jo zehan meN sher aaye vahii likh diijiye

balvinder · **Posted:** Wed Aug 19, 2009 9:56 am

aaiye dosto ek nayaa silsila shuroo karte haiN....karna bas ye hai ki aap se pahle jo sher diyaa huaa hai usko dekh kar aap ke zehan meN jo bhii sher aaye vahii likh diijiye....mujhe yaqeen hai ki aap sab merii baat samajh gaye hoNge....to chaliye is silsile ka aaGhaaz maiN is sher se karta hooN...

aaj phir pahlii mulaaqaat se aaghaaz karooN,
aaj phir door se hii dekh ke aa'ooN us ko

SHAIRYFAN · **Posted:** Wed Aug 19, 2009 4:42 pm

Achchha silsila shuru kiya hai, Balvinder ji. Is shair par do shair zehen meiN aayey

Aaj phir dil ne ek tamanna ki
Aaj phir dil ko ham ne samjhaaya

aur

Daikhna bhi to unhaiN duur say daikha karna
Shaiwa-e-ishq nahiN husn ko ruswa karna

balvinder · **Posted:** Thu Aug 20, 2009 7:20 am

silsile kii paziraai ke liye shukr_guzaar hooN ''SFN'' sahab.... :buke:

aap ke doosre sher par ye sher suniye....

rusvaaii ke liye bhi hai laazim khuloos-e-ishq
har bulhavas jahaaN meN rusvaa na ho sakaa

SHAIRYFAN · **Posted:** Thu Aug 20, 2009 1:54 pm

Kahtay ho tark-e-mohabbat karuN? Achcha chalo, youNhi sahee
Aur jo tark-e-mohabbat se bhi na ruswaayee gayee?

balvinder · **Posted:** Thu Aug 20, 2009 3:38 pm

naaseh na dil se tark-e-muhabbat ka kar kalaam
aise sune, to maiN hi na samjhaa liyaa karooN

dream_girl22 · **Joined:** Fri Jul 17, 2009 3:22 pm **Posts:** 3639

masjid tu bana di shab bhar me,emman ki hararat walon ny
man apna porana papi hai,barson me namazi ban na saka....!

SHAIRYFAN · **Posted:** Thu Aug 20, 2009 5:14 pm

Umr to saari kaTi ishq-e-butaaN meiN 'Momin'
AaKhri waqtmeiN kya Khaak musulmaaN hoN gey

rainbowgirl120 · **Posted:** Thu Aug 20, 2009 8:22 pm

wo ek sajda jesay to giran samjhta ha
hazar sajdo say dayta ha admi ko nejaat

SHAIRYFAN · **Posted:** Thu Aug 20, 2009 8:44 pm

Kabhee ay haqeeqat-e-muntazar, nazar aa libaas-e-majaaz meiN
Ke hazaaroN sajdey taRap rahey haiN mery jabeen-e-neyaaz meiN

sono · **Joined:** Tue Sep 27, 2005 3:41 am **Posts:** 29986

bohat acha thread balvinder ji :b)b:

sono · **Joined:** Tue Sep 27, 2005 3:41 am **Posts:** 29986

kyaa mazaa detii hai bijalii kii chamak mujhako "Riaz"
mujhase lipaTate hain, mere naam se Darane vaale
Riaz Khairabadi

rainbowgirl120 · **Posted:** Fri Aug 21, 2009 6:52 am

is khayal say tasbeeh hi tor di may nay FARAZ
kiya gin gin k us ka namm layna jo bayheesab dyta ha

dia khan · **Posted:** Fri Aug 21, 2009 7:19 am

Meri tehreer mein pinhaa'n hay meri rooh ka durd,
mujhay samajhna hay to meri tehreer ko perh laina tum....

balvinder · **Posted:** Fri Aug 21, 2009 8:48 am

sono wrote:

bohat acha thread balvinder ji :b)b:

aapkii navaazish hai ''Sono'' jii.... :buke:

balvinder · **Posted:** Fri Aug 21, 2009 9:00 am

SHAIRYFAN wrote:

Kabhee ay haqeeqat-e-muntazar, nazar aa libaas-e-majaaz meiN
Ke hazaaroN sajdey taRap rahey haiN mery jabeen-e-neyaaz meiN

bas ik daagh-e-sajda mirii kaainaat
jabeeneN tirii, aastaaneN tire

balvinder · **Posted:** Fri Aug 21, 2009 9:40 am

sono wrote:

kyaa mazaa detii hai bijalii kii chamak mujhako "Riaz"
mujhase lipaTate hain, mere naam se Darane vaale
Riaz Khairabadi

ab ke gar too mile to ham tujh se
aise lipaTeN, terii qabaa ho jaayeN

balvinder · **Posted:** Fri Aug 21, 2009 2:53 pm

rainbowgirl120 wrote:

is khayal say tasbeeh hi tor di may nay FARAZ
kiya gin gin k us ka namm layna jo bayheesab dyta ha

kufr kuchh chaahiye Islam kii raunaq ke liye
husn zunnar hai tasbeeh-e-sulemaanii kaa

dia khan · **Posted:** Fri Aug 21, 2009 2:56 pm

aab k hum bichrein to shayad kabhi khwaboon mein mileein,
jis terha sukhay huay phiil kitaaboon mein milein...

balvinder · **Posted:** Fri Aug 21, 2009 3:02 pm

dia khan wrote:

Meri tehreer mein pinhaa'n hay meri rooh ka durd,
mujhay samajhna hay to meri tehreer ko perh laina tum....

ai khudaa ! maiN ne bhii likhha hai muqaddar apnaa
apnii tahreer milaa le, merii tahreer ke saath

dia khan · **Posted:** Fri Aug 21, 2009 3:04 pm

khush rahay ya bohot udas rahay,
zindagi tere aas paas rahay.....

balvinder · **Posted:** Fri Aug 21, 2009 3:29 pm

dia khan wrote:

aab k hum bichrein to shayad kabhi khwaboon mein mileein,
jis terha sukhay huay phiil kitaaboon mein milein...

bichhaRh gaye, to kisii roz mil hii jaaoge
ye duniya aisii kahaaN kii bahut baRhii hai miyaaN

balvinder · **Posted:** Fri Aug 21, 2009 3:38 pm

dia khan wrote:

khush rahay ya bohot udas rahay,
zindagi tere aas paas rahay.....

maayoos to hooN vaade se tire, kuchh aas nahiiN, kuchh aas bhii hai
maiN apne KhayaaloN ke sadqe ! too paas nahiiN, aur paas bhii hai

SHAIRYFAN · **Posted:** Fri Aug 21, 2009 4:48 pm

Woh paas raheiN ya duur raheiN, nazroN meiN samaayey rahtey haiN
Itna to bata dey koyee mujhey, kya pyaar isee ko kehtey haiN

?

and

Ham se nahiN rishta bhi, ham se nahiN milta bhi
Hai paas wo baiTha bhi, dhoaka ho to aisa ho
Ibn-e-Insha

sono · **Joined:** Tue Sep 27, 2005 3:41 am **Posts:** 29986

bohat khoob fan ji :b)b:

tu bhii duur haii, mae bhii duur hon, kion alug hoay ye raaste
terii chahato`n ka guraiz thaa ya merii ana ka hisaar thaa

dia khan · **Posted:** Sat Aug 22, 2009 7:29 am

aur tou koan hey jo mujh ko tasali deta,
haath rakh deti hain dil par teri yaadein aksar....

balvinder · **Posted:** Sat Aug 22, 2009 8:54 am

SHAIRYFAN wrote:

Ham se nahiN rishta bhi, ham se nahiN milta bhi
Hai paas wo baiTha bhi, dhoaka ho to aisa ho
Ibn-e-Insha

kiyaa hai maiN ne izHaar-e-tamannaa jaane kis-kis se
mujhe aksar terii soorat ka dhokaa ho hii jaata hai

''Shaaz'' Tamkanat

balvinder · **Posted:** Sat Aug 22, 2009 8:57 am

sono wrote:

tu bhii duur haii, mae bhii duur hon, kion alug hoay ye raaste
terii chahato`n ka guraiz thaa ya merii ana ka hisaar thaa

woh bhii Khamosh baiTha hai, chup-chaap maiN bhi hooN
donoN haiN qaid apnii anaa ke Hisaar meN

''Zafar'' Sayyad

balvinder · **Posted:** Sat Aug 22, 2009 9:02 am

dia khan wrote:

aur tou koan hey jo mujh ko tasali deta,
haath rakh deti hain dil par teri yaadein aksar....

mire dil ko tasalli de gayee lab-bastagii un kii
ilaahii ! too ne Khaamoshii ke mooNh meN bhii zabaaN rakh dii

sad_sadi · **Posted:** Sat Aug 22, 2009 9:29 am

"zindegi baad tere hoona thii mushkill lekinn...
Ye naa socha thaa ke iss haal mein aa jaon ga mein."

SHAIRYFAN · **Posted:** Sat Aug 22, 2009 12:48 pm

Bahut shukriya, Sono ji :buke:

________________

sad_sadi wrote:

"zindegi baad tere hoona thii mushkill lekinn...
Ye naa socha thaa ke iss haal mein aa jaon ga mein."

Do hi ghaRyaaN haiN, jo mujh par umr meiN guzreeN kaThin
Aap ke aaney se pahlay, aap ke jaaney ke baad

ukab · **Joined:** Thu Jul 13, 2006 5:57 pm **Posts:** 291

dil akelaa hai bahut laalaa-e-saharaa kii tarah
tum ne bhii chhor diyaa hai mujhe duniyaa kii tarah

sad_sadi · **Posted:** Sat Aug 22, 2009 1:54 pm

"Wo jisse neand kaha karte hain sabb, Chainn ki neand...
Wo tere baad kabhi aankh mein utrii hii nahin."

balvinder · **Posted:** Sat Aug 22, 2009 2:21 pm

SHAIRYFAN wrote:

Do hi ghaRyaaN haiN, jo mujh par umr meiN guzreeN kaThin
Aap ke aaney se pahlay, aap ke jaaney ke baad

aadat se majboor hooN ''SFN'' sahab.....ye sher maiN ne kuchh yooN sun rakha hai...

waqt saarii ziNdagii meN do hii guzare haiN kaThin
ik tere ane se pahle, ik tere jaane ke baad

aur ab aap ke sher meN lafz ''ghaRhiyaaN'' hai...us par ye sher zahan meN aa rahaa hai.....

maheene vasl ke ghaRhiyoN ki soorat uRhte jaate haiN
magar ghaRhiyaaN judaai kii guzartii haiN maheenoN meiN

Allama ''Iqbal''

balvinder · **Posted:** Sat Aug 22, 2009 2:34 pm

ukab wrote:

dil akelaa hai bahut laalaa-e-saharaa kii tarah
tum ne bhii chhor diyaa hai mujhe duniyaa kii tarah

wo mujh ko chhoRh gayaa to mujhe yaqiiN aayaa
ko_ii bhi shakhs zaroorii nahiiN kisii ke liye

balvinder · **Posted:** Sat Aug 22, 2009 3:00 pm

sad_sadi wrote:

"Wo jisse neand kaha karte hain sabb, Chainn ki neand...
Wo tere baad kabhi aankh mein utrii hii nahin."

ham to yooN kaheNge sahib ki....

[b]Khuda ka shukr hai ke ab bhii ''Zafar''
bhook lagtii hai, niiNd aatii hai[/b]

SHAIRYFAN · **Posted:** Sat Aug 22, 2009 5:56 pm

balvinder wrote:

aadat se majboor hooN ''SFN'' sahab.....ye sher maiN ne kuchh yooN sun rakha hai...

waqt saarii ziNdagii meN do hii guzare haiN kaThin
ik tere ane se pahle, ik tere jaane ke baad[\quote]

Shukriya Balvinder ji, ye shair mujhey dhundhla dhundhla hi sa yaad tha. Waisey maira to ye hai haal hai ke

Waqt saarii ziNdagii meN do hii guzare haiN kaThin
ik tere jaane se pahle, ik tere aane ke baad
(Aap ki corrections ki wajha se

)

balvinder wrote:

aur ab aap ke sher meN lafz ''ghaRhiyaaN'' hai...us par ye sher zahan meN aa rahaa hai.....

maheene vasl ke ghaRhiyoN ki soorat uRhte jaate haiN
magar ghaRhiyaaN judaai kii guzartii haiN maheenoN meiN

Allama ''Iqbal''

Is par ye shair yaad aa raha hai:

Do ghaRee ki mehmaaN hai, taazgee o ra'aanaayee
Dair tak nahiN rahta, subha ka samaaN yaaro

dia khan · **Posted:** Sat Aug 22, 2009 6:05 pm

haath chutay bhi to rishtay nhi chora kerta,
wakt ki shakh sey lamhay nhi tora kertay....

SHAIRYFAN · **Posted:** Sat Aug 22, 2009 6:49 pm

Waqt ki qaed mein zindagi hai magar
Chand ghaRyaaN yahi haiN jo aazaad haiN
Inko kho kar kaheen jaan-e-jaaN
Umr bhar na tarastey raho
Aaj jaaney ki zid na karo

balvinder · **Posted:** Sun Aug 23, 2009 11:57 am

SHAIRYFAN wrote:

Shukriya Balvinder ji, ye shair mujhey dhundhla dhundhla hi sa yaad tha. Waisey maira to ye hai haal hai ke

Waqt saarii ziNdagii meN do hii guzare haiN kaThin
ik tere jaane se pahle, ik tere aane ke baad
(Aap ki corrections ki wajha se

)[/b]

jii bahut khoob...

Is par ye shair yaad aa raha hai:

Do ghaRee ki mehmaaN hai, taazgee o ra'aanaayee
Dair tak nahiN rahta, subha ka samaaN yaaro

aur ye sher aap ke liye.....

terii maHfil ko Khuda rakhe abad tak qaayam
ham to mehmaaN haiN ghaRhi bhar k, hamaara kya hai

balvinder · **Posted:** Sun Aug 23, 2009 12:10 pm

dia khan wrote:

haath chutay bhi to rishtay nhi chora kerta,
wakt ki shakh sey lamhay nhi tora kertay....

kab yaad meN teraa saath nahiiN? kab haath meN teraa haath nahiiN?
sad shukr ke apnii raatoN meN, ab hijr kii ko_ii raat nahiiN

jo zehan meN sher aaye vahii likh diijiye

Who is online