~*~MusHaairAA~*~ .....start voting.

Arooj Amjad · **Posted:** Wed Apr 08, 2009 5:05 pm

Salam Everyone...
Aaj ham yahan aik naya silsila shuru kara rahe hain jis ka maqsad na-sirf aap sab ka interest baRhaana hi balke iss k saath saath mashq-e-sukhan bhi hai.
Ye silsila dar-haqeeqat aik mushaaira ho ga.Aik maah aik misra-e-tarha diya jaaye ga jis par sab participants ghazal likh kar post karein ge,aur uss se agle maah aik topic (unwaan) diya jaaye ga jis par sab participants nazm likhein ge.
Iss silsilay k rules mandarja-zeil hain:

1) Har participant sirf aik hi gazal/nazm share kar sakta hai.

2) Ghazal kam az kam 5 ashaar par mushtamil ho.Nazm k liye misroN ki koi qaid nahin hai.

3) Compitition k doraan koi chit chat nahin ho gi.

4) Compitition k baad voting par winner ka faisla ho ga.

Shurooaat karte hain NAZM se :
Aaj kal kyun k baarishoN ka mosam hai so iss ki munaasibat se iss dafa aap logoN ko jis unwaan par NAZM likhni hai wo hai

"Baarish"

So muqaable k liye tayyar ho jaaiye...
Get...
Set....
Go....

Koi bhi sawal ya mashwara aap logoN k zehn mein ho to "Discussion" thread mein pst kar sakte hain.Apna feed-back "Discussion" thread zaroor dijiye.
All the BEST!!!!

dashing.prince143 · **Posted:** Wed Apr 08, 2009 5:22 pm

great thought

i will definetly write one

Fareeha · **Posted:** Thu Apr 09, 2009 5:18 pm

HMM.. NICE INSHALLAH i'l try..

mahtabhashmi · **Posted:** Thu Apr 09, 2009 5:26 pm

BOHAT KHOOB,
Behtreen idia hay.koshish karon ga keh is muqablay me hissa le sakon.
Inshallah

Arooj Amjad · **Posted:** Thu Apr 09, 2009 7:45 pm

Aap sab ka thanx k aap ko ye pasand aaya.zaroor share kijiye...lekin yahan pe koi chit chat nahin hogi.chit chat k liye Discussion thread hai wahan posting kijiy.ye posts bhi waheen transfer kar dungi!
Theek?? :buke:

Have Fun

sajid hashmi · **Posted:** Fri Apr 10, 2009 11:12 am

Achchha silsila shuru kiya hai Arooj ji mein seedhe isme shamil ho raha houn
BAARISH
Mein mamnoon houn
Baarish ki un boondon ka
Jinhone zameen per girker bhi
Apni hasti ko mitaker bhi
Pyasi zameen ko taskeen bakhshee hai

Kaash hum in nanhee boondon se kuchh seekh paate

Thanks

SHAIRYFAN · **Posted:** Wed Apr 15, 2009 9:12 pm

Baarish, aur Yaad-e-Doast

Baadal haiN bahut aur baarish bhee
Sa.DkoN pe machi hai jal-thal bhee
Mastaana hawaa-aiN chalti haiN
Hai raqs meiN saara jaNgal bhee
Aur moar bhee sab par khoalay hai
BaaGhoN meiN papeeha boalay hai

Koyi dil ko meray phir kheeNchay hai

Baadal haiN bahut aur baarish bhee
Hai raqs meiN saara jaNgal bhee
Laikin wo to sab kuchh baahar hai
MaiN yaad meiN khoya BaiTha huN
YaaN Khushk hai mausam, Khushk hawa
Aur dil hai bahut tanha tanha

Ek baar to aa jaa-o milnay
MaiN ashk-e-nadaamat barsaa-ooN
Andar bhi bahut phir baarish ho
YaadoN k samundar khul jaa-yaiN
Sail-ashk se jal thal mach jaa-yey
Sail-ashk se darya bah jaa-yaiN

Phir shoarish-e-dil shaayed kam ho
Phir dard mera shaayed kam ho

seemanaqvi · **Joined:** Mon Dec 22, 2008 4:53 pm **Posts:** 653

Baarish

Kabhee jo man ke aangan main
Koi ik ashk tanha sa
Dehektay say dukhon par
chan se girta hai
ghubaar uthtaa hai
kuch aise
ke jaise
raigzaaron par
woh pehlee boondh baarish ke
baras ke aik pal main
pyas se behaal dhartee par
ussay sairaab karnay kee jagah
phir se dhuan ban kar
sunehree badliyoun main
jaa ke chup jaaey
woh phir ik baar
mitnay ke liye
tayyar ho jaaey

Seeman

Arooj Amjad · **Posted:** Wed May 06, 2009 7:32 am

BARISH
********
Khunk hawa thi
Abr ka ik awaara tukRa
Neel gagan par tair raha tha
Uss mein machalti
Tanha,akaili
Barish ki ik boond ne mujh ko
Iss dharti par
Apne jaisa tanha dekha,
Abr ki bahoN k haale ko
ToR k nikli
Aur mere maathay ko aa kar
Choom gaii...

***********************************

Tifl e Maktab · **Joined:** Sat Dec 27, 2008 8:39 am **Posts:** 3745

Hi Friends,

lagta hai is silislay ki muddat main hi izafa ho raha hai participants apnay shouq o zouq ka izhar nahin karrahay hain......kya khayal hai voting shuru karain ??

Please Vote in for your the poetry you like the most!!

your time starts now!

Shehr · **Joined:** Mon Sep 22, 2008 8:59 am **Posts:** 185

MY vote 4 Arooj ji's BAARISH

seemanaqvi · **Joined:** Mon Dec 22, 2008 4:53 pm **Posts:** 653

My vote for SHAIRYFAN :b)b:

Meena · **Posted:** Sat May 23, 2009 5:08 pm

Arooj Amjad wrote:

BARISH
********
Khunk hawa thi
Abr ka ik awaara tukRa
Neel gagan par tair raha tha
Uss mein machalti
Tanha,akaili
Barish ki ik boond ne mujh ko
Iss dharti par
Apne jaisa tanha dekha,
Abr ki bahoN k haale ko
ToR k nikli
Aur mere maathay ko aa kar
Choom gaii...

***********************************

gham-e-rozgaar kee dilfraibiyon se jub jub waqt mila shairy.com per dastak dee.................aaj ka din bhee aisa hee hai................ye thread nazer sai guzra......bohut acha laga..........tamaan hee nazmain bohut piyari lagin lakin .................meena ka vote is choti c......piyari c nazm ke liye.......na jaanay kyun andaaz apna apna sa laga..................

faqat
meena

SHAIRYFAN · **Posted:** Sun May 24, 2009 3:42 pm

seemanaqvi wrote:

woh pehlee boondh baarish ke
baras ke aik pal main
pyas se behaal dhartee par
ussay sairaab karnay kee jagah
phir se dhuan ban kar
sunehree badliyoun main
jaa ke chup jaaey

[/

Kya Kheyaal hai! Zabardast! :b)b:

My vote for Seema ji.

Arooj Amjad · **Posted:** Sun May 24, 2009 4:05 pm

seemanaqvi wrote:

Baarish

Kabhee jo man ke aangan main
Koi ik ashk tanha sa
Dehektay say dukhon par
chan se girta hai
ghubaar uthtaa hai
kuch aise
ke jaise
raigzaaron par
woh pehlee boondh baarish ke
baras ke aik pal main
pyas se behaal dhartee par
ussay sairaab karnay kee jagah
phir se dhuan ban kar
sunehree badliyoun main
jaa ke chup jaaey
woh phir ik baar
mitnay ke liye
tayyar ho jaaey

Seema

Very Different...Very BEAUTIFUL...
My vote for Seema Ji ki yekhoobsoorat nazm!!!! :buke:

mahtabhashmi · **Posted:** Mon May 25, 2009 6:55 am

Arooj Amjed jee
aur
Seema Naqvi jee
donon hi ki nazmen bohat khoobsurat hen,faisla karna dushwar hay,magar
VOTE to aek hi ko dena hay,lehaza my vote
For
Seema Naqvi

Beyond^Imaginations · **Posted:** Fri May 29, 2009 1:06 pm

for seema naqvi jee

Behzad Barham · **Posted:** Sun May 31, 2009 6:03 am

seemanaqvi wrote:

Baarish

Kabhee jo man ke aangan main
Koi ik ashk tanha sa
Dehektay say dukhon par
chan se girta hai
ghubaar uthtaa hai
kuch aise
ke jaise
raigzaaron par
woh pehlee boondh baarish ke
baras ke aik pal main
pyas se behaal dhartee par
ussay sairaab karnay kee jagah
phir se dhuan ban kar
sunehree badliyoun main
jaa ke chup jaaey
woh phir ik baar
mitnay ke liye
tayyar ho jaaey

Seeman

I vote for Seema jiz nazm, nature ki bohat keen observation, us observation ka ba-khubi iz'haar aur uska insaani kaifiyat se rabt banana, is nazm ki khubsurati hai...well done Seema jee!! :buke:

Behzad Barham · **Posted:** Thu Jun 04, 2009 12:50 pm

End of voting Frendz. Great job done by all, keep it up frenz !!

Herez da detail;

Arooj Amjad = 2
SHAIRYFAN = 1
Seema Naqvi = 5

So is baar Mushayere ki winner hain Seema Naqvi jeeee

Give her a big hand

CONTRATZZZZ Seema Jee :buke:

mahtabhashmi · **Posted:** Thu Jun 04, 2009 6:33 pm

Behzad Barham wrote:

End of voting Frendz. Great job done by all, keep it up frenz !!

Herez da detail;

Arooj Amjad = 2
SHAIRYFAN = 1
Seema Naqvi = 5

So is baar Mushayere ki winner hain Seema Naqvi jeeee

Give her a big hand

CONTRATZZZZ Seema Jee :buke:

Seema jee,
Bohat bohat mubarak ho

Shehr · **Joined:** Mon Sep 22, 2008 8:59 am **Posts:** 185

Seema g! bhot bhot bhot mubarak ho. keep oposting. :b)b:

Behzad Barham · **Posted:** Sun Jun 07, 2009 6:56 am

Salam Frenz!
Aaiye ab zara naya competetion start karte hain.
She'r haazir hai, iska 2nd misra “tarah-misra” hai, is par taba-aazmaai shuru kijiye. Ghazal k khubsurati k liye best condition to ye hogi I think k is misre ko apni ghazal k matle mein 2nd misre k taur par istemaal kia jaaye..lekin zaroori nahi hai, ap isey apni ghazal k kisi bhi she’r k 2nd misre k taur par istemaal kar sakte hain..koshish karein k matla aur maqta bhi ho ta-k ghazal ka husn baRh sake..varna ye bhi zaruri nahi hain is competetion k liye. Diye gaye matle se ap ko beher/qaafiya/radeef ka pata chal jaye ga.Here it is:

Ye sulook-e-dostaaN se mujhe aagahi mili hai
Nahi jis mein aadmiyyat, wo azeem aadmi hai

Rules are:

1) Har participant sirf eik hi gazal share kar sakta hai.

2) Ghazal kam-az-kam 5 ashaar par mushtamil ho.

Tifl e Maktab · **Joined:** Sat Dec 27, 2008 8:39 am **Posts:** 3745

Tough Task!!! :-(P

Behzad Barham · **Posted:** Thu Jun 11, 2009 1:39 pm

tabs wrote:

Tough Task!!! :-(P

Arey Tabassum bhai, cHoTi "ye" wala qaafia hai aur "hai" radeef hai..bhala is se zyada aasaan task bhi mumkin ho sakta tha... :thinking

Raha ye tarah misra to Poet Of The Forum waale misre ki tarah is k saath eik 1st misra bana k joR dein, she'r ban jaaye ga...wazan/beher bhi aasaan hai... Zara sochein to sahi...

Tifl e Maktab · **Joined:** Sat Dec 27, 2008 8:39 am **Posts:** 3745

Behzad Barham · **Posted:** Sun Jun 14, 2009 9:22 pm

" Ghazal "

Ye jahaan-e-be-baseerat mein nizaam-e-zindagi hai
"Nahi jis mein aadmiyyat, wo azeem aadmi hai"

Mere shehr ki shaboN mein nahi koi subh-e-raushan
Ye zavaal-e-aamariyyat to urooj-e-kargasi hai

Ye hai teri zehniyat ya mere hukmraaN, zahaanat?
K saroN se paaT dena jo bhi khoon ki nadi hai

Na hai zaayeqa zubaaN mein, na nafas mehek ko pohNche
Isi auj-e-be-hisi par ye hayaat main ne jee hai

Tujhe is nazar se ojhal huey ho gaya zamaana
Ye nigaah hai k phir bhi tujhe dekhti rahi hai

Ye jo fan ata hua hai, ye kahaaN meri dua hai
Ye balaa-e-naagehaaN hai jo k mujh pe aa paRi hai

Koi chaarah-saaz Thehra, koi gham-gusaar Thehra ---> *
Koi pind na naseehat, ye kahaaN ki dosti hai !

Wo jo is ka rizq kha kar yahiN par pala baRha tha
Wo ye keh k ja raha hai, ye zameen daldali hai

Gham-e-rozgaar o hasti ne kahiN ka bhi na cHoRa
Na to ab raha hai Barham, na hi is ki barhami hai

= = = = = = = =

* Sher# 7: Ghalib k eik sher k mazmun ko ulaT dia hai.

mahtabhashmi · **Posted:** Mon Jun 15, 2009 5:27 pm

tabs wrote:

Wah Wah, bohat umda ghazal kahi hay Tabassum Bhai. dad qubool kijyay

:buke:

mahtabhashmi · **Posted:** Mon Jun 15, 2009 5:30 pm

Behzad Barham wrote:

" Ghazal "

Ye jahaan-e-be-baseerat mein nizaam-e-zindagi hai
"Nahi jis mein aadmiyyat, wo azeem aadmi hai"

Mere shehr ki shaboN mein nahi koi subh-e-raushan
Ye zavaal-e-aamariyyat to urooj-e-kargasi hai

Ye hai teri zehniyat ya mere hukmraaN, zahaanat?
K saroN se paaT dena jo bhi khoon ki nadi hai

Na hai zaayeqa zubaaN mein, na nafas mehek ko pohNche
Isi auj-e-be-hisi par ye hayaat main ne jee hai

Tujhe is nazar se ojhal huey ho gaya zamaana
Ye nigaah hai k phir bhi tujhe dekhti rahi hai

Ye jo fan ata hua hai, ye kahaaN meri dua hai
Ye balaa-e-naagehaaN hai jo k mujh pe aa paRi hai

Koi chaarah-saaz Thehra, koi gham-gusaar Thehra ---> *
Koi pind na naseehat, ye kahaaN ki dosti hai !

Wo jo is ka rizq kha kar yahiN par pala baRha tha
Wo ye keh k ja raha hai, ye zameen daldali hai

Gham-e-rozgaar o hasti ne kahiN ka bhi na cHoRa
Na to ab raha hai Barham, na hi is ki barhami hai

= = = = = = = =

* Sher# 7: Ghalib k eik sher k mazmun ko ulaT dia hai.

Behzad Bhai, bohat aala ghazal kahi hay. lajawab.tareef kay liyay alfaz nahi hen.

:buke:

salamat ali · **Joined:** Fri Jun 26, 2009 9:37 am **Posts:** 7

seemanaqvi wrote:

Baarish

Kabhee jo man ke aangan main
Koi ik ashk tanha sa
Dehektay say dukhon par
chan se girta hai
ghubaar uthtaa hai
kuch aise
ke jaise
raigzaaron par
woh pehlee boondh baarish ke
baras ke aik pal main
pyas se behaal dhartee par
ussay sairaab karnay kee jagah
phir se dhuan ban kar
sunehree badliyoun main
jaa ke chup jaaey
woh phir ik baar
mitnay ke liye
tayyar ho jaaey

Seeman

semaa saheba

khush rahiye.

nazm ka laheja pasand aaya .

aaghaaz se ekhtetaam tak eak rabt qayam raha , tasalsul kahein majrooh nahi huwa , yehi aap ki nazm ki khususiyet hai , baa_z jagho;n par "ki " aor" key "jaesey rabtey ke alfaaz ko dubarah dekh lena behtar hoga , nazm ki pad>hte huey eak sara manzar eak hi kenvas me muqiyed raha , aorkahein jhol nazar nahi aaya , meri janib se mubarak baad ,,,,,,,,

salamat ali

salamat ali · **Joined:** Fri Jun 26, 2009 9:37 am **Posts:** 7

mahtabhashmi wrote:

tabs wrote:

Wah Wah, bohat umda ghazal kahi hay Tabassum Bhai. dad qubool kijyay

:buke:

behzad sahe4b

aadab

aap ki ghazal pad?hne ke baad mera khayal ye hai ke aap iss se meyari shairi kar sakte hain , bashartey ke aap awzaan aour bahro;n par dheyaan dein , .take aap ke ashaar meter se bahar na ja paein,

aap ko behter likhne ki duwa ke saath
salamat ali

Behzad Barham · **Posted:** Fri Jul 03, 2009 7:22 pm

salamat ali wrote:

mahtabhashmi wrote:

tabs wrote:

Wah Wah, bohat umda ghazal kahi hay Tabassum Bhai. dad qubool kijyay

:buke:

behzad sahe4b

aadab

aap ki ghazal pad?hne ke baad mera khayal ye hai ke aap iss se meyari shairi kar sakte hain , bashartey ke aap awzaan aour bahro;n par dheyaan dein , .take aap ke ashaar meter se bahar na ja paein,

aap ko behter likhne ki duwa ke saath
salamat ali

Arey Salamat bhai, ye ghazal meri nahi hai, ap ne ghalati se Tabassum sahab ki ghazal quote kar d hai :thinking

miskeen · **Posted:** Thu Sep 24, 2009 11:49 am

issy moshaira kehty hen? wah bhai wah. arooj amjad ji koi aor moshaira shooro karen na plz? boht achy aor mayari shoraa hen iss buzm men , taba aazmaai ka moka maly ga . miskeen

:rose:

aini · **Joined:** Sat Oct 03, 2009 2:15 pm **Posts:** 1

hello
asslamo alakum to all of u.m ur new partner m too much crazy about poetry...ap sb sy ak request hy k bahadur shah ki ak ghzal hy"dar-e-jana k dar par awal to janahy mana" kush isi trha hy agr kisi k pas ho to mujhy zroor send karna isi nzam ki talash ma main is forum tak pohnchi hu.
thnx

cuty · **Joined:** Sat Sep 05, 2009 1:09 am **Posts:** 1140

tabs wrote:

bohot khoob

miskeen · **Posted:** Tue Oct 13, 2009 6:17 am

Behzad Barham wrote:

" Ghazal "

Ye jahaan-e-be-baseerat mein nizaam-e-zindagi hai
"Nahi jis mein aadmiyyat, wo azeem aadmi hai"

Mere shehr ki shaboN mein nahi koi subh-e-raushan
Ye zavaal-e-aamariyyat to urooj-e-kargasi hai

Ye hai teri zehniyat ya mere hukmraaN, zahaanat?
K saroN se paaT dena jo bhi khoon ki nadi hai

Na hai zaayeqa zubaaN mein, na nafas mehek ko pohNche
Isi auj-e-be-hisi par ye hayaat main ne jee hai

Tujhe is nazar se ojhal huey ho gaya zamaana
Ye nigaah hai k phir bhi tujhe dekhti rahi hai

Ye jo fan ata hua hai, ye kahaaN meri dua hai
Ye balaa-e-naagehaaN hai jo k mujh pe aa paRi hai

Koi chaarah-saaz Thehra, koi gham-gusaar Thehra ---> *
Koi pind na naseehat, ye kahaaN ki dosti hai !

Wo jo is ka rizq kha kar yahiN par pala baRha tha
Wo ye keh k ja raha hai, ye zameen daldali hai

Gham-e-rozgaar o hasti ne kahiN ka bhi na cHoRa
Na to ab raha hai Barham, na hi is ki barhami hai

= = = = = = = =

* Sher# 7: Ghalib k eik sher k mazmun ko ulaT dia hai.

[size=150

boht achi gazal kahi he ap ne behzad sahib.! hashmi sahib ki point outed bat mujhy bhi samujh men aai he. galib wo shair hen jin ke khayal ko kis shair ny apny khayal se nahi milaya. does'nt mater. miskeen.

:^^:

][/size]

subahh · **Posted:** Tue Oct 20, 2009 3:26 am

jesay na ho khouf e Khuda na pass e wafa
"nahi jis main aadmiyyat woh azeem admi hae?"

ulfat main jurrat e tajdeed wafa bhi lazm hae
essi liay muhabbat main shiddat ho rahi hae

khalwat main jalwat kay manazir hoshruba say
December ki abraloud raat,serdi berh rahi hae

lambi musafat main munzil ka nishan bhool gaya
tu mera Kibla o Kabba tha kay hum-rahi hae?

chamaktay shishay ko jo heera jan kay apna lia
yeh meri aql ki kotahi hae kay kum nigahi hae?

subah..

Masooma · **Posted:** Wed Oct 28, 2009 1:33 am

subahh wrote:

khalwat main jalwat kay manazir hoshruba say
December ki abraloud raat,serdi berh rahi hae

lambi musafat main munzil ka nishan bhool gaya
tu mera Kibla o Kabba tha kay hum-rahi hae?

chamaktay shishay ko jo hira jan kay apna lia
yeh meri aql ki kotahi hae kay kum nigahi hae?

Wahhhh!! Aa'la ashaarb Subahh jee. Bohat khoob!!

subahh · **Posted:** Fri Oct 30, 2009 4:22 pm

Masooma wrote:

subahh wrote:

khalwat main jalwat kay manazir hoshruba say
December ki abraloud raat,serdi berh rahi hae

lambi musafat main munzil ka nishan bhool gaya
tu mera Kibla o Kabba tha kay hum-rahi hae?

chamaktay shishay ko jo hira jan kay apna lia
yeh meri aql ki kotahi hae kay kum nigahi hae?

Wahhhh!! Aa'la ashaarb Subahh jee. Bohat khoob!!

massoma
buhat nawazish masooma,
khush rahain
subah..

Arooj Amjad · **Posted:** Tue Nov 03, 2009 7:46 pm

Aoa all

Bas ji mera khayal hai jaldi jaldi voting kar k winner announce kiya jaaye aur naya compitition start kiya jaaye
Nominess are:

1)Behzaad Barham

2)Tabs (Tabassum Ji)

3)Subahh

Winner will be announced on 10th of this month by Masooma Ji INSHALLAH..

so for now

Start Voting...

PS: aap sab se request hai k DISCUSSION thread mein ja k suggest karein k kya next compitition GHAZAL ka hona chaahiye ya NAZM ka??

Masooma · **Posted:** Tue Nov 03, 2009 8:05 pm

My vote for subahh jee.

~~MusHaairAA~~ .....start voting.

Who is online