Patthar mujhey sharminda e guftar na kardey
Uncha meri aawaz ko deewar na kardey

Majboor e sukhan karta hai kyun mjhuko zamana
Lehja merey jazbaat ka izhaar na kardey

Zanjeer samajh kar mujhey torha to hai too-ney
Abb tujhko pareesha’n meri jhankar na kar dey

Mai khudd ko mita kar tera shahkaar bana hoo’n
Neelam mujhey tu sar e bazar na kar dey

Chalta hoo’n to parhte hain qadam merey hawa par
Darta hoo’n hawa chalney sey inkaar na kar dey

Harr sans naye zakhm lagati hai MUZAFFAR
Tukrhey mery ik roz ye talwar na karr dey

usse bhi apne kiye ka malaal hona hai,
Abhi to ishq mein aisa bhi haal hona hai.

Har aik lab pe hain meri wafa ke afsanay,
Tere sitam ko abhi lazawaal hona hai.

Tumhein khabar hi nahin,tum to lot jao ge,
Tuhare hijar mein aik lamha saal hona hai.

Humari rooh pe jab bhi azaab utrein ge,
Tumhari yaad ko is dil ki dhaal hona hai.

Kabhi to roye ga wo bhi kisi ki bahon mein,
Kabhi to uski hansi ko zawaal hona hai.

Mile gi hamko bhi apne naseeb ki khushiyan,
Bas intazar hai kab ye kamal hona hai.

Har ek shakhs chalay ga humari raahon par,
Muhabaton mein humain wo misaal hona hai.

Zamana jiske kham-o-paich mein ulajh jaye,
Humari zaat ko aisa sawal hon hai........

Yaqeen hai mujh ko k wo lot aaye ga,
Usay bhi apne kiye ka malaal hona hai......

shehr-e-Muhabbat hijr ka mousam,ehed-e-wafa or mein
tu to is basti se khush khush chala gaya , or mein ...??

tu jo na ho to jaise sab ko chup lag jati hai
apas mein kya batein kertey raat, diya or mein

sair-e-chhaman adat thi pehley ab majboori hai
teri talash mein chal pertey hein bad-e-saba or mein

jisko dkeho teri hava mein pagal phirta hai
werna hum mashrab to nahi they khalq-e-khuda or mein

aik to wo humraz mera hai phir tera maddah
bas tera hi ziker kya kertey hein Zia or mein

aik zamaney bad 'Faraz' ye shair kahey meine
ik muddat se miley nahi hein yaar mera or mein

Meri tasveer mein rang aur kisi ka to nahin,
Gher lein mujhko sab aake main tamaashaa to nahin,

Zindagi tujhsay har ik saans pe samjhautaa karoon,
Shauq jeenay ka hai mujhko magar itna to nahin,

Rooh ko dard mila dard ko aankhein na mili,
Tujhko mehsoos kiya hai tujhay dekha to nahin,

Sochtay sochtay dil Doobnay lagtaa hai mera,
Zehan ki tah mein 'Muzaffar' koi dariya to nahin......!!!!

Mit gaya hun mujh ko mita rehnay do
Meray jazbat k sholon ko bujha rehnay do

Dard sehnay ki ho gai hai ab aadat mujh ko
Meray ristay huay zakhmon ko hara rehnay do

Ab to tabeer ki hasrat he nahe hai mujh ko
Meri ankhon mein mera khawab chupa rehnay do

Muskurahat pe mera haq he nahe hai yaaro
Meray honton say tabassum ko khafa rehnay do

Dil jo toota hai to ankhein na chalak jayen
Aaj ankhon ko in ashkon say bhara rehnay do... .

Usay Ye Kehna K Roz o Shab Ka, Safar Be Tanha Guzar Raha Ha
Wo Dil Jo Tere Li'ey Bana Tha, Teri Talab Say Mukar Raha Ha

Meri Muhabbat Ki Band Aankhai'n, Teray Jaganay Say Khul Sakai'n Gi
Wagrna Ye Dil, Muhabbto'n K, Wajood Say Hi Mukar Raha Ha

Wo apnay Hatho'n Pay Aaj Mehndi, Laga K Kitni Udaas Ho Gi
Wo Sochti To Zaroor Ho Gi, Koi Usay Yaad Ker Raha Ha

Kabhi To Socho, Tumharay Aanay Pe, Jo Dewana Sa Ho Gaya Tha
Wo Kya Abhi Tak Wahi'n Khara Ha? Wo Jee Raha Ha? Ke Mer Raha Ha

Wo Kal Mila Tha, To UsKi Aankho'n Me'n, wehshate'n Raqs Ker Rahi'n Thi'n
Woh Qatra Qatra Pighal Raha Ha, Woh Zara Zara Bikher Raha Ha

Udaas Logoo'n Ki Mehfilon Me'n, Nayi Kahani Koi Suna'ey
Koi Bata'ey, Ke Itna Arsa, Wo Kis Tarf Tha? Kidher Raha Ha

badan ke donoN kinaaroN se jal rahaa huuN maiN
ke chhuu rahaa huuN tujhe, aur pighal rahaa huuN maiN

tujhii pe Khatm hai jaanaaN mire zavaal kii raat
tuu ab tulu bhii ho jaa, ke Dhal rahaa huuN maiN

bulaa rahaa hai miraa jaamaa-zeb milne ko
to aaj pairahan-e-jaaN badal rahaa huuN maiN

Ghubaar-e-rahguzar kaa ye hauslaa bhii to dekh
havaa-e-taazaa! tire saath chal rahaa huuN maiN

maiN Khvaab dekh rahaa huuN ke vo pukaartaa hai,
aur apne jism se baahar nikal rahaa huuN maiN

Irfan Siddiqui

Koocha-e-dilbaraan ke' the' hi nahin
Ehal us imtehaan ke' the' hi nahin

Aandhiyon ke amal dakhal ma' rahe'
Hum kisi aashiyaan ke' the' hi nahin

Seh gaye' rizq ke' liye' wo lafz
Jo hamari zabaan ke' the' hi nahin

Chaara'gar se' wo zakhm kya bharte'?
Jo adoo ki sinaan ke' the' hi nahin

Jis ka anjaam khush nateejaa ho
Hum to us dastaan ke' the' hi nahin

Is tarah hum ne choR dee dunya
Jaise' pehle' yahaan ke' the' hi nahin

Share

Meri Zindagi ki Kitaab ka Hai Warq Warq youn saja howa
Sar-E-Ibtida,, Sar-E-Intiha Tera Naam dil pe likha howa

Yeh Chamak Damak to Fraib hay Mujhay Dekh Gehri Nigah say
Hai Libaas mera saja howa Magar dil hay mera Bujha howa

Meri Aankh teri Talaash mein Youn Bhtakti rehti hay Raat Din
Jaisay Janglon mein Hiran koi,Ho Shikarion mein Ghira howa

Hath Khaali hain Tere Shehr Se Jatay Jatay,
Jaan Hoti To Meri Jaan Lutate Jatay,

Mujhe Se Pehle Bi Musafir Kayi Guzray Hon Gy,
Kam Se Kam Raah K Pathar To Hatate Jatay,

Mujhe Rone Ka Bi Saliqa Nahi Aata Shayed,
Log Hanstay Hain Mujhe Dekh K Aatay Jatay,

Main Bi Majboor Tha Main Ne Usey Roka Bi Nahi,
Wo Dekhta Raha Mur K Mujhe Jatay Jatay,,,,

Youn Dil Na Lagy Na Dard Uthey, Mat Roz Milo To Acha Hai,
Na Pyar Barhey Na Jhagra Ho, Tum Door Baso To Acha Hai.

Kisi Phool Se Miltey Chehre Ko Meri Duniya Milna Chahe Gi,
Jo Paas Tumhare Kuch Bhi Nahi, Pardey Mein Raho To Acha Hai.

Is Pyaar Ki Sundar Baahon Mein, Ab Baahein Daal Ke So Bhi Chuko,
Youn Jee Jee Ke Ab Marne Se, Mar Mar Ke Geo To Acha Hai.

Le Kar Zanjeerein Hathon Mein, Kuch Log Tumhari Taak Mein Hain,
Aey Ishq Hamari Galiyon Mein, Na Aur Phiro To Acha Hai.....

Samandar ki hawaa-oN per tumhara naam likh dooN ga
maiN saahil per, maiN lehroN per, tumhara naam likh dooN ga


mehak utthay ga aangan phir mera, aangun kay phooloN sey
main jub aangun kay phooloN per tumhara naam likh dooN ga


asa hoga na meray haath maiN jub paar kernay ko
maiN derya kay kinaaroN per tumhara naam likh dooN ga


Khala maiN jaaoN ga maiN aik shab aur apnay haathoN sey
falak kay sub sitaaroN per tumhara naam likh dooN ga

Khushi sey ro paRaiN gi daikh layna baylay ki kalyaaN
maiN jub baylay ki kalyoN per tumhara naam likh dooN ga


tumhara naam haatoN maiN jo qudrat nay nahiN likha..
to maiN khud apnay haathoN per tumhara naam likh dooN ga


dhanak ubhray gi jub IRFAN ek gehray sey baadal per
dhanak kay saaray rungoN per tumhara naam likh don ga

Unke Andaaz-e-Karam Un Pey Aana Dil Ka

Haye Wo Waqt Wo Baatein Wo Zamana Dil Ka

Na Suna Us Ney Tawajjo Say Fasana Dil Ka

Umer Guzri Hai Magar Dard Na Jana Dil Ka

Dil Lagi Dil Ki Lagi Ban Ke Mita Deti Hai

Rog Dushman Ko Bhi Yaa Rab Na Lagana Dil Ka

Wo Bhi Apney Naa Howe Dil Bhi Haathon Say Gaya

Aisey Aaney Sat To Behtar Hai Na Aana Dil Ka

Unki Mehfil Me Naseer UnKe Tabassum Ki Qasam

Hum Dekh`Tay Reh Gaye Haath Say Jana Dil Ka

Itna Bhi Apni Zaat Se Koi Juda Na Ho,
Nikalay Teri Talash Mein Apna Pata Na Ho,

Dekho K Phir Hawaon K Tewar Badal gaye,
Sahil Ki Rait Par Koi Kuch Likha Raha Na Ho,

Tanhaiyaan Kuch Is Tarah Basti Hain Mere Sath,
Aakaash Bhi Jaise Shajar Se Juda Na Ho,

Na Kar Tu Mere JIsm K Zakhmon Ka Yun HIsab,
yeh Dekh Tere Hath Mein pathar Bacha Na Ho,

Apnon Se Bhi Milon Toh yeh Khof Sa Rahay,
Chehray K Pechay Aur Koi Chehra Chupa Na Ho.....!!!!

Suno Hum tum se kuch kehna chahte hai,
Is tees ko is dard ko hum sehna chahte hai,

Jis ko kabhi sheesha kabhi aaina kehte ho tum,
Seene ke us muqaam mein hum rehna chahte hai,

Maujon ka darr nahi hai ,sahil se nahi hai pyaar,
Bas thamlo hume tum,hum behna chahte hai,

Aankhon ne baat karli, nazro ne bhedh khola,
Ab honth kaanpte hai kuch kehna chahte hai,

Kya yaad karoge hum ko jab paas hum na honge,
Tere khawaab mein khayal mein hum rehna chahte hai,

Khayal mein tere aks se yeh sab to keh chuke hai,
Tere saamne agar ho ijazat kehna chahte hai..!!!

Talaash bool rahi ha, nahi mila ab tak
jaha'n pukaar raha ha, Khuda Khuda ab tak

har aik dard ko aadat bana liya dil ne
bus aik hjr ka, aadi nahi huwa ab tak

dimaagh aur thikano'n me'n ja basa kab se
mgr ye dil k, mohabbat me'n hi raha ab tak

sakoot chaar taraf ha, magar sakoon kaha'n
dilo'n me'n ghol rahi ha, koi sada ab tak

ye poochti ha bashar se, faluk ki khamoshi
tu kis k naam pe sehta raha saza ab tak

mera nahi to wo phr, kis ka khuab tha
jo meri aankh ko deta raha sada ab tak

Ishq Kuch Es Tarah Se Harey Yaroo
Zakham Per Zakham Lagey Dil Pe Humare Yaroo


Koi To Aisa Ho Jo Ghao Per Marham Rakhey
Yuun To Dushman Na Bunno Sare Ke Sare Yaroo


Bazm Main Ser Ko Jhukaye Huye Jo Bethy Hain
In Ko Mat Cheroo Yeh Hain Ishq Ke Marey Yaroo


Jinn Main Hoty Thy Kabhi Meher O Wafa Ke Moti
In Hi Ankhon Main Sittam Ke Hain Sharary Yaroo


Dost Hi Apny Jo Kerny Lageen Nazr E Tofaan
Kaam Nahi Aty Phir Koi Saharey Yaroo


Sang Gheroon Ne Jo Marey To Koi Dukha Na Hua
Mer Gaye Tum Ne Mager Phool Jo Marey Yaroo


Wo Jo Raha Dil Geer Tumhari Khatir
Tum Ne Kya Kya Nahiin Taney Usy Marey Yaroo

rasm e wafa nibhana tau ghairat ki baat hai
wo mujhko bhool jayain, ye hairat ki baat hai

sab mujhko chahte hain ye shohrat ki baat hai
mai usko chahti hoo'n ye qismat ki baat hai

izhaar e ishq karr hi diya mujh se aap ne
ye bhi janab aap ki himmat ki baat hai

taareef karr rahe hain sabhi aaj kal meri
ismey koi zaroor siasat ki baat hai

rakhta hai yunhee yaad kisi ko koi kaha'n
ye to, bus apni apni zaroorat ki baat hai

Wo jiss ko chahey Apne Karam se nawaz de
ye tau Khuda ki bandey se nisbat ki baat hai

sauda kisi se mainey ana ka nahee'n kiya
NUZHAT ye merey wastey izzat ki baat hai
----------------------------------------

kabhii Khvaabo.n me.n milaa vo to Khayaalo.n me.n kabhii




kabhii Khvaabo.n me.n milaa vo to Khayaalo.n me.n kabhii
raah chalate na milaa din ke ujaale me.n kabhii


zindagii hamase to is darjaa taGaaful na barat
ham bhii shaamil the tere chaahanevaalo.n me.n kabhii


jinakaa ham aaj talak paa na sake koii javaab
Khud ko Dhuu.Ndhaa kiye un TalKh savaalo.n me.n kabhii


tho.Dii rusavaaii tumhaarii bhii to hogii yaaro
chhap gae sher hamaare jo risaalo.n me.n kabhii

AGar TaLaasH karOuN kOi MiL Hi JayE Ga
MaGAr TumHari taraH kaOun MujHe cHaHe Ga

TumHin ZarOr kOi cHaHatOun sE DekHe Ga
MaGAr wO AankHein HumaRi kaHaAn sE Laye Ga

nA Jane kaB Tere DiL pAr nAi C Dastak Ho
MakaAn KHaLi HoA Hai Tu kOi Aaye Ga

Main Apni RaH Mein DewAar Ban k BeTHa Houn
AGar wO Aya Tu kiS Raste sE Aaye Ga

TumHare SaatH yeH mOusAm FarisHtOun JaisA Hai
TumHare BHaaD yeH mOusAm BoHat SatayE Ga

kabhii jo mai.n ne masarrat kaa ehatamaam kiyaa



kabhii jo mai.n ne masarrat kaa ehatamaam kiyaa
ba.De Tappak se Gam ne mujhe salaam kiyaa

hazaar tark-e-ta'alluq kaa ehatamaam kiyaa
magar jahaa.N vo mile dil ne apanaa kaam kiyaa

zamaane vaalo.n ke Dar se uThaa na haath magar
nazar se us ne basad maazarat salaam kiyaa

kabhii ha.Nse kabhii aahe.n bharii.n kabhii roye
baqadr-e-martabaa har Gam kaa ehataraam kiyaa

hamaare hisse kii may kaam aaye pyaaso.n ke
zer-e-raah-e-Khair gunaah shikast-e-jaam kiyaa

tuluu-e-mahar se bhii ghar ki tiiragii na ghaTii
ek aur shab kaTii yaa mai.n ne din tamaam kiyaa

duaa ye hai ke na huu.N gum_raah ham_safar mere
'Khumar' mai.n ne to apanaa safar tamaan kiyaa


( Khumar Barabanqvi )

Her Koi Dil Ki Hatheli Pay hai Sehra Rakhe
Kis Ko Serab Kare Wo Kise Piyasa Rakhe

Umer Bhar Kon Nibhata Hai Taluq Itna
Ay Meri Jan Ke Dushman Tujhe Allah Rakhe

Hum Ko Acha Nahin lagta Koi Hum Nam Tera
Koi Tujh Sa Ho Tu Pir Nam Bhi Tera Rukhe

Dil Bhi Pagal Hai Ke Us Shaks Se Wabsta Hai
Kisi Aour Ka Hone De Na Apna Rakhe

Kam Nahin Tuma Ebadat Bi To Hars-e- Zar Se
Fuqar Tu Wo Hai Ke Jo Deen Na Duniya Rakhe

Huns Na Itna Bhi Faqeeroon Ke Akely Pun Par
Ja ALLAH Meri Trah Tujh Ko Bhi Tanha Rakhe

Ye Qinna'at Hai Ata'at hai Ke Chahat Hai Faraz
Hum Tu Razi Hain Wo Jis Haal Main Jaisa Rakhe

terii zulfoN ke bikharne kaa sabab hai ko’ii
aaNkh kahtii hai tere dil meN talab hai ko’ii


aaNch aatii hai tere jism kii uryaanii se
pairahan hai ke sulagtii hu’ii shab hai ko’ii


hosh uRaane lagiiN phir chaaNd kii ThanDii kirneN
terii mastii meN huuN yaa Khvaab-e-tarab hai ko’ii


giit buntii hai tere shah’r kii bharpuur havaa
ajnabii maiN hii nahiiN tuu bhii ajab hai ko’ii


liye jaatii haiN kis dhyaan kii lahreN “Nasir”
duur tak silsilaa-e-taak-e-tarab hai ko’ii

Dil Se' Agar Kabhi Tera Armaan Jaaye' Ga
Ghar Ko Laga Ke' Aag Ye' Mehmaan Jaaye' Ga

Sab Hon Ge' Us Se' Apne' Ta'aruf Ki Fikr Ma'
Mujh Ko Mere' Sakoot Se' Pehchan Jaaye' Ga

Is Kufr-e-Ishq se' Mujhe' Kyun Rokte' Ho Tum
Eemaan Waalo! Mera Hi Eemaan Jaaye' Ga

Aaj Us Se' Ma' Ne' Shikwa Kiya Tha Sharaartan
Kis Ko Khaber Thi Itna Bura Maan Jaaye' Ga

Dunya Pe' Aisa Waqt PaRe' Ga Ke' Aik Din
Insaan Ki Talaash Ma' Insaan Jaaye' Ga

Jab pyaar nahi tha tou bhulaa kyun nahin detey,
Khat kiss liye rakhey hain jalaa kyun nahin detey,

Kiss vastey likhaa hai hatheli pay meraa naam,
Main harf e galat hun tou mitaa kyun nahin detey,

Lillah shabb - o - roz kee uljhan say nikalo,
Tum merey nahin ho tou bataa kyun nahin detey,

Reh reh kay na tadpao ae be_dard maseeha,
Hathon say mujhay zehar pilaa kyon nahin detey,

Jab meri wafaon pay yakeen tum ko nahin hai,
Hasrat ko nighahon say giraa kyun nahin detey,

NAHi Hai AaHtOun Mein GAr TumHarE NaAm ki AaHat
Tu pHir kiS kaAm ki AaHat , Tu pHir kiS kaAm ki AaHat

HamesHaAn Raat Hotte Hi HumAre DiL ki GaLiyOun Mein
MosaLsiL Hoti ReHti Hai TumHare NaAm ki AaHat

DinOun pE BHanD Hein YarOo HumarE DiL k DarWazE
HumarE DiL pE BajHti Hai HumesHaAn sHaAm ki AaHat

nA JanE RoOH Mein YeH cHeHaL QaDMi kOun kArta Hai
cHorA LayA JanE kOun Teri sHaAm ki AaHat

HumarA DarD Ek DiN sHeHAr ki SarkOun pE GooNJHE Ga
JaGayE Gi ZamAnE kO DiL-E-BaDnaAm ki AaHat

TerA Hi ZuLm TujH kO WaQt sE BatAye Ga
SunAi De MujH kO BHi Tere AnjAm ki AaHat

phira hun sare zamany me dar ba dar kaisey..
me terey baad bhi zinda raha magr kaisey..

wo janta he k kuch roz wo nhi tha to men..
pukarta raha us ko idher udhar kaisey..

men jis k hijir me roya hun pagalon ki trha..
wo kal mila to hansa mery haal par kaisey..

az!z tarr thi jissey nind sham e wisal men bhi..
wo tery hijr me jaga he umer bhar kaisey..

kaha ki dosti, kaisa firaaq, kon MOHSIN..?
me khud ko bhul gaya tujh ko bhool kr kaisey

Guftagoo achhi lagi zauke nazer achha laga
muddaton ke baad koi humsafar achha laga

dil ka dukh jana to dil ka mas'ala hai per hamein
uska hans dena hamare haal per achha laga

is terha ki be-saro- samaniyon ke bawajood
aaj woh aaya to mujhko apna ghar achha laga

kya bura tha ger para rehta teri dehleez per
tu hi batla kya tujhe woh der -ba-der achha laga

kon maktal mein na pahoncha kon zalim tha jise
tere katil se zyada apna ser achha laga

hum bhi kayal hain wafa-e-ustavari ke magar
koi poochhe kon kisko umr bher achha laga

'Meer' ki manind gerche zeest kerta tha "Faraz"
humko woh aashufta-khoo shayer mager achha laga.

Katra ke guzar jaane ki aadat bhi bahut hai
Kahne ko usey mujh se moHabbat bhi bahut hai

MiTne ki mujhe yaar pe chaahat bhi bahut hai
Aur us ke liye jine ki hasrat bhi bahut hai

Tanhaayi miree baayiS.e wahshat bhi bahut hai
Lekin mujhe tanhaaii se raghbat bhi bahut hai

WadoN ka usey shauq bhi hai sub se ziyadah
WadoN se mukar jane ki aadat bhi bahut hai

Budnaam-e zamaana hooN tire pyaar meN lekin
Duniya meN mire naam ki shohrat bhi bahut hai

Gahraaii hai itni keh koii Doob hi jaye
Waise to un aaNkhoN meN shararat bhi bahut hai

Duniya meN nahiN ishq se baRh ker koii raHat
Ai Aarzoo is kaam meN zillat bhi bahut hai

tujhe Kho kar bhii tujhe paauuN jahaaN tak dekhuuN
husn-e-yazdaaN se tujhe husn-e-butaaN tak dekhuuN


tuune yuuN dekhaa hai jaise kabhii dekhaa hii na thaa
maiN to dil meN tere qadmoN ke nishaaN tak dekhuuN


sirf is shauq meN puuchii haiN hazaaroN baateN
maiN teraa husn, tere husn-e-bayaaN tak dekhuuN


vaqt ne zehn meN dhundhlaa diye tere khadd-o-Khaal
yuuN to maiN TuuTte taaroN kaa dhuaaN tak dekhuuN


dil gayaa thaa to ye aaNkhen bhii ko’ii le jaataa
main faqat ek hii tasviir kahaan tak dekhuuN


ek haqiiqat sahii firdaus meN huuroN kaa vajuud
husn-e-insaan se nipat luuN to vahaan tak dekhuuN

kab talak pyaas ke saharaa me.n jhulasate jaaye.n



kab talak pyaas ke saharaa me.n jhulasate jaaye.n
ab ye baadal jo uThe hai.n to barasate jaaye.n


kaun batalaaye tumhe.n kaise vo mausam hai.n ki jo
mujh se hii duur rahe.n mujh me.n hii basate jaaye.n

haaye kyaa log ye aabaad huye hai.n mujh me.n
pyaar ke lafz likhe.n lahaje se Dasate jaaye.n


aa_iinaa dekhuu.N to ik chehare ke be-rang nuquush
ek naadiiddaa-sii zanjiir me.n kasate jaaye.n


juz muhabbat kise aayaa hai mayassar ummiid
aisaa lamhaa ki jidhar sadiyo.n ke raste jaaye.n


(Umeed Fazli)

jo mujh ko dekhty thakta nhi tha,
wo itna to badal sakta nahiN tha

kahaN ab koi waisa shehr bhar meiN,
ye jana aadmi yakta nahiN tha,

hua bezaar aisa phir na lauTa,
kadurat dil meiN jo rakhta nahiN tha,

shajar ko bad'dua kesi lagi thi,
samar lagta tha aur pakta nahiN tha

hui chahat alamat k hawaly
bayaN meiN naam aa sakta nahiN tha

mujhy aakhir wo kaisy DhunD leta,
keh dil meiN aankh jo rakhta nahiN tha

Jab Tum Ko Hi Sawan Ka Sandesa Nahi Banna,
Mujhko Bhi Kissi Aur Ka Rasta Nahi Banna,

Kehti Hai K Ankhon Se Samander Ko Nikalo,
Hansti Hai K Tum Se Toh Kinara Nahi Banna,

Muhabbat Hi Itni K Kabhi Khat Nahi Likhti,
Kehti Hai K Mujhe Auron K Jaisa Nahi Banna,

Tasweer Banata Hoon Toh Bigar Jati Hai Mujhse,
Aisa Nahi Banna Mujhe Waisa Nahi Banna,

Is Tarah K Lab KOn Tarshay Ga Dubara,
Is Tarah Kissi Aur Ka Chehra Nahi Banna,

Main Soch Raha Hun K Main Hun Bhi K Nahi,
Tum Zid Pe Ari Ho K Kissi Ka Nahi Banna,

Usne Mujhe Rakhna Hi Nahi Ankhon Mein,
Aur Mujhse Koi Aur Thikana Nahi Banna......!!!!

ajnabi ho kay bhi apna sa laga tha ik shakhs,
wo jo aankho'n k nazaro'n mai mila tha ik shakhs,

nikhat e jaa'n liye lafzo'n me basa tha ik shakhs,
apni aawaz main khud gounj raha tha ik shakhs,

us ki pehchan, khad o khal na thay, lehja tha,
apnay alfaz ki tasweer bana tha ik shakhs,

dil pe qabiz hii raha wo mera anjana sanam
garchai nazro'n se boht door raha tha ik shakhs,

aik lamhay ki "shanasai mai kia ho guzra
zindagi bhar kay liye maira bana tha ik shakhs,

main nay awaz se ik shakl tarashi jaana'n,
aur dekha meri tasweer e wafa tha ik shakhs...

Har ghadi khud se ulajhna hai mukaddar mera,
Main hi kashti hoon mujh mein hai samundar mera,

Ek se ho gaye mausamon ke chehre saare,
Meri aankhon se kahi kho gaya manzar mera,

Kisse poochu ke kaha gum hoon kayi barso se,
Har jagah dhoondta phirta hai mujhe ghar mera,

Muddatein ho gayi ek khawaab sunehra dekhe,
Jagta rehta hai har neend mein bistar mera,

Har ghadi khud se ulajhna hai mukaddar mera,
Main hi kashti hoon mujh mein hai sumandar mera..!!!

Hyaat Ke Ujrey Dyaar Mein Kuch Taarekiyaan Abhi Aur
Hain
Naseeb Ke Bigrey Nisaab Mein Kuch Talkhiyaan Abhi Aur Hain

Main Ne Phir Se Tinkey Jorr Kar Socha Ke Banaaon Aik Ghar
Mujhey Tabhi Falak Se Nawa Milli Ke Wahaan Badliyaan Abhi Aur Hain

Yahi Dekh Ab Ke Teray Khwaab Sab Kyon Dhal Gye Hain Saraab Mein
Dil E Be Khabar Zara Hosh Kar Ke Teray Imtehaan Abhi Aur Hain

Wo Daagh Yaadon Ke Bad Numaan Tu Ne Mitaaye To Hain Par Sab Nahi
Maseeha E Waqt Meray Zehan Par Aisay Kuch Nishaan Abhi Aur Hain

Aey Toofan E Hawa Zara Phir Se Aa In Bastiyon Mein Har Us Jaga
Jahaan Bach Gye Hain Chand Ghareeb Aisey Kuch Makaan Abhi Aur Hain

Main Chaahon Agar Bhi To Kis Trah Supurd E Ajal Ho Jaaon Abhi
Ke Is Soukhta Jaan Ke Hisaab Mein Qarz E Dostaan Abhi Aur Hain

Abhi Khwaahishon Mein Lagey Raho Zara Saans Lainey Ko Ruko Nahii
Mujhey Hai Yaqeen Yahien Aass Pass Naye Aasmaan Abhi Aur Hain

Muje Sub Log Kehte Hain
Muhabbat Jaante Ho Tum?
Muhabbat Maante Ho Tum?
Muhabbat Aag Jaisi Hay
Jo Jalti Hay To Bujhti Nahi
Muhababt Geet Jaisi Hay
Kaii Saazon Pe Mabni Hay
Muhabbat Rangon Ki Titlii
Jo Khushbuu Dhoond Laiti Hay
Magar Kyun MujhKo Lagta Hay
Ye Saare Lafz Jhootay Hain
Aagar Such Hay
To Bus Ye Hay
Muhabbat Aap Jaisi Hay
Kabhi Gumsum
Kabhi Chanchal
Kabhi Jugnuu
Kabhi Baadal
Kabhi Ye Neend Hay To
Kabhi Ye Khwaab Jaisi Hay
Muhabbat Aap Jaisi Hay

Tujh say naraz nahi zindagi, Hairan hoon main
Teray masoom sawalon say pareshan hoon main
Jeenay k liye soch he nahi, dard sambhalnay hoan gain
Muskuraein tou muskuranay k karz utaarnay hoon gay
Muskuraon kabhi to lagta hai
Jaisay honton pay karz rakha hai
Tujh say naraz nahi zindagi, Hairan hoon main

Aaj agar bhar aaie hai boondain baras jayen gee
Kal kiya pata inn k liye aankhain taras jayen gee
Janay kahan ghum hua
Aik ansoo chupa k rakha thaa
Tujh say naraz nahi zindagi , hairan hoon main

Zindagi teray ghum nay humain rishtay naye samjhye
Milay jo humain dhoop main milay, chaoon k thanday saye
Tujh say naraz nahi zindagi, Hairan hoon main
Teray masoon sawaloon say pareshan hoon main

JALTEY DIYE KE SAMNE...
JHONKA HAWA KA DEKH KER
TUM KYUN UDAAS HO GAYE..
MOUSAM KHIZA KA DEKH KER
TUM DUKHON KE SOOZ KA
MOUSAMON KE ROOG KA
DARD MAT SAHA KARO
UDAAS MAT HUA KARO
YE DARD HAIN HAYAT KE
KUCH RANG KAYENAT KE
KUCH DUKHON KI TEZ BARISHEAIN...
KUCH PHOOL HAIN NISHAT KEY
TUM PHOOL BUS CHUNA KARO..
UDAAS MAT HUA KARO....!
UDAAS MAT HUA KARO.....

sawad-e-zindagni main

ek esi shaam aati hay

ke jis kay sarmai anchal main

koi phool hota hay

na hathon nain koi tara!

jo aa kar bazoun main tham le

phir bi

rag-o-pay main koi aahat nahin hoti

kisi ki yaad ati hay

na koi bhool pata hay

na koi gham sulagta hay

na koi zakham silta hay

gally milta hay koi khuab

na koi tamna hath milti hay

sawad-e-zindagi main

ek esi shaam ati hay

jo khali hath ati hay!