tabs wrote:
ab vahii harf-e-junooN sab kii zubaaN Thahrii hai
jo bhii chal nikalii hai vo baat kahaaN Thahrii hai
aaj tak shaiKh ke ikaraam main jo shay thii haraam
ab vahii dushman-e-deen raahat-e-jaaN Thahrii hai
hai Khabar garm ke phirataa hai gurezaaN naaseh
guftaguu aaj sar-e-kuu-e-butaaN Thahrii hai
hai vahii aariz-e-lailaa vahii shiirian kaa dahan
nigaah-e-shauq ghaDii bhar ko yahaaN Thahrii hai
bikharii ek baar to haath aa_ii kab mauj-e-shamiim
dil se nikalii hai to kab lab pe fuGaaN Thahrii hai
dast-e-sayyaad bhii aajiz hai kaf-e-gulchiin bhii
buu-e-gul Thahrii na bul-bul kii zabaaN Thahrii hai
aate aate yuN hii dam bhar ko rukii hogii bahaar
jaate jaate yuN hii pal bhar ko KhizaaN Thahrii hai
ham ne jo tarz-e-fuGaa.N kii hai qafas main ijaad
"Faiz" gulashan main vo tarz-e-bayaaN Thahrii hai
bohat umda
keep sharing...........
