Yeh sheeshay yeh sapnay, yeh rishtay yeh dhagay
Kisay kiya khabar hei kahan toot jaaein
Mohabbat kay dariya mein tinkey wafa key
Najaney yeh kis mor par doob jaaein
Ajab dil ki waadi ajab dil ki basti
har ik mor mousam nayee khawahishon ka
lagaye hein hum ne bhi sapnon ke poday
magar kiya bharosa yahan baarishon ka
muradon ki manzil key sapnon mein khoyay
mohabbat ki raahon peh hum chal pare thay
zara door chal kar jab aankhein khuli to
karee dhoop mein hum akalay kharey thay
Jinhein dil sey chaha, jinhein dil sey pooja
Nazar aa rahey hein wohi ajnabee say
Rawayat hei shayad yeh sadiyon purani
shikayat nahin hai koi zindagi say
Yeh sheeshay yeh sapnay, yeh rishtay yeh dhagay
Kisay kiya khabar hai kahan toot jaaein.

tumhain jana zarori hay
chalo phir is terhan ker lo
tum apnay rastay ho lo
naae manzil koi dhondoo
naae dunya basaao tum
mujhay kuch dair rukna hay
yahan kuch kam kernay hain
yahan yadain hain kuch mairee
wo kuch beetay howay lumhay
wo anchal say giray thay ju
bikher ker dor tuk
mujhko paraishan ker rahay hain ju
unhain ik jaah kerna hay
kahain par dafun kerna hay
muhabbat kee qaber per ik naya qotbaa lagana hay
phir is kai bad mujhko lout jana hay
ab itnay kam hain janaa
tumhain jaldi hay tum jao
mujhay kuch waqt lag na hay
yai mah-o-saal hon shayad
ya shayad hon kaee sadyaan
tu phir kub tuk yahan baithee raho gi tum
ju jana hay tu phir is main
morrawat kee zaroorat kya
muhabbat ab nahe tumko
takkalof kee zaroorat kya
naya sathi ju dhondha hay
tu phir mairee zaroorat kya..............

Mouhabat Ke Tabiyat May !
Mouhabat Ki Tabiyat May
Yeah Kaisa Bachpana Qudrat Nay Rakha Hay
Ke Yeah Jitnee Bhee Purrani,
Jitnee Bhee Mazboot Hu Jaye
Issay Tayed-e-taza ki Zaroorat Phir Bhee Rehtee Hay
Yaqeen Ki Akhri Hadoo'n Tak
Nigahoon May Lehlahatee Hu
Ankhoon May Chamaktee Hu
Lahoo May jagmagatee Hu
Issay Izhaar Ke Lafzoon Ki
Hajat Phir Bhee Rehteee Hay
Mouhabat Mangtee Hay Yooon
Gawaahi Apnay Hounay Ki
Jaisay Ik Tifal-e-Sadaaa
Shaam may Beej Boye
Aour Shab May Barha Uthay
Zameen Khod kar Dekay, Ke Yeah Pouda Kahan Tak Hay
Mouhabat Ki Tabgiyat May
Ajab Takrar ki Khu Hay
Ke Yeah Izhar Ke Lafzoon Ku
Sun'nay Se Nahee Thaktee
Bicharnay ki Koi Gharee Hu
Ya milnay ki Koi Sa'aaat
Issay Bass Aik Heee Dhunn Hay
Kaho Mujh Se Mouhabat Hay
Kaho Mujh Se Mouhabat Hay

Nadan Larki...
Kitni Nadan thee Wo Larki,
Jo khialon ki Dunya mein basti thee,
Sochon k Muskan mein rehti thee,
Wo Veeran Yaadon k daman mein bandhi rehti thee...

Kitni Nadan thee Wo Larki,
Jo kitaboon mein ghum rehti thee,
Afsanon mein apna kirdar talash karti thee,
Kuch na pane ki surat mein Udas ho jaya karti thee...

Kitni Nadan thee Wo Larki,
Jo apnay he khialon mein uljhi uljhi rehti thee,
Janay kia sochti per kuch bhi na keh pati thee,
Dunya k hangamoon se paray,Tanhai mein rehti thee...

Kitni Nadan thee Wo Larki,
Jo apnay ird gird ki Dunya se ghabrai hoi rehti thee,
Aur apnay wajood ko khod he dosafi dena chahti thee,
Wo sub raston pe jati thee aur mur k wapis aati thee...

Kitni Nadan thee Wo Larki,
Jo mere Dil mein rehti thee...

buzurgoon ki kahawat hai
kisi bhi pal k ruk jaane ki khwahish
dil men mat rakhna
yaqeen aur was-wasay k beich
kathin,aasaan rastoon men
na jaane
zeest k kitne hi lamhe hen
k jin ko rokna chaaha
magar hum rook na paai
phir aise dasht bhi aai
k jin ko paar karne men
laga,saari umer guzri
shumaar waqt men lekin
yeh sab utne hi lamhe thay
k jin ko rokne ki aarzo men
yeh riwayat bhool baithe thay
kisi bhi pal k ruk jaane ki khwahish
dil men mat rakhna
k jab mousam tehar jaain
udaasi ban k roohon men
tou phir umer e rawaan k
saare mousam
aik hi rang
aik hi qalb men dhaltey hen
barshaa baras dil k gird
anookhi dhund k yeh jaal buntay hen
jahaan koi sunehri yaad
andar ja nahi sakti
yeh mousam gar guzar jaai
ro pehli chaandni ko
rooh men ummeed ki barsaat ka
rasta jo mil jaai
tou saari umer sajdah raiz ho kar
yeh dua maangoon
koi mousam na ab tehray...!!!

Meri teri nigah main
jo lakh intezaar hain
jo meray teray tun badun main
laakh dil figaar hain
jo meri teri ongliyoon ki be-hisi say
sab qalam nizaar hain
jo meray teray shehr ki
her ik gali main
meray teray naqsh-e-pa kay
be-nishaan mazar hain
jo meri teri raat kay
sitaray zakhm zakhm hain
jo meri teri subh kay
gulab chak chak hain
kisi pay raakh chand ki
kisi pay oos ka lahoo
ye hai bhi ya nahe'bata
ye hai kay mehz jaal hai
meray tumharay ankaboot-e-wayhm ka buna hoa
jo hai tou is ka kya karain
nahe hai tou bhi kya karain
bata'bata
bata'bata...........!

Tu kisi aur ki jageer hai aye jan-e-ghazal
log tufan utha dain gey mere sath na chal

pehle haq tha teri chahat ke chaman pe mera
pehle haq tha teri khushbo-e-badan pe mera

ab mera piyar tere piyar ka haqdar nahi
main tere gesu o rukhsar ka haqdar nahi

ab kisi aur ke shano pe hai tera anchal
log tufan utha dain ge mere sath na chal

main tere piyar se ghar apna basaon kese
main teri mang sitaron se sajon kese

meri kismat me nahi piyar ki khushbo shaid
mere hathon ki lakeeron me nahi tu shaid

apni taqdeer bana mera muqaddar na badal
log tufan utha dain ge mere sath na chal

mujh se kehti hain ye khamosh nigahen teri
meri parwaaz se unchi hian panahgahen teri

aur gheraat e ehsaas pe shaarminda hun
ab kisi aur ki bahon me hian bahain teri

ab kahan mera thikana hia, kahan tera mehel
log t ufaan utha dain ge mere sath na chal.

bohat khoob.

paa-ba-gil sab hain rihaai ki kare tadabir kaun
dast-basta shahar mein khole meri zanjir kaun

mera sar haazir hai lekin meraa munsif dekh le
kar rahaa hai mere fard-e-jurm ko tahariir kaun

meri chaadar to chhini thi shaam ki tanhai ne
beridai ko merii phir de gayaa tashahir kaun

niind jab Khvaabon se pyaari ho to aise ahad mein
Khvaab dekhe kaun aur Khvaabon ko de taabir kaun

ret abhi pichhale makaanon kina vaapas aai thi
phir lab-e-saahil gharaundaa kar gayaa taamir kaun

saare rishte hijraton mein saath dete hain to phir
shahar se jaate hue hotaa hai daaman_giir kaun

dushmanoo ke saath mere dost bhii aazaad hain
dekhanaa hai kheinchataa hai mujh pe pahalaa tiir kaun

Muhabbat Ka Asar Hoga,Ghalat Fehmi Main Mat Rehna
Who Badle Ga Chalan Apna,Ghalat Fehmi Main Mat Rehna

TasaLli bhi Usay Dena Ye Mumkin Hai Mai Laut Aaon
Magar Ye bhi Usay Kehna,Ghalat Fehmi Main Mat Rehna

Tumhara Tha,Tumhara Hoon,Tumhara Hi Rahoon Ga Mai
Mere Baray Main Is Darja Ghalat Fehmi Main Mat Rehna

Bacha Le Ga Tujhe Sehra Ki Tapti Dhoop Se Kaun
Kisi Ki Yaad Ka Saya?Ghalat Fehmi Main Mat Rehna

Muhabbat Ka Bharam Toota Hai,Ab Chup Chup ke Rote Ho
Tumhe Mai Ne Kaha Tha Na,Ghalat Fehmi Main Mat Rehna

Ja Rahe Ho Phir Se Mujhe Rula Rahe Ho
Sapne Deekha K Deep Bujha Rahe Ho
Kyun Suna Rahe Ho Aur Ab Kyun Tarpa Rahe Ho
Hamari Zindagi Le K Kahan Jaa Rahe Ho

Sagar Toh Hai Meri Zindagi Bhe
Ab Kisko Sagar Bana Rahe Ho


Pass Ana Hai Mushkil Gar Tera
Mujhe Phir Kyun Nahi Bula Rahe Ho
Main Pass Ana Chata Houn Tere
Mujhe Kyun Doori Ka Ehsas Dila Rahe Ho
Kyun Door Jaa Rahe Ho

Kiya Khush Ho Tum Bhe Ya Meri Tarah Ansoon Baha Rahe Ho


Dil Main Kiya Hai Tere Yeh Janta Houn Main Bhe
Jhooti Hansi Phir Kyun Sab Ko dekha Rahi ho
Piyar Hai Hamari Zindagi Yeh Janti Ho Tum Bhe
Phir Kyun Isay Tum Sab Se Chupa Rahi Ho

Aajana Jald Se ,Yeh Dil Kahin Lagta Nahi Hai
Hamein Udaas Kar K Tum Yeh Kaha Ja Rahi Ho
Piyar Toh Hai Magar Is Piyar Ko Chupa Rahi Ho

Kuch Dard Liye Iss Duniya Mein Rehna Parrta Hai
Roz Jeena Parrta Hai Roz Marna Parrta Hai

Aagahi Ke Azaab Ke Saath Guzarti Hai Zindagi To
Iss Karb-e-Musalsal Ko Hameisha Sehna Parrta Hai

Agarchey Nafs Ki Ghulaami Say Azaad Ho Bhi Jaaye Bashar
Phir Bhi Zarooraton Ke Jihaad Ko Larrna Parrta Hai

Bohat Unwaanon Say Ibarat Hotey Hain Iss Jahaan Ke Gham
Har Chand Ke Khushi Ke Nisaab Ko Bhi Parrhna Parrta Hai

Iss Umer-e-Raigaan Ke Haadsaat Say Hum Sambhal Hi Gaye
Maslehat Ke Tehat Hi Sahi Ye Kaam Bhi Karna Parrta Hai

Katthin Aur Dushwaar Raaston Per Chal Kar Milta Hai Wasl
Uss Ke Liye Hijr Ki Pur-Khaar Raah Say Guzarnaa Parrta Hai

'Bhoot' Taluqaat Jab Banney Lagey Rooh Ka Azaab
Inn Saarey Taluqaat Say Phir Mukarna Parrta Hai !

Mehroomiyan Kya Hoti Hain Koi Pooch Ley Hum Say
Hum Ne Kaanton Ke Bistar Par Aik Umr Hai Guzaari

Samait-tey Rahey Gham Doosron Ke Hum
Aur Duniya Ne Cheen Lii Saari Khushiyaan Humaari

Hum Ne Jub Khushiyon Ki Talab Ki
Gham Ne Hi Dastak Di Chokhat Pey Humaari

Achaaiyon Ka Silla Yehi Hota Hai Dosto
Mitti Main Mil Gayi Achaiyaan Humaari

Sikha Diya Hai Rona Duniya Ne Humein
Abb To Bus Rona Hi Khasiyat Hai Humaari

'Ahmad' Abb Kis Baat Par Hairan Huey Ho Tum
Abb To Ye Sub Sehney Ki Aadat Hai Tumhaari !

[b]Woh Dil Ka Bura Na Bewafa Tha
Bas Mujh Say Youn He Bichar Gaya Tha

Har Simt Usi Ka Tazkara Tha
Har Dil Main Woh Jaisey Bas Raha Tha

Main Us Ki Ana Ka Aasra Tha
Woh Mujh Say Kabhi Na Roothta Tha

Main Dhoop K Bina Bhe Jal Raha Tha
Woh Saya-E-Abbar Ban Gaya Tha

Ek Baar Bichar K Jab Mila Tha
Woh Mujh Say Bichar K Roo Para Tha

Kya Kuch Na Us Say Kaha Gaya Tha
Us Nay Toh Laboon Ko See Liya Tha

Woh Chand Ka Humsafar Tha Shayad
Raatoun Ko Tamam Jaghta Tha

Hontoun Main Gulaab Ki Naram Khushboo
Baatoun Main Toh Shehad Gholta Tha

Kehnay Ko Juda Tha Mujh Say Laikin
Woh Meri Ragoon Main Gunjta Tha

Us Nay Jo Kaha, Kya Woh Dil Nay
Inqaar Ka Kis Main Hosla Tha

Youn Dil Main Thi Yaad Us Ki Jaisey
Masjid Main Chiraagh Jal Raha Tha

Mat Pooch Hijaab K Qareenay
Woh Mujh Say Bhi Kam Hi Khul Saka Tha

Is Din Mera Dil Bhi Tha Pareshan
Woh Bhi Merey Dil Say Kuch Khafa Tha

Main Bhi Tha Dara Hua Sa Laikin
Rang Us Ka Bhi Kuch Ura Ura Tha

Ek Khoof Sa Hijar Ki Rutoon Ka
Dono Pay Moheet Ho Chala Tha

Ek Raah Say Main Bhi Tha Gurayzaan
Ek Moor Pay Woh Bhi Ruk Gaya Tha

Ek Pal Main Chapak Gain Jo Aankhain
Manzar Woh Manzar Doosra Tha

Soocha Toh Tehar Gayee Zamanay
Dekha Toh Woh Door Ja Chuka Tha

Qadmoun Say Zameen Sirak Gai Thi
Suraj Ka Bhi Rang Sanwla Tha

Chaltay Huey Loog Ruk Gayee Thay
Thehra Hua Shehar Ghoomta Tha

Sehmay Huey Pair Kanptay Thay
Pattoon Main Hiraas Rengta Tha

Rakhta Tha Main Jis Main Khuwab Apnay
Woh Kanch Ka Gar Chatakh Gaya Tha

Hum Dono Ka Dukh Tha Aik Jaisa
Ehsaas Magar Judda Judda Tha

ye ajeeb fasl-e-firaq hai!
k na lab pe hurfe talab koi
na udasion ka sabab koi
na hujoom-e-derd k shoq main!
koi zakham ab k hara hoa
na kaman badast ado hoe
na malamat-e-saf-e-dostaan
pe ye dil kisi se khafa hoa

koi taar apne lebas ka
na hawa ne hum se talab kia
sar-e-rahguzer wafa berhi
na diya jalane ki arzoo
pe charha gham-e-do jahan
na koi maseeha na charager
na kisi kahayal ki justuju
na khalish kisi k wisaal ki
na thakan rah-o-mah-o saal ki

na dimagh rang rukh batan!
na talash lashker nasehan!!
wahi aik haal hai zabt ka
wahi aik chaal hai deher ki
wahi aik rang hai shoq ka
wahi aik rasm hai sheher ki,
na nazer main khof hai raat ka
na fiza main din ka hiraas hai

pe arz-e- haal sukhanwaran,
wahi humsukhan hai rafeeq-e-jan,
wahi hum shukhan jise dil kahen!
wo to youn bhi kub ka udas hai.


ye ajeb fasl-e-firaq hai,
ye ajeeb fasl-e-firaq hai

Thank U Very Much again thnx

unn chand sitaaroN key bikhrey huey shahroN meiN
unn noor ki kirnoN ki Thahri hui lahroN meiN
Thahri hui nahroN meiN, soiee hui lahroN meiN
ai kHizr-e-haseeN ley chal! ai ishq kahiN ley chal!

aankhoN meiN samaai hai ik kHwaab-numaa duniya
taaroN ki tarah raushan mahtab numaa duniya
jannat ki tarah rangeeN shadaab numaa duniya
lillah wahiN ley chal! ai ishq kahiN ley chal!

yeH dard bhari duniya basti hai gunaahoN ki
dil chaak ummidoN ki, saffak nigahoN ki
zulmoN ki, jafaaoN ki, aahoN ki, karaahoN ki
haiN gHam sey haziN, ley chal! ai ishq kahiN ley chal!

qudrat ho himaayat per, humdard ho qismat bhi
salma bhi ho pahloo meiN, salma ki muhabbat bhi
har shai meiN faragHat ho, aur teri inaayat bhi
ai tifl-e-haseeN ley chal! ai ishq kahiN ley chal!

hum prem pujari haiN, tu prem kanhaiyya hai
hum prem kanhaiyya haiN, yeH prem ki nayyaa hai
yeH prem ki nayya hai, tu iss ka khiwayyaa hai
kuchh fikr nahiN ley chal! ai ishq kahiN ley chal!

MUHABBAT ki tabiyat mae yeh kaisa bachpanaa qudrat ne rakha hai
keh yeh jitni purani jitni mazboot ho jaye
ise taeed e taza ki zaroorat phir bhi rehti hai
yaqeen ki akhri had tak dilon me lehlahaati ho
nigahon se tapakti ho lahoo me jagmagaati ho
hazaron tarha k dilkash haseen haaley banati ho
ise izhaar k lafzun ki hajat phir bhi rehti hai

MUHABBAT maangti hai yuun gawahi apne hone ki
keh jaise tifl e saadaa sham ko ik beej boye
aur shab me baar-haa utthe
zameen ko khod kar dekhe,keh podaa kahaan tak hai
MUHABBAT ki tabiyat me ajab takrar ki khuu hai
keh yeh iqrar k lafzon ko sunney se nahi thakti
bicharney ki gharri ho ya koi milne ki saa.aat ho
ise bas aik hi dhun hai
kaho mujh se MUHABBAT hai
kaho mujh se MUHABBAT hai

tumhain mujh se MUHABBAT hai
samandar se kahin gehri,sitaron se siwa roshan
paharon ki tarha qaa-im,hawaon ki tarha daa-im
zameen se asman tak jis qadar ache manaazar hain
MUHABBAT k kanaye hain wafa k istaarey hain
humare hain
humare wastey ye chandni ratain sanwarti hain
sunehra din nikalta hai
MUHABBAT jis taraf jaye zamana sath chalta hai

kuch aisi be-sakooni hai wafa ki sar-zameeno me
keh jo ehal e MUHABBAT ko sdaa bechain rakhti hai
keh jaise phool me khushbu,keh jaise hath me paaraa
keh jaise sham ka tara

MUHABBAT kerne walon ki sahar raton me rehti hai
guman k shakhchon me aashiyan banta hai ulfat ka
yeh ain e wasal me bhi HIJAR k khadshon me rehti hai

MUHABBAT k musafir zindagi jab kaat chukte hain
thakan ki kirchiyan chunte wafa ki ajrakain pehney
samay ki rahguzar ki akhri sarhad pe rukte hain
to koi doobti sanson ki dori thaam kar
dheere se kehta hai
yeh sach hai na ........
hamari zindagi ik doosre k naam likhi thi
dhundlaka sa jo ankhon k qareeb o dooor phaila hai
issi ka naam chahat hai
tumhain mujh se MUHABBAT thi
tumhain mujh se MUHABBAT hai

MUHABBAT ki tabiyat me
yeh kaisa bachpanaa qudrat ne rakha hai

Titliyoon K Mausam Mein, Torna Gulaboon Ka
Reet Is Nagar Kia Hai, Aur Janay Kab Se Hai

Is Shehr K Log, Nafratoon Ko Bo Ker Bhi
Umeed Kerte Hain Fasl Ho Mohabbat Ki

Chhor Ker Haqiqat Ko, Dhoondna Saraboon Ka
Reet Is Nagar Kia Hai, Aur Janay Kab Se Hai

Khamoshi Mera Shewa Hai, Guftagu Hunar Us Ka
Meri Begunahi Ko Log Kaisay Manain Gay

Baat Baat Pe Jab K Mangna Hawaloon Ka
Reet Is Nagar Kia Hai, Aur Janay Kab Se Hai

Tum Abhi Naye Ho, Is Liye Pareshaan Ho
Asmaan Ki Taraf Is Terha Se Mat Dekho

K Aaftain Jab Aati Hai, To Tootna Sitaroon Ka
Reet Is Nagar Kia Hai, Aur Janay Kab Se Hai

Ajnabi Musafat Mein, Ajnabi Musafir Se
Apne Her Taluq Ko Daimee Samajh Lena

Aur Jab Bichherna, To Mangna Duaoon Ka
Reet Is Nagar Kia Hai, Aur Janay Kab Se Hai
Titliyoon K Mausam Mein, Torna Gulaboon Ka
Reet Is Nagar Kia Hai, Aur Janay Kab Se Hai

Is Shehr K Log, Nafratoon Ko Bo Ker Bhi
Umeed Kerte Hain Fasl Ho Mohabbat Ki

Chhor Ker Haqiqat Ko, Dhoondna Saraboon Ka
Reet Is Nagar Kia Hai, Aur Janay Kab Se Hai

Khamoshi Mera Shewa Hai, Guftagu Hunar Us Ka
Meri Begunahi Ko Log Kaisay Manain Gay

Baat Baat Pe Jab K Mangna Hawaloon Ka
Reet Is Nagar Kia Hai, Aur Janay Kab Se Hai

Tum Abhi Naye Ho, Is Liye Pareshaan Ho
Asmaan Ki Taraf Is Terha Se Mat Dekho

K Aaftain Jab Aati Hai, To Tootna Sitaroon Ka
Reet Is Nagar Kia Hai, Aur Janay Kab Se Hai

Ajnabi Musafat Mein, Ajnabi Musafir Se
Apne Her Taluq Ko Daimee Samajh Lena

Aur Jab Bichherna, To Mangna Duaoon Ka
Reet Is Nagar Kia Hai, Aur Janay Kab Se Hai

vo jo ham me.n tum me.n qaraar thaa tumhe.n yaad ho ke na yaad ho
vahii yaanii vaadaa nibaah kaa tumhe.n yaad ho ke na yaad ho


vo naye gile vo shikaayate.n vo maze maze kii hikaayate.n
vo har ek baat pe ruuThanaa tumhe.n yaad ho ke na yaad ho


ko_ii baat aisii agar hu_ii jo tumhaare jii ko burii lagii
to bayaa.N se pahale hii bhuulanaa tumhe.n yaad ho ke na yaad ho


suno zikr hai ka_ii saal kaa, ko_ii vaadaa mujh se thaa aap kaa
vo nibaahane kaa to zikr kyaa, tumhe.n yaad ho ke na yaad ho


kabhii ham me.n tum me.n bhii chaah thii, kabhii ham se tum se bhii raah thii
kabhii ham bhii tum bhii the aashnaa, tumhe.n yaad ho ke na yaad ho


hue ittefaaq se gar baham, vo vafaa jataane ko dam-ba-dam
gilaa-e-malaamat-e-arqabaa, tumhe.n yaad ho ke na yaad ho


vo jo lutf mujh pe the beshtar, vo karam ke haath mere haath par
mujhe sab hai.n yaad zaraa zaraa, tumhe.n yaad no ki na yaad ho


kabhii baiThe sab hai.n jo ruu-ba-ruu to ishaarato.n hii se guftaguu
vo bayaan shauq kaa baramalaa tumhe.n yaad ho ki na yaad ho


vo biga.Danaa vasl kii raat kaa, vo na maananaa kisii baat kaa
vo nahiii.n nahii.n kii har aan adaa, tumhe.n yaad ho ki na yaad ho


jise aap ginte the aashnaa jise aap kahate the baavafaa
mai.n vahii huu.N "Momin"-e-mubtalaa tumhe.n yaad ho ke na yaad ho!!!!!!

Bazahir aam lehjay me

kaha tha main ne jab us se

"Badal lo raasta apna

juda raahain yahin kar lo

hamaray chahnay na chahnay se

kuch nahi hota

ye hi sach hai keh hum do mukhtalif

raston ke raahi hain

to phir keyun dil ki maaney hum

shuru me manti hoon main

azziyat dil ko pohanchay gi

magar phir waqt guzray ga

sabhi zakhmon ko bhar de ga"


Meray is aam se lehjay pe wo

ik pal ko chonka tha

meri aankhon me aankhain daal kar

hairat se poocha tha

"Ye sab jo kah rahi ho khud ko ye samjha bhi paao gi?"


Bohat hi jee karda kar ke

main us dam muskurayi thi

bohat khud pe jabar kar ke

main us se keh ye payi thi

"Meri tum fikr rehnay do

sambhal jaoon gi main khud hi

sabhi zakhmon ko sii loon gi

bhula kar sari batoon ko

akaili bhi main jee loon gi"


Bohat hee be yaqeen aakhon se

us ne mujh ko dekha aur

Bina ik lafz bolay wo gaya or phir nahi aaya

aur ab tark_e_taalluq ko

agarche umar beeti hai

magar is dil pe us ki zaat ka

jo naqsh qaaim tha

kabhi dhundla nahi hota

mujhay mehsoos hota hai

keh jaisay meray kanoon me

wo apni bolti aankhon se

sargoshi si karta hai

"WO SAB JO KAH RAHI THEEN

KHUD KO WO SAMJHA BHI PAAYI HO?"

Mera Haal-e-Dil Kuch aesa hai K Koi Bata Nahi Sakta,
Suntay Hain Loog Per Koi Suna Nahin Sakta

Hawaoon Pay Likha Hai Main Nay Qissa Apni Hayat Ka,
Kay Koi Lakh Chahay Bhi To Mitaa Nahin Sakta

Har Ek Ki Tamanna Hai Kay Phooloon Pay Guzaray Zindagee,
Per Raah Main Paray Kantoon Ko Koi Hata Nahin Sakta

Dil Main Dukh Samooo Kay Kab Tak Hanstay Rahoo Gay,
Aankhoon Main Aaisay Aansowoon Ko Koi Chupa Nahin Sakta

Lakh Chahay In Mast Mailoon Main Gum Ho Jayay,
Mager Beetay Huay Lamhoon Ko Koi Bhulla Nahin Sakta

Koi Rooth Jayay Tum Say To Mana Laina,
Kay Janay Waloon Ko Koi Wapis Bula Nahin Sakta

Her Rooshan Cheez Ko Paa Lainay Ki Arzoo Na Ker,
Kay Suraj Nikalta Hai Per Us Ki Taraf Koi Aankh Utha Nahin Sakta

Samander Ki Lehroon Pay Un Ka Naam Likhta Hoon,
Kay Koi Aag Laga Bhi Day Per Jala Nahin Sakta...

Meri ghaltyion ko chuna karo

Meri larzishon ko gina karo

Yeh...

Qadam qadam ki hadood kiya?

Mrer sath sath chala karo

Mai khuli mizaj ka shakhs hon

Mai takalufat se hon mavara

Yeh meharbani k jo lafz hain

inhay tum na mujh se kaha karo...

Kahi tum na hojao be-sukon

Koi bad-dua tumhay

Khaa na lay

Yeh jo khoye khoye se loog hain

inhay dekh kar na hansa karo

Yeh doa hai Rabb-e-kareem se

Teri tazgi ko khizan na ho

Yeh bahar tum se jala kare

Sada muskurate raha karoo...

Bikharate Toottay Lamhon Ko Apna Ham-Safar Jana
Tha Is Raah Mein AaKhir Hamein Khud Bhi Bikhar Jana

Hawa K Dosh Par Baadal K Tukray Ki Tarah Ham hai
Kisi Jhonkay Say Poochengay K Hai Ham Ko Kidhar Jana

Meray Jaltay Howe Ghar Ki Nishani Bas Yahi hogi
Jahan Is Shahar Mein Rooshani Dekho Thahar jana

Pas-E-Zulmat Koi Sooraj Hamara Muntazir Hoga
Isi Ek Waham Ko Hamnay Chiraag-E-Rah_Guzar Jana

Deyaar-E-Khamashi Say Koi Rah-Rah Kar Bolata Hai
Hamein'Makhmoor'Ek Din Hai Isi Awaaz Par jana

Usney kaha mujh se !


Usney kaha mujh se !
Main tum bin ji na paoungi
Main sach much toot jaoungi
Zamana chor doungi !
Khud se janan rooth jaoungi


Main ne kaha us sey !
Agar main mil gaya tumko
To is se farq kiya hoga ?
Mohobat main hamesha jo mila hai
Wo juda hoga !


Usney kaha mujh se!
Agar tum mil gaey mujhko
Main yeh duniya bhula doungi
Tumhare naam pe apna main ye jiwan bita doungi
Tumhari zindagi ka main her ek lamha saja doungi
Tumhara marte dum tuk sath doungi jan luta doungi


Maine kaha us se
Meri jan sach kahon tumse
Yeh wade, sapne, jhoote hain
Hamain tanha hi rehna hai
Saharey apne jhootay hain
Ager main mil gaya tumko
Mujhe tum chor jao gi
Mera dil keh raha hai tum !
Mera dil tor jao gi


Usney kaha mujh se !
Ager tum mil na paye to
Main aisa kar bhi sakti hon
Tumhare bin adhuri hon
Main janan mar bhi sakti hon

Main ne kaha us se !
Yeh janan sub hi karte hain
Safar main sub bicharte hain
Bichar kar log martey hain
Mujhe tum ji k dikhlao !!!!

Jab shab k shikasta zeeno“n se
Mehtaab ubharney lagta hai

Jab gham k sard alao mein
Umeedein bujhne lagti hain

Jab dil k shorida samandar mein
Awazein marne lagti hain

Jab mausam hath nahi aatey
Jab titli baat nahi karti

Jab zinda rehna ik be-mani
Kaam dikhayi deta hai

Jab aaney wala har lamha
Dushman dikhayi deta hai

Jab yaad k gehrey sannatey mein
Chehre gum ho jatey hain

Jab dard se bojhal aankhon mein
Gardaab se parne lagte hain

Jab shammein gul ho jati hain
Jab khawab bikharne lagte hain

Uss waqt ager tum aa jao...!

kal raat janay kia hua

kuch dair pehlay neend say

kuch ashk milnay aa gaye

kuch khuwaab bhi tootay hue

kuch log bhi bholay huay

kuch raasta bhatki hueen

kuch gard mein lipti hueen

kuch bay-tarah phaili hueen

kuch khoul mein simti hueen

bay-rabt si sochein kaei

bholi hui baatain kaei

ik shaks ki yaadein kaei

phir dair tak jaga raha

sochoun mein gum baitha raha

ungli say thanday farsh per

ik naam bas likhta raha

kal raat bhi woh raat thi

kuch dair pehlay neend say

mein dair tak rota raha..............!!!!!!!!!!!!!!

[b]Teri Bewafayi Ka Shukriya,
Mujhe Tum ne Jeena Sikha Diya,

Teray Gham Main Chain Sa Mil Gaya,
Tere Dard Ne wo Maza Diya,

Ye Bahar Kaisi Bahar Hai,
Na Chain Hai..Na Karar Hai,
Ye Chaman Main Kaisi Hawa Chali,
K Chirag Dil Ka Bujha Diya,

Teray Gham Main Chain Sa Mil Gaya,
Na Khushi Rahi Na wo Gham Raha,
Na Vo Tu Rahi Na wo Dil Raha,
Tu ne Kya Ye Mujh Pe Sitam Kiya,
Tu ne Khub Dil Ko Sila Diya,
Tere Gham Main Chain Sa Mil Gaya,

wo Mile To Kehna Aye Dost
Ki Tumharay Gham Main Udas Tha,
Teri Bewafayi Ka Shukriya,
Tu ne Usae Jeena Sikha Diya,
Vo Tujhe Na Dil Se Bhula Saka,
Jise Tu ne Dil Se Bhula Diya,
Teray Gham Main Chain Sa Mil Gaya,
Tere Dard Ne wo Maza Diya,

Teri Bewafayi Ka Shukriya,
Mujhe Tunain Jeena Sikha Diya....!!!!

Shab-E-Tanhai Mein Sitaron Ka Libada Orrhey
Teri Yaadon Ke Jugnoo Say Chamakney Lagtey Hain
Aur Dil Pay Cha Jata Hai Khud Fareibi Ka Aisa Aalam
Ke Har Taraf Teri Hi Aamad Ka Samaan Hota Hai
Jaisey Kisi Aawaaz Ke Dhokey Mein Koi Murr Kar Daikhey
Jaisey Sehra Mein Sarabon Ka Gumaan Hota Hai

Shab-E-Tanhai Mein Dil Ke Nehaan Khanon Par
Guzrey Lamhon Ki Shabnam Si Parrney Lagti Hai
Aur Mairey Hawaas Pay Tu Ho Jaati Hai Qaabiz Aisey
Ke Nazar Be-sakhta Nekalti Hai Justajuu Mein Teri
Jaisey Chand Kisi Ko Dhoondney Ke Liye Nikalta Hai
Jaisey Koi Bacha Kisi Khiloney Ke Liye Machalta Hai

Shab-E-Tanhai Mein Be-chainiyon Ke Aalam Mei
Dil Apney Aap Say Hi Baar Baar Ulajhta Hai
Aur Aziatein Iss Tarah Ho Jaati Hain Gaalib Mujh Par
Ke Dard Ka Toofaan Har Rag Meib Dorr Jata Hai
Jaisey Mojein Saahilon Ki Haddein Torr Deti Hain
Jasey Dharrkanein Dilon Ka Saath Chorr Deti HaiN

Shab-E-Tatnhai Mein Aadat Teri Khushboo-on Ki
Dil-E-Nakaam Ko Kuch Aur Sataney Lagti Hain
Tab Dhoodney Lagta Hoon Main Har Soo Aanchal Tera
Aur Be-qaraari Mein Yoon Rahat Si Milney Lagti Hai
Jaisey Koi Muflis Zar Ke Khuwab Say Behal Jata Hai
Jaisey Koi Marney Say Pehley Zara Dair Ko Sambhal Jata Hai

Shab-E-Tanhai Mein Mosam Teri Rafaqat Ke
Gup Andhairon Mei Ujaley Say Bakhair Detey Hain
Gham-E-Firaaq Ki Chadar Ko Cheer Detey Hain
Aur Dil Ikk Lamhey Ko Ho Jata Hai Shadab Aisey
Jaisey Chaand Ka Aks Kisi Jheel Mein Utar Jata Hai
Jaisey Koi Sookha Pair Sabz Paton Say Bhar Jata Hai

Shab-E-Tanhai Mein Mehak Terey Khayalon Ki
Mairey Tasawur Ka Tawaaf Sa Karney Lagti Hai
Tab Phir Say Khilti Hain Umangon Ki Laakhon Kaliyan
Aur Fasl-E-Gul Ki Ye Aamad Aisey Lagti Hai
Jaisey Kisi Dil-ruba Ki Aankh Mein Iqraar Ka Zahoor......!!!!!

dono sharing bohat umda hein...khizer ji....keep sharing

[b]Bina Ik Lafz Bolay Wo Gaya Or Phir Nahi Aaya




bazahir aam lehjay main

kaha tha main ne jab us se

"badal lo raasta apna

juda rahain yaheen karlo

hamaray chahnay na chahnay se

kuch nahi hota

ye hi sach hai ke hum do mukhtalif

raston ke raahi hai

to phir kion dil ki manain hum

shuru main manti hoon main

azziyat dil ko pohanchay gi

magar phir waqt guzray ga

sabhi zakhmon ko bhar de ga"

meray is aam se lehjay pe wo

ik pal ko chonka tha

meri aankhon main aankhain daal kar

hairat se poocha tha

"ye sab jo keh rahi ho khud ko ye samjha bhi pao gi?"

bohat hi jee karda kar ke

main us dam muskuraii thi

bohat khud pe jabar kar ke

main us se keh ye payi thi

"meri tum fikr rehnay do

sambhal jaoon gi main khud hi

sabhi zakhmon ko sii loon gi

bhula kar sari batoon ko

akaili bhi main jee loon gi"

buhat hi be yaqeen aakhoon se

us ne mujh ko dekha aur

Bina ik lafz bolay wo gaya or phir nahi aaya

aur ab tark_e_taalluq ko

agarche umar beeti hai

magar is dil pe us ki zaat ka

jo naqsh qaaim tha

kabhi dhundla nahi hota

mujhay mehsoos hota hai

ke jaisay meray kanoon main

wo apni bolti aankhoon se

sargoshi si karta hai

"WO SAB JO KEH RAHI THEEN

KHUD KO WO SAMJHA BHI PAI HO?"

Kabhi Yun Bhi Aa Meri Ankh Mien
Ke Meri Nazar Ko Khabar na HO
Mujhy Ek Raat Nawaaz De
Magar Us Ke Bad Sehar Na HO
Woh Bara Rheem-o-Kareem Hay
Mujhy Sift Ye Ataa Karye
Tujhy Bholny Ki Duwa Karoon To
Duwa Mein Meri Asar Na Ho
Kabhi Din Ki Dhoop Mein Jhoom Ke
Kabhi Shab Ke Phool Ko Choom KE
Yunhi Sath Sath Chalen Sada
Kabhi Khatam Apna Safar Na Ho
Mery Pass Mery Habeeb Aa
Zara Our Dil Ke Qareeb Aa
Tujhy Dharknoon Mein Basa Loon
Ke Bichrny Ka Kabhi Dar Na HO
Kabhi Yun Milen Koi Muslihat
Koi Khoof Dil Mein Zara Na Ho
Mujhy Apni Koi Khabar Na Ho
Tujhy Apna Koi Pata Na Ho
Kabhi Dhoop De Kabhi Badliyan
Dil-o-Jaan Se Donoon Qabool Hein
Magar Is Mehal Mein NA Qaid Kar
Jahan Zindgi Ki Hawa Na Ho
Tery Ikhtiyar Mein Kia Nahi
Mujhy Is Tarha Se Nawaz De
Yun Duwaein Mery Qabool Hoon
Mery Lab Pe Koi Duwa Na Ho
Kabhi Yun Bhi Aa Meri Aankh Mein
Ke Meri Nazar Ko Khabar Na Ho

Issi Say Hota Hai Zahir jo Haal Dard Ka Hai
Sabhi Ko Koi Na Koi Wibaal Dard Ka Hai
Seher Sissaktay Huay Aasmaan Say Utreee To
Dil Nay Jaan Lia Yeah Bhi Saal Dard Ka Hai
Aab Is Kay Baad Koi Rabta Nahin Rakhna
Yeah Baat Tay Hui Lakin Sawal Dard Ka Hai
Yeah Dil ,Yeah Ujdree Hui Chasham-e-Num,Yeah Tanhayee
Humaray Pass To Jo Bhi Hai Maal Dard Ka Hai
Yeah Jhaank Laiti Hai Jo Doosray Dil Main
Meri Nigah Main Yeah Sara Kamal Dard Ka Hai
Hum Us Ko Dekhtay Jatay Hain ,Rotay Jatay Hain
Yeah Sehen-e-Shab Main Para Hai Thaal Dard Ka Hai
Wahein Kahein Kisi Ghatee Main Tera Hijur Bhi Hai
Meray Lahoo Say Jahan Ittisaal Dard Ka Hai
Nafas , Nafas Pay Paray Aabloon Say Lagta Hai
Na Janay Rooh Main Kab Say Ubaal Dard Ka Hai
Kisi Nay Poocha Kay Bohat Haseen Ho Tum
To Muskura Kay Kaha Sab Jamal Dard Ka Hai.

Mohabbat Auss Ki Suurat
Pyasi Pankhari K Hont Ko Seraab Kerti Hai
Gulo'n Ki Aasteno'n Main Anokhay Rung Bharti Hai
Seher K JhatPate Main, Gungunati, Muskurati, Jagmagati Hai
Mohabbat K Dino'n Main Dasht Bhi Mehsoos Hai
Kisi Fidos Ki Suurat
Mohabbat Auss Ki Suurat. . . ! ! !

Mohabbat Abr Ki Suuart
Dilo'n Ki Sarzameen Pe Ghir K Aati Hai Aur Barasti HaI
Chaman Ka Zarra Zarra Jhoomta Ha, Muskurata Hai
Azal Ki Be-Namu Mitti Main Sabza Sar Uthata Hai
Mohabbat Un Ko Bhi Abaad Aur Shadaab Kerti Hai
Jo Dil Hain Qabar Ki Suurat
Mohabbat Abr Ki Suuart . . . ! ! !

Mohabbat Aag Ki Suurat
Bhuje Seeno'n Main Jalti Hai Tou Dil Bedaar Hote Hain
Mohabbat ki Tappish Main Kuch Ajab Asraar Hote Hain
K Jitna Ye Bharakti Hai, Uroos-e-Jaan Mehakti Hai
Dilo'n K Saahilo'n Per Jama Hoti HaiAur Bikharti Hai
Mohabbat Jhaag Ki Suurat
Mohabbat Aag Ki Suurat . . . ! ! !

Mohabbat Khwab ki Suurat
Nigaho'n Main Utarti Hai Kisi Mahtaab Ki Suurat
Sitaare Aarzoo K Is Terha Se Jagmagate Hain
K Pehchaani Nahi Jati Dil-e-Betaab Ki Suurat
Mohabbat K Shajar Per Khwab K Panchi Utarte Hain
Tou Shaakhai'n Jaag Uthti Hain
Thakey Haarey SitaareJab Zameen Se Baat Kerte Hain
Tou Kab Ki Muntazi Aankho'n Main
Shamma'in Jaag Uthti Hai
Mohabbat In Main Jalti Hai Chiraag-e-Aab Ki Suurat
Mohabbat Khwab Ki Suurat . . . ! ! !

Mohabbat Dard ki Suurat
Guzishta Mausamo'n Ka Isti'ara Ban K Rehti Hai
Shabaan-e-Hijr Main, Roshan Sitara Ban k Rehti Hai
Mundairo'n Pr Chiraago'n Ki Lowei'n Jab Tharthrati Hain
Nagr Main Na-Umeedi Ki Hawai'n Sansanati Hain
Gali Main Jab Koi Aahat, Koi Saya Nahi Rehta
Dukhe Dil K Liye Jab Koi Dhoka Nahi Rehta
Ghamo'n K Bojh Se Jab Tootne Lagte Hain Shaaney Tou
Ye Un Par Haath Rakhti Hai
Kisi Humdar Ki Suurat
Guzar Jaate Hain Saare Qaafle Jab Dil Ki Basti Se
Fiza Main Tairti Hai Der Tak
Ye Gard Ki Suurat
Mohabbat Gard Ki Suurat
Mohabbat Dard Ki Suurat. . . ! ! !