کاش میں تیرے حسیں دانت کا منجن ہوتا
تو بڑے پیار سے بڑے چاؤ سے بڑے مان کے ساتھ
اپنی کالی سی انگلی میں لگاتی مجھ کو
اور نہ چاہتے ہوئے بھی پیلے پیلے دانتوں میں
تو کسی سوچ میں ڈوبی جو گھماتی مجھ کو
میں تیرے منہ کی بدبُو سے لرز سا جاتا
جب کبھی تو موڈ میں آ کر منہ کو دھویا کرتی
پانی کا رنگ سیاہی میں بدل سا جاتا
جب کبھی تو رات کو نیندوں کے سفر پہ جاتی
تیری خراٹوں کی گونج سے دہل سا جاتا
جب کبھی تو کالا ڈبا کھولنے لگتی جاناں
میں‌ تجھے اپنی انگوری آنکھوں سے گھورا کرتا
کچھ نہیں تو یہ بے نام سا بندھن ہوتا
کاش میں تیرے حسیں دانت کا منجن ہوتا

يا رب ميرے نصيب ميں اکلِ حلال ہو
کھانے کو قورمہ ہو کھلانے کو دال ہو

لے کر بارات کون سپر ہائے وے پہ جائے
ايسی بھی کيا خوشی کہ سڑک پر وصال ہو

جلدی ميں منہ سے لفظ جمالو نکل گيا
کہنا يہ چاہتا تھا کہ تم مہ جمال ہو

عورت کو چاہيے کہ عدالت کا رُخ کرے
جب آدمی کو صرف خدا کا خيال ہو

اک بار ہم بھی رہنما بن کے ديکھ ليں
پھر اس کے بعد قوم کا جو کچھ بھی حال ہو

ہم تو کسی سے بھيک نہيں مانگتے فگار
ليکن اگر فقير کی صورت موال ہو

چھالیہ عنقا ہے مہنگا پان ہـے
"زندگی ہے یا کوئی طوفان ہے"

باکسر ہیں چونکـہ چاروں بیویاں
منہ میں دانتوں کا میرے فقدان ہے

دن میں بھی لیٹے پڑے ہیں لوگ سب
آشیانہ ہــے کـہ یـہ شــمشــان ہــے

جاؤ سو جاؤ کسی فٹ پاتھ پر
اہلیـہ کا آج پھر یہ اعلان ہـے

ایک دلہن اور مہر دس لاکھ کا
یہ مہر ہے یا کوئی تـاوان ہـے

اپنے شوہر کے لئے اُس نے کہا
آدمی کے بھیس میں شیطان ہے

جا بجا پیکیں نہیں میں تھوکتا
مـجھ کو کافی آپ کا دالان ہـے

چــار دن کـی زنـدگـی کــے واسطــے
سو برس کا گھر میں میرے سامان ہے

کس طرح عاصی رہیں احباب میں
طنـز ہے، نشتر ہـے اور بہتـان ہـے

سر چٹخنـے کا سبب یاد آیا
وہ تیری مار تھی، اب یاد آیا

گالیاں آپ کے منہ سے سُن کر
آپ کا نـام و نسب یـاد آیـا

بھاؤ پوچھا تھا جو کل آٹے کا
سنتے ہی ہم کو تو رب یاد آیا

قــرض ہم اس کـا چُکـاتــے لیکــن
" جب وہ رخصت ہوا تب یاد آیا "

جیتے جی قرض جو اینٹھا اس نے
قبــرِ مـقـروض پــہ سب یـاد آیـا

بھوت جیسی تھی جو شکلِ افسر
" دل دھــڑکـنے کا سبب یــاد آیـا "

سر میں عاصی کے اٹھی ہیں ٹیسیں
جـب تیرا غیـظ و غـضب یـاد آیـا

“ڈگری نالوں ویزا چنگا“

میری خاطر نوکری لَبھدا مَر گیا میرا ابّا
انجینئری کر کے ویلے پھردے کَم نئی مِلدا ربّا

ٹی وی، ٹیپ، فریج، فریزر، وی سی آر لیایا
سارے پِنڈ توں اُچّا کوٹھا آ کے اُوس بنایا

مینوں تھاں تے مار مکایا طعنے دے دے یاراں
میرے کول اے ٹُٹیا سائیکل اوہدے کول نیں کاراں

کُج وی اپنے گھر وچ ناہیں شرم چ ڈُبدا جاواں
ایس ڈگری نوں ویکھاں، چَٹّاں، پیواں یا میں کھاواں

رشتے داراں تے یاراں دی سنگت وی چُھٹ جاندی
ویزے والا جے کوئی مل جائے منگنی وی ٹُٹ جاندی

قلم دواتاں توڑاں تے میں سبھی کتاباں پھاڑاں
دل کردا اِس ڈگری نوں میں چُلّھے دے وِچ ساڑاں

شام سویرے لڑے زنانی بھکھے روہن نیانیں
“ڈگری نالوں ویزا چنگا“ کہندے سچ سیانے

میاں اور بیوی کے درمیان مکالمہ )

یہ لَو مَیرِج بھی کر دیکھی، یہ لَو مَیرِج بھی رولا ہے

تو جس دن میرے گھر آئی، وہ دن کیا تھا، نحوست تھا
پھر اس کے بعد جیون اک پیوست ہی پیوست تھا
میں نادانی میں سمجھا تھا، تیرا بندھن ضرورت تھا
کُھلا ہے اب، تیرا پیکر سراپا رنج و کلفت تھا

میں گڑیا جس کو سمجھا تھا وہ تو اک پَٹ پٹولا ہے
یہ لَو مَیرِج بھی کر دیکھی، یہ لَو مَیرِج بھی رولا ہے

تجھے معلوم ہے، تو کس قدر بے غم، نکھٹّو ہے
سمجھ پائی نہ اب تک میں، تو گھوڑا ہے کہ ٹٹو ہے
نہ گھر تیرا نہ زر تیرا نہ کمبل ہے نہ پٹّو ہے
نکما پھرتا رہتا ہے، تو بندہ ہے کہ لَٹّو ہے

جو تو باتوں میں برچھا ہے، رویے میں سنگھولا ہے
یہ لَو مَیرِج بھی کر دیکھی، یہ لَو مَیرِج بھی رولا ہے

تیرے ظاہر کے لشکارے نے مجھ کو مار ڈالا تھا
مجھے معلوم کیا تھا، دال میں کچھ کالا کالا تھا
جسے چابی سمجھتا تھا، میری قسمت کا تالا تھا
نجانے کس لیے دل نے کئی آسوں کو پالا تھا

میرا دل کس قدر نادان ہے، سادہ ہے، بھولا ہے
یہ لَو مَیرِج بھی کر دیکھی، یہ لَو مَیرِج بھی رولا ہے

نہ تھا تجھ سے تعلق، میرا کیا سوہنا گزارہ تھا
نہیں معلوم تھا، گردش میں قسمت کا ستارہ تھا
دلِ خوش فہم نے امید کا گلشن سنوارا تھا
بڑے دھوکے سے ظالم، مجھ کو شیشے میں اتارا تھا

میرے خوابوں کو تو نے بے وفائی سے مدھولا ہے
یہ لَو مَیرِج بھی کر دیکھی، یہ لَو مَیرِج بھی رولا ہے

بھرے گھر میں تیری اوقات، مجھ کو زہر لگتی ہے
تیری ہر چال طوفانِ بلا کی لہر لگتی ہے
مجھے ہر دن مصیبت، رات مجھ کو قہر لگتی ہے
میں اتنا بوکھلایا ہوں کہ صبح دوبہر لگتی ہے

تو بیوی ہے کہ بیوہ ہے، تو گولی ہے کہ گولا ہے
یہ لَو مَیرِج بھی کر دیکھی، یہ لَو مَیرِج بھی رولا ہے

یہ باتیں جو بناتا ہے، کبھی خود کو بھی دیکھا ہے
میں جب سے تیرے گھر آئی، مجھے تو نے ستایا ہے
بڑا رانجھا بنا پھرتا ہے، صورت ہے نہ نقشہ ہے
نہیں اب تک کُھلا مجھ پر، تو کھیڑی ہے کہ کھیڑا ہے

کبھی رَنبھا، کبھی پھالا، کبھی تو اک ہوہولا ہے
یہ لَو مَیرِج بھی کر دیکھی، یہ لَو مَیرِج بھی رولا ہے

اری! میں نے تو یونہی تیری الفت آزمائی
تجھے غصہ دلا کر، تیری رنگت آزمائی ہے
تیری سانسوں میں مخفی، تیری نگہت آزمائی ہے
تیرے ہونٹوں کی دلکش، پھڑ پھڑاہٹ آزمائی ہے

حقیقت ہے کہ میں نے تو محبت کو ٹٹولا ہے
تو ہی تو میری پگڑی ہے، تو ہی تو میرا چولا ہے

ارے نادان! تو میرا سہارا، بخت ہے میرا
تو ہے سرتاج میرا اور تو ہی تخت ہے میرا
تو ہی میرا مقدر ہے، تو ہی تو رخت ہے میرا
یہ تو نے یونہی سمجھا ہے کہ لہجہ سخت ہے میرا

فقط اک بار میں نے تو محبت کو پھرولا ہے
تو ہی تو میرا ماہیا ہے، تو ہی تو میرا ڈھولا ہے