar hay.


Buhat baja farmaya aapnay,hum to bas gunehgaar hain aur uskee qudrat ke badolat he itna karam hay.

Mamnoon aapka.



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: nice
PostPosted: Mon Jan 16, 2006 6:00 pm 
Super Member

Joined: Wed Oct 26, 2005 3:11 pm
Posts: 1177
Location: lahore
very nice bhai bohut khoob likha hai aap nay



_________________
tu saath chulay to shayed koi manzil aan milay
werna muj ko to yeh rastay pahchantay nahi
Offline
 Profile  
 
 Post subject: Re: nice
PostPosted: Tue Jan 17, 2006 3:00 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
aasawan wrote:
very nice bhai bohut khoob likha hai aap nay


Buhat shukria Aasawan



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject:
PostPosted: Sat Feb 18, 2006 9:24 am 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Main Aur Kia Kahon?
Kaun Hay Jo Sunay Gaa
Jo Bhi Nazron Say Guzar Chuka
Woh Sab Is Dil Main Jazb Ho Chuka
To Dil Ko Kureedon Kis Kay Liye
Waqt Ko Khareedon Kis Kay Liye?
Uskay Liye Jo Qadar-Daan Hain?
Ya Unkay Liye Jo Anjaan Hain ?
Main Aur Kia Kahon ?



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject:
PostPosted: Sun Feb 19, 2006 7:31 pm 
DIL DARD KARTAAH HAIN,
JIS KI DAWAAH TUM HOH.
AGAR QUYAAMAT KA DAR NA HOTA,
TO KEH DETE KHUDAA TUM HO.


  
 
 Post subject: Re: "Mera Sarmayaa-e-Yaad"
PostPosted: Mon Feb 20, 2006 4:34 pm 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
[quote="Schaa"]Kabhi socha na tha ke sab sar-e-aam kerdonga woh bhi ek post main.Is qabil to khair kahin say nahin hon kay itnay umda aur behtreen kehno walon aur unkay Deewaan kay samnay apni seedhi saada aur mamooli se tehreeren paish karon.

Himmat khair ker he lee aur socha shayad ke aajai saaki ko taras...ab ke baras.

Hazir -e- khidmat hay jo kaha gia aur parha gia.

Kuch mazeed tehreerain aur bhi hain waqtan fa waqtan update kerta rahonga.

Update: 21st Feb 2006

Kia Khushbu Ke Rangon Say Baat Ho
Jo Woh Na Kabhi Mere Saath Ho
Dil Na Dharkay Aur Sans Tham Jai
Jis Shab Na Tujh Say Mulaqaat Ho



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject:
PostPosted: Mon Feb 20, 2006 10:11 pm 
O Bewafa Kya Tujhe Meri Bikul Yaad Nahi Aati,
Kya Meri Yaad Tujhe Bilkul Nahi Satati,
Yeh Sher Likhkar Mein Diley-Byan Na Karta,
Par Kya Karoon Teri Tasveer, Tera Haal Nahi Batati


  
 
 Post subject:
PostPosted: Sat Feb 25, 2006 2:31 am 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
nikss wrote:
DIL DARD KARTAAH HAIN,
JIS KI DAWAAH TUM HOH.
AGAR QUYAAMAT KA DAR NA HOTA,
TO KEH DETE KHUDAA TUM HO.


Buhat aala aur umda



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject:
PostPosted: Sat Feb 25, 2006 6:33 pm 
thanx.....


  
 
 Post subject:
PostPosted: Sun May 28, 2006 7:06 pm 
Pehla pehla yeh jo nasha hai
bheega bheega yeh jo sama hai
teri baanhon main aa k mujhe
aisa laga kuch tou hai....
yeh hawaiin , fizaain ,madham chandni
keh rahi hain kuch tum se baatain pyaar ki
teri baanhon main aa k mujhe
aisa laga kuch tou hai.....
pehla pehla yeh jo nasha hai
bheega bheega yeh jo sama hai.......
bheegi hui si rut main aise takta hai jaane jaan
tere jaisa koi nahin hai
tuu hi hai jaane jaan
teri baanhon main aa k mujhe
aisa laga kuch tou hai.....
pehla pehla yeh jo nasha hai
bheega bheega yeh jo sama hai
teri baanhon main aa ke mujhe
aisa laga ...kuch tou hai....!!!!


  
 
 Post subject:
PostPosted: Tue Jun 06, 2006 6:39 am 
Super Member

Joined: Tue May 23, 2006 2:03 am
Posts: 1200
Location: EARTH
Bad Marnay Kay Meray TUm Jo kahani Likhna
Kaysay Barbad Huwi Jawani Likhna
Ye Bhi Likhna Meray Hont Hasi Ko Tarsay
AnKh Say Bahta Pani Likhna...



_________________
Mairy marnay kay baad mairee ankhan kholee rahey.
q kay mujy adatt see ho gaie thee tary intazar ki
Offline
 Profile  
 
 Post subject:
PostPosted: Fri Sep 01, 2006 2:30 am 
Baby Addict Member
User avatar

Joined: Thu Aug 03, 2006 1:02 am
Posts: 5600
Location: NANKANA SAHIB-Pakistan
Dangerous_Girl_Noor wrote:
Bad Marnay Kay Meray TUm Jo kahani Likhna
Kaysay Barbad Huwi Jawani Likhna
Ye Bhi Likhna Meray Hont Hasi Ko Tarsay
AnKh Say Bahta Pani Likhna...


HNNNNNNNNN
VERY NICE KEPP IT UP.



_________________
Bus aik Hee Dhun hay kah main dosro kay kaam aao.N
Mujhay selay say gariz hayy' nah kuch swaab say hay!!
Offline
 Profile  
 
 Post subject: یوں بے سبب چلے جانا تری ہجرت نہ ہو
PostPosted: Fri Jan 03, 2014 5:25 am 
Junior Member

Joined: Wed Apr 13, 2005 3:57 pm
Posts: 122
Location: Auckland New Zealand
Aaj 9 saal ke baad is mehfil mein laut ker aaya hon. Kuck ajab sa dil kaa haal hua jab apni kuch purani yaad-daashtain parhin. Agar waqt nay moqa diya to munasib waqfon ke saath haazri daita rahongaa. Ek purani ghazal paish hai isi munaasbat say.

Yun Be-sabab Chalay Jana Teri Hijrat Na Ho
Mujh Say Fasila Barhana Teri Nusrat Na Ho

Gardish e Yaad Ke Bhatakti Manzilon Main
Tera Bar Bar Yaad Aana Meri Kismat Na Ho

Main Kaun Hon,Main Kia Tha Aur Kia Hogia
Meri Badnaam Shuhrat Teri Ghaflat Na Ho

Tu Mujhay Chor Chala Main Tujhay Bhool Jaaon
Har Baar Aisa Socha Per Meri Himmat Na Ho

Main Teri Suhbat Ka Tanha To *Waalah Nahin
Kise Wahid Ko Chahay Yeh Teri Fitrat Na Ho

[*Waalah=mad with love]



_________________
Asaib Sa Ek Dil Mein Bas Gia Hay Mere
Ke Is Tanhai Mein Bhi Tanha Nahin Main
Schaa
Offline
 Profile  
 
 Post subject: Re: یوں بے سبب چلے جانا تری ہجرت نہ ہو
PostPosted: Fri Jan 03, 2014 1:45 pm 
Moderator
Moderator
User avatar

Joined: Sun Feb 14, 2010 6:59 pm
Posts: 14186
Schaa wrote:
Aaj 9 saal ke baad is mehfil mein laut ker aaya hon. Kuck ajab sa dil kaa haal hua jab apni kuch purani yaad-daashtain parhin. Agar waqt nay moqa diya to munasib waqfon ke saath haazri daita rahongaa. Ek purani ghazal paish hai isi munaasbat say.

Yun Be-sabab Chalay Jana Teri Hijrat Na Ho
Mujh Say Fasila Barhana Teri Nusrat Na Ho

Gardish e Yaad Ke Bhatakti Manzilon Main
Tera Bar Bar Yaad Aana Meri Kismat Na Ho

Main Kaun Hon,Main Kia Tha Aur Kia Hogia
Meri Badnaam Shuhrat Teri Ghaflat Na Ho

Tu Mujhay Chor Chala Main Tujhay Bhool Jaaon
Har Baar Aisa Socha Per Meri Himmat Na Ho

Main Teri Suhbat Ka Tanha To *Waalah Nahin
Kise Wahid Ko Chahay Yeh Teri Fitrat Na Ho

[*Waalah=mad with love]




subhanallah haseen kalam paish farmaya hai janab............yunhi jald jald apna kalam yahan post kartey rehain aur iss forum ki rounaq may izafa farmatey chalain jayien................. :b)b: :b)b: :rose: :rose: :rose: :rose: :rose: :rose: :rose: :rose: :rose:



_________________
Image
Image



میرے صبر پر کوئی اجر کیا، میری دوپہر پر یہ ابر کیوں؟
مجھے اوڑھنے دے اذیتیں، میری عادتیں نہ خراب کر
Offline
 Profile  
 
 Post subject: Re: یوں بے سبب چلے جانا تری ہجرت نہ ہو
PostPosted: Mon Jan 06, 2014 6:09 pm 
Super Moderator
User avatar

Joined: Fri Jun 18, 2010 10:52 am
Posts: 36791
Schaa wrote:
Aaj 9 saal ke baad is mehfil mein laut ker aaya hon. Kuck ajab sa dil kaa haal hua jab apni kuch purani yaad-daashtain parhin. Agar waqt nay moqa diya to munasib waqfon ke saath haazri daita rahongaa. Ek purani ghazal paish hai isi munaasbat say.

Yun Be-sabab Chalay Jana Teri Hijrat Na Ho
Mujh Say Fasila Barhana Teri Nusrat Na Ho

Gardish e Yaad Ke Bhatakti Manzilon Main
Tera Bar Bar Yaad Aana Meri Kismat Na Ho

Main Kaun Hon,Main Kia Tha Aur Kia Hogia
Meri Badnaam Shuhrat Teri Ghaflat Na Ho

Tu Mujhay Chor Chala Main Tujhay Bhool Jaaon
Har Baar Aisa Socha Per Meri Himmat Na Ho

Main Teri Suhbat Ka Tanha To *Waalah Nahin
Kise Wahid Ko Chahay Yeh Teri Fitrat Na Ho

[*Waalah=mad with love]

Welcome Back Schaa... :)O
aap ki ye ghazal pasand aayi... aap ka ye new thread aap k poorane thread meiN merge ker raha hoN takay hum sub aap ki poorani kawishat bhi mulahiza ker sakeN...
:)O



_________________
Image
Image
Offline
 Profile  
 
Display posts from previous:  Sort by  
 Page 1 of 1 [ 28 posts ] 

All times are UTC + 5 hours


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Jump to: