***Lafzoon Ki Bait Bazi***

Deserted Rose · **Posted:** Fri Oct 23, 2009 2:37 pm

balvinder wrote:

~taqdees~[/b]

Woh Kehti Hai, Fizaien Husn Sy Aabaad Rehti Hain
Main Kehta Hoon, Agar Iss Husn Ki Taqdees Baqi Ho

sono · **Joined:** Tue Sep 27, 2005 3:41 am **Posts:** 29986

Rose aap agla lafz dena bhool gayen

chalen mein khud hi choose kar leti hon "husn"

ai husn-e-be-paravaah tujhe shabnam kahuuN sholaa kahuuN
phuulon mein bhii shoKhii to hai kisako magar tujh saa kahuuN
Bashir Badr

balvinder · **Posted:** Fri Oct 23, 2009 5:26 pm

sono wrote:

Rose aap agla lafz dena bhool gayen

chalen mein khud hi choose kar leti hon "husn"

ai husn-e-be-paravaah tujhe shabnam kahuuN sholaa kahuuN
phuulon mein bhii shoKhii to hai kisako magar tujh saa kahuuN
Bashir Badr

aur is baar aap ka lafz Ghaayab hai ''sono'' jii

shabnam hai, chaandani hai , nasiim-e-bahaar hai
main hooN, qayaamat hai, tiraa intezaar hai

~chaandani~

SHAIRYFAN · **Posted:** Fri Oct 23, 2009 5:31 pm

Aap ki yaad aati rahi raat bhar
ChaaNdni dil dukhaati rahi raat bhar

dukhaati

balvinder · **Posted:** Fri Oct 23, 2009 5:37 pm

SHAIRYFAN wrote:

Aap ki yaad aati rahi raat bhar
ChaaNdni dil dukhaati rahi raat bhar

dukhaati

kyaa kareN baat, chaaNd kii saahib?
dil dukhaatii hai chaaNdanii saahib

~saahib~

SHAIRYFAN · **Posted:** Fri Oct 23, 2009 5:43 pm

Dast-e-naazuk baRhaaiyey sahib
Paan haazir hai, khaaiyey sahib

naazuk

lonely_life1 · **Posted:** Fri Oct 23, 2009 8:37 pm

bari naazuk hai sapno ki ya duniya.
Pal mian kia ho jay pata nai chalta.\

sapna

SHAIRYFAN · **Posted:** Fri Oct 23, 2009 10:50 pm

Phir wahi chaahney waala daikha?
Ya khuli aaNkh ne sapna daikha?

daikha

*!*Umeed-e-Sehar*!* · **Joined:** Thu Dec 11, 2008 11:24 am **Posts:** 12126

Tu ne dekha hai kabhi ik nazar sham k baad
Kitne chup chaap se lagtey hain shajar shaam k baad..!!

Shajar

Deserted Rose · **Posted:** Sat Oct 24, 2009 7:04 am

sono wrote:

[color=#0000FF]Rose aap agla lafz dena bhool gayen

chalen mein khud hi choose kar leti hon "husn"

balvinder wrote:

[b]aur is baar aap ka lafz Ghaayab hai ''sono'' jii

hum sub ko bhoolny ki bimaari ho gaee hai Balvinder g...

ma'azrat chahti hoon... :blushh:

aaj kal tension itni hai k apna naam bhi bhool gaeen hoon shayad,,... :thinking

*!*Umeed-e-Sehar*!* wrote:

Shajar

Tu Kisi Shajar K Ujjrey Hovey Pattey Sy Pooch
Tujhy Ro Ro Ky Sunaey ga K Fasana Kiya Hai.......

"Fasana"

lonely_life1 · **Posted:** Sat Oct 24, 2009 11:26 pm

dil say chaha tha socha tha wo pyar hai mara.
ankh khuli tu pata chala wo afsana tha mara.

Aankh

miskeen · **Posted:** Sun Oct 25, 2009 11:08 am

kiyon katl ki neeyat se kaajul he lagaya,
in aankhon ki mustee ny pagul he banaya.
mukhmoori nigahon men ye soorkh tabasum,
zahid ko apny zohd se baatil he banaya.

(miskeen)

mukhmoori..

Deserted Rose · **Posted:** Mon Oct 26, 2009 5:51 pm

SholoN mein jhulasta hua ek phool hoon Mukhmoor
Khushbo ki tarhaN tha mera kirdaar, magar ab..?

"Jhulasta/Jhulasna/Jhulasna"

balvinder · **Posted:** Mon Oct 26, 2009 5:56 pm

Deserted Rose wrote:

"Jhulasta"

mahaktii waadiyaaN, nehreiN, ye aabshaar tere
Jhulastaa taptaa huaa regzaar meraa thaa

Zafar Iqbal

~aabshaar~

lonely_life1 · **Posted:** Tue Oct 27, 2009 11:40 am

In aabsharo se pocho hamari wafa ki kahani.
Asay bahgaya k jasay samunder ka pani.

sono · **Joined:** Tue Sep 27, 2005 3:41 am **Posts:** 29986

Lonely ji aap ne agla lafz nahen diya....to main khud lafz "kahani" le rahi hon....

jaate jaate vo mujhe achchhii nishaanii de gayaa
umr bhar doharaauuNgaa aisii kahanii de gayaa
Javed Akhtar

"nishani"

Deserted Rose · **Posted:** Wed Oct 28, 2009 3:25 pm

Main to marny k liye tayyar tha
Dy gaya mujh ko nishani zindagi....

"Tayyar"

balvinder · **Posted:** Wed Oct 28, 2009 6:32 pm

Deserted Rose wrote:

"Tayyar"

husn ke haath meN gar ishq kii talvaar na ho
ko_ii yooN jhoom ke sar dene ko taiyaar na ho

~jhoom~

Deserted Rose · **Posted:** Wed Oct 28, 2009 6:43 pm

Aao Huzur tum ko sitaaroN mein ly chaloon
Dil Jhoom jaye aesi BaharooN mein ly chaloon

"SitaarooN/Sitaary"

lonely_life1 · **Posted:** Wed Oct 28, 2009 8:11 pm

is Duniya ki shan-0-shoket se bahar ho ker dakh
in sitaaroon mian kahi chand tara intazar kerta hai.

Shan-o-Shoket / Chand

balvinder · **Posted:** Thu Oct 29, 2009 8:50 am

lonely_life1 wrote:

Shan-o-Shoket

tumhaare mahaloN kii shaan-o-shaukat bhii aarazii hai
hamaare maazii kaa kyaa huaa, maqabaroN se poochho

~mahal~

lonely_life1 · **Posted:** Thu Oct 29, 2009 9:24 pm

Is mahal ki har dewar say poch ker tu dakho tum
Jo najanay maray kitnay anso hatho mian liya kharay hai

hatho

sono · **Joined:** Tue Sep 27, 2005 3:41 am **Posts:** 29986

beruKhii ke saath sunaanaa dard-e-dil kii dastaaN
aur teraa hathon mein vo kangan ghumaanaa yaad hai
Hasrat Mohani

"kangan"

balvinder · **Posted:** Fri Oct 30, 2009 7:22 am

sono wrote:

"kangan"

kaNgan ko karogii chup, paayal utaar logii
dhaRhkan ka kyaa karogii, aahaT to phir bhii hogii

~paayal~

lonely_life1 · **Posted:** Fri Oct 30, 2009 9:26 am

Mari ankho mian need ki gahrahiyo ka sabab pocha usne.
Tari paayal ki khen khen ne Raat bar sunay nahi dia.

Gahrahiyo

balvinder · **Posted:** Fri Oct 30, 2009 2:29 pm

lonely_life1 wrote:

Gahrahiyo

khushboo tere badan kii jo purvaaiyoN meN hai
shabnam kii aaNch zaKhm kii gahraaiyoN meN hai

''Kaif'' Aziimaabaadii

~purvaai~

Deserted Rose · **Posted:** Sat Oct 31, 2009 4:10 am

Ashk-e-junooN idhar hai, udhar aah-e-sard hai
Saavan k saath saath hai purvaee'yoN kaa dard....!

"Saavan"

balvinder · **Posted:** Sat Oct 31, 2009 3:09 pm

Deserted Rose wrote:

"Saavan"

aaNkh barsii hai tire naam pe saavan kii tarah
jism sulgaa hai tirii yaad meN chandan kii tarah

~chandan~

Deserted Rose · **Posted:** Sun Nov 01, 2009 5:01 pm

Aaye tum yaad mujhy, gaany lagi har dharkan
Khushbo laai pavan, mehka chandan

"Pavan"

balvinder · **Posted:** Sun Nov 01, 2009 5:34 pm

Deserted Rose wrote:

"Pavan"

phir saavan rut kii pavan chalii tum yaad aaye
phir pattoN kii paazeb bajii tum yaad aaye

~paazeb~

Deserted Rose · **Posted:** Sun Nov 01, 2009 5:47 pm

Gungunati huee aati haiN falak sy boondieN
Koi badli teri paazeb sy takrai hai... :)O

"BoondieN"

balvinder · **Posted:** Sun Nov 01, 2009 5:51 pm

Deserted Rose wrote:

"BoondieN"

jis ki amaaN meiN hooN, vohii uktaa gayaa na ho?
booNdeN ye kyuN barastii haiN, baadal to chhaT gaya

~amaaN~

SHAIRYFAN · **Posted:** Mon Nov 02, 2009 5:06 am

Barq se tasaadum ka, waqt aa hee jaayey ga
DhooNDhtey raho dey tum, barq se amaaN yaaro

Barq

balvinder · **Posted:** Mon Nov 02, 2009 11:33 am

SHAIRYFAN wrote:

Barq

ajii huzoor kahaaN Ghaayab haiN aaj-kal.....

zer-e-lab ik jhalak tabassum kii
barq hai ya sharaar hai, kya hai?

~sharaar~

sono · **Joined:** Tue Sep 27, 2005 3:41 am **Posts:** 29986

balvinder ji fan ji bohat bzy ho gaye hain :annoyedl:

@ topic
shaayad abhii hai raakh mein koii sharaar bhii
kyon varnaa intazaar bhii hai iztiraar bhii
Ada Jafri

" iztiraar"

balvinder · **Posted:** Wed Nov 04, 2009 3:11 pm

sono wrote:

balvinder ji fan ji bohat bzy ho gaye hain :annoyedl:

" iztiraar"

jii, kuchh yooN hii lagtaa hai....

har ik harf-e-tamannaa is iztiraar meN hai ki
phir nasiib ho darbaar-e-yaar-e-baNda_nawaaz

~baNda_nawaaz~

Deserted Rose · **Posted:** Fri Nov 06, 2009 5:19 am

EK HI SAF MEIN KAHRAY HOGAYE MEHMOOD OR AYAAZ
NA KOI BANDA RAHA NA KOI BANDA_NAWAZ

"Saf"

sono · **Joined:** Tue Sep 27, 2005 3:41 am **Posts:** 29986

mere chaaraagar ko naved ho saf-e-dushmanaa ko Khabar karo
vo jo qarz rakhate the jaan par vo hisaab aaj chukaa diyaa
[Faiz Ahmed Faiz]

"khabar"

balvinder · **Posted:** Mon Nov 09, 2009 4:28 am

sono wrote:

"khabar"

dekho na aaNkh bhar ke kisii kii taraf kabhii
tumko khabar nahiiN jo tumhaarii nazar meN hai

''Asar'' lukhnavi

~nazar~

Deserted Rose · **Posted:** Mon Nov 09, 2009 4:42 am

Teri Ek nazar k Hisaar mein, main sari zindagi guzaar doon
Tujhy apny Dil mein basa k main, pyaar bae-shumaar doon

"Hisaar"

***Lafzoon Ki Bait Bazi***

Who is online

Lafzoon Ki Bait Bazi