It is currently Sun Jul 22, 2018 9:53 am

All times are UTC + 5 hours




 Page 3 of 3 [ 113 posts ]  Go to page Previous  1, 2, 3
Author Message
 Post subject: Re: Sahir Ludhyanvi (TOP MEMBER THREAD)
PostPosted: Wed Dec 16, 2009 10:11 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA



_________________
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Wed Dec 16, 2009 10:12 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA



_________________
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Wed Dec 16, 2009 10:25 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA
TAJMAHAL Movie

Singer(s): MOHD RAFI & LATA MANGESHKAR



Jo Vaada Kiya Woh Nibhaana Padega
Roke Zamaana Chaahe Roke Khudaai
Tumko Aana Padega

Tarasti Nigaahon Ne Aawaz Di Hai
Mohabbat Ki Aahon Ne Awaaz Di Hai
Jaane Hayaa Jaane Ada Chodo Tarsaana
Tumko Aana Padega

Ye Maana Hamein Jaan Se Jaana Padega
Par Ye Samajh Lo Tumne Jab Bhi Pukaara
Humko Aana Padega...

Hum Apni Wafaa Pe Na Ilzaam Lenge
Tumhe Dil Diya Hai Tumhe Jaan Bhi Denge
Jab Ishq Ka Sauda Kiya, Phir Kya Ghabraana
Humko Aana Padega

Chamakte Hain Jab Tak Yeh Chaand Aur Taare
Na Tootenge Ab Keh Do Paimaan Hamaare
Ek Doosra Jab De Sadaa Hoke Dewaana
Humko Aana Padega



_________________
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Wed Dec 16, 2009 10:44 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA
apane maazii ke tasavvur se hiraasaa huuN main
apane guzare hue ayyam se nafarat hai mujhe
apanii bekaar tamannaon pe sharmindaa huuN main
apanii besud ummiidon pe nidaamat hai mujhe

mere maazii ko aNdhere men dabaa rahane do
meraa maazii merii zillat ke sivaa kuchh bhii nahiin
merii ummiidon kaa haasil merii kaavish kaa silaa
ek benaam aziiyat ke sivaa kuchh bhii nahiin

kitanii bekaar ummiidon kaa sahaaraa lekar
main ne aiwaan sajaaye they kisii kii Khaatir
kitanii berabt tamannaaon ke maabham Khaake
apane Khwaabon men basaaye the kisii kii Khaatir

mujhase ab merii mohabbat ke fasaane na puuchho
mujhako kahane do ke main ne unhen chaahaa hii nahiin
aur vo mast nigaahen jo mujhe bhuul gaiin
main ne un mast nigaahon ko saraahaa hii nahiin

mujhako kahane do ki main aaj bhii jii sakataa huuN
ishq naakaam sahii zindagii naakaam nahiin
unako apanaane kii Khvaahish unhen paane kii talab
shauq bekaar sahii sai-Gam anjaam nahiin

vahii gesuu vahii nazar vahii aariz vahii jism
main jo chaahuuN ki mujhe aur bhii mil sakate hain
vo kaNval jinako kabhiiunke liye khilanaa thaa
unkii nazaron se bahut duur bhii khil sakate hain



_________________
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Wed Dec 16, 2009 10:47 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA
main nay shaid tumhain pehley bhi kahee.n dekha hay

ajnabi si hho magar ghair nahi lagti ho
weh'm sey bhi jo ho nazul wo yaqee.n lagti ho
haiii ye phool sa chehra ye ghanairii zulfai.n
merey sheroo.n sey bhi tum mujh ko hasee.n lagti ho

main nay shaid tumhain pehley bhi kahee.n dekha hay

dekh kar tum ko kisi raat ki yaad aati hay
aik khamosh mulaqaat ki yaad aati hay
zehn main husn ki thandak ka asar jagta hay
aanch deti hoi barsaat ki yaad aati hay

main nay shaid tumhain pehley bhi kahee.n dekha hay

meri aankhoo.n pe jhuki rehti hain palkain jis ki
tum wohi merey khayyaloo.n ki pari ho k nahi
kahee.n pehley ki tarha phir tu na kho jaao gi
jo hameshaa k leye ho wo khushi ho k nahi

main nay shaid tumhain pehley bhi kahee.n dekha hay



_________________
Image
Offline
 Profile  
 
 Post subject: Re: Sahir Ludhyanvi
PostPosted: Thu Mar 18, 2010 7:08 pm 
Special Super Dooper Member
User avatar

Joined: Sat Oct 07, 2006 12:20 am
Posts: 91799
Location: +92 :-p
Subah-e-nau roz (The morning of a new day)



subah-e-nau-roz phooT paReeN mashriq se kirneiN

haal banaa maazii ka fasaanaa
gooNjaa mustaqbil ka taraanaa
bheje haiN ahbaab ne tuhfe
aTe paRe haiN mez ke kone
dulhan banii hui haiN raaheiN
jashn manaao saal-e-nau ke

nikli hai bangle ke dar se
ik muflis dahqaan ki beTi
afsurdah murjhaaii hui hai
jism ke dukhte joR dabaati
aaNchal se seene ko chhupaatii
muTThii meiN ik noT dabaaye
jashn manaao saal-e-nau ke

bhooke zard gadaagar bachche
kaar ke peechhe bhaag rahe haiN
waqt se pahle jaag uThe haiN
peep bharii aaNkheiN sahlaate
sar ke phoRoN ko khujlaate
vo dekho kuchh aur bhi nikle
jashn manaao saal-e-nau ke



_________________
Image
........ILYSML.......

Image
Offline
 Profile  
 
 Post subject: Re: Sahir Ludhyanvi
PostPosted: Wed Mar 31, 2010 12:53 am 
Special Super Dooper Member
User avatar

Joined: Tue Sep 27, 2005 8:41 am
Posts: 46580
bohat khoob asif :b)b:



_________________
Image
Offline
 Profile  
 
 Post subject: Re: Sahir Ludhyanvi
PostPosted: Sat May 01, 2010 2:32 pm 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
buhat khub asif...subeh e no roz... :b)b:



_________________
Image
Image
Offline
 Profile  
 
 Post subject: Poetry by Sahir Ludhianvi
PostPosted: Sat Jan 29, 2011 12:50 am 
New Bie
User avatar

Joined: Sun Nov 07, 2010 8:59 pm
Posts: 33
'Log aurat ko fiqt jism samjh lete hain
rooh bhi hote ha is mae ye kahan sochte hain

rooh kiya hote hae is sae inhae matlab he nahe
wo to bas tan kae taqazon ka kaha mante hain

rooh marjae to ye jism hae chalti hoe laash
is haqeqat ko samjhte hain na pehchante hain

kitni sadiyon sae ye wehshat ka chaln jari hae
kitni sadyon sae hae qaim ye gunahon ka rawaj

log aurat ki har aik cheeh ko naghma samjhay
wo qabelon ka zamana ho keh shehro ka rawaj

jabar sae nasal barhae,zulm sae tan mel karen
ye amal ham mae hae,be ilam pirando mae nahe
ham jo insano ki tahzeeb liye phirte hain

ham sa wahshi koe jungle kae darindo mae nahe
ik bujhi rooh laty jism kae dhanchae mae liye

sochti hun mae kahan jakay muqadar phorun
mae na zinda hun keh marnae ka sahara dhundun

kaun batlae ga mujh ko kisae jakar puchon
zindagi qehr kae sancho mae dhalaygi kab tak

kab tilk aankh na kholega zamanay ka zameer
zulm aur jabar ki raet chalegi kab tak


Offline
 Profile  
 
 Post subject: Re: Poetry by Sahir Ludhianvi
PostPosted: Sun Jan 30, 2011 7:02 pm 
Super Dooper Member
User avatar

Joined: Wed May 04, 2005 3:07 pm
Posts: 32420
Location: Maa ki duaon mey
khurram abh ap apni sharing kar sakhte hain :buke:



_________________
Image
Offline
 Profile  
 
 Post subject: Re: Sahir Ludhyanvi
PostPosted: Tue Feb 01, 2011 10:27 pm 
Super Member
User avatar

Joined: Tue Dec 22, 2009 8:25 pm
Posts: 1446
PsyCho wrote:
Yahan Last kuch Posts aisi hain .. joo Ahmad Fraz say Mansoob ki gae hian .. jab kay woo kisi or Shair ki hain .. Mod unahin daikhain or Un ki jagah pay move kar dain :)
jaisay woo Alone bhi nay ki hay post.. Mairay khuda Mujhay itna to Mautbar kar day <<, yeh Iftikhar Arif ki hay...

1 of My Fav Poem By Sahir Ludhyanvi


Chalo ek baar phir say ajnabi ban jain hum dono,
Na main tum say umeed rakhoon dil nawazi kee,
Na tum meri taraf daikho ghalat andaaz nazron say,
Na meray dil kee dharkan larkaray Teri baaton say,
Na zahir ho tumhari kashmakash ka raaz nazron say.
Tumhain Bhi koi Uljhan roktee hai paish qadmi say,
Mujhey bhi log kehtay hain yeh jalway para-ay hain.
Meray humrah bhi ruswa-e-yan hain meray maazi kee,
Tumharay saath bhi guzree huee raaton kay sa-ey hain.
Taruff rog ho jaey tau usska bhoolna behtar,
Taalluq bojhe ban jaey tau uska torna acha.
Woh afsaana jissay anjaam tak lana na ho mumkin,
Ussay ik khoobsoorat mor day kar chorna acha.
Chalo ik baar phir say ajnabi bun jain hum dono


bohot khoob psycho............. :b)b: :b)b: :b)b: :b)b: :b)b:

saahir sahab mere pasandeeda shayar hain aur Isee nazm se mutaasir hokar maine bhi ek nazm likhi hai wo nazm aap ''aapki shayari'' section me mere theard me padh sakte hain............

share karte rahiye.............

khush rahiye...............

haseeb....................


Offline
 Profile  
 
 Post subject: Re: Sahir Ludhyanvi
PostPosted: Tue Feb 01, 2011 10:31 pm 
Super Member
User avatar

Joined: Tue Dec 22, 2009 8:25 pm
Posts: 1446
PsyCho wrote:
Yahan Last kuch Posts aisi hain .. joo Ahmad Fraz say Mansoob ki gae hian .. jab kay woo kisi or Shair ki hain .. Mod unahin daikhain or Un ki jagah pay move kar dain :)
jaisay woo Alone bhi nay ki hay post.. Mairay khuda Mujhay itna to Mautbar kar day <<, yeh Iftikhar Arif ki hay...

1 of My Fav Poem By Sahir Ludhyanvi


Chalo ek baar phir say ajnabi ban jain hum dono,
Na main tum say umeed rakhoon dil nawazi kee,
Na tum meri taraf daikho ghalat andaaz nazron say,
Na meray dil kee dharkan larkaray Teri baaton say,
Na zahir ho tumhari kashmakash ka raaz nazron say.
Tumhain Bhi koi Uljhan roktee hai paish qadmi say,
Mujhey bhi log kehtay hain yeh jalway para-ay hain.
Meray humrah bhi ruswa-e-yan hain meray maazi kee,
Tumharay saath bhi guzree huee raaton kay sa-ey hain.
Taruff rog ho jaey tau usska bhoolna behtar,
Taalluq bojhe ban jaey tau uska torna acha.
Woh afsaana jissay anjaam tak lana na ho mumkin,
Ussay ik khoobsoorat mor day kar chorna acha.
Chalo ik baar phir say ajnabi bun jain hum dono


bohot khoob psycho................. :b)b: :b)b: :b)b: :b)b: :b)b:

janaab saahir sahab mere pasndeeda shayar hain aur ye meri bhi pasandeeda nazm hai aur Isee nazm se mutaasir hokar maine ek nazm likhi hai wo nazm Aapki Shairy section me mere theard me 2 page par hai aap chaahen to padh sakte hain.............

share karte rahiye................

khush rahiye...............

haseeb..................


Offline
 Profile  
 
 Post subject: Re:
PostPosted: Sat Apr 09, 2011 2:53 pm 
Junior Addict Member
User avatar

Joined: Sat Jan 10, 2009 11:00 am
Posts: 10444
balvinder wrote:
Chalo ek baar phir say ajnabi ban jain hum dono,
Na main tum say umeed rakhoon dil nawazi kee,
Na tum meri taraf daikho ghalat andaaz nazron say,
Na meray dil kee dharkan larkaray Teri baaton say,
Na zahir ho tumhari kashmakash ka raaz nazron say.
Tumhain Bhi koi Uljhan roktee hai paish qadmi say,
Mujhey bhi log kehtay hain yeh jalway para-ay hain.
Meray humrah bhi ruswa-e-yan hain meray maazi kee,
Tumharay saath bhi guzree huee raaton kay sa-ey hain.
Taruff rog ho jaey tau usska bhoolna behtar,
Taalluq bojhe ban jaey tau uska torna acha.
Woh afsaana jissay anjaam tak lana na ho mumkin,
Ussay ik khoobsoorat mor day kar chorna acha.
Chalo ik baar phir say ajnabi bun jain hum dono
_________________


its one of my fav..


Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sat Dec 03, 2011 9:23 am 
Special Super Dooper Member
User avatar

Joined: Tue Sep 27, 2005 8:41 am
Posts: 46580
tumhaarii mast nazar agar idhar nahiin hotii
nashe mein chuur fizaa is kadar nahiin hotii

tumhiin ko dekhane kii dil mein aarazuuen hain
tamhaare aage hii aur uuNchii nazar nahiin hotii

Khafaa na honaa agar barh ke thaam luuN daaman
ye dil fareb Khataa jaan kar nahiin hotii

tumhaare aane talak ham ko hosh rahataa hai
phir usake baad hamen kuchh Khabar nahiin hotii



_________________
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sat Dec 03, 2011 9:25 am 
Special Super Dooper Member
User avatar

Joined: Tue Sep 27, 2005 8:41 am
Posts: 46580
teraa Khayaal dil se miTaayaa nahiin abhii
bedard main ne tujh ko bhulaayaa nahiin abhii

kal tuune muskuraa ke jalaayaa thaa Khud jise
siine ka vo charaaG bujhaayaa nahiin abhii

gardaan ko aaj bhii tere baahon kii yaad hai
chaukhaT se terii sar ko uThaayaa nahiin abhii

behosh hoke jald tujhe hosh aa gaayaa
main badanasiib hosh mein aayaa nahiin abhii



_________________
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Fri Dec 16, 2011 11:24 pm 
Moderator
User avatar

Joined: Sun Dec 02, 2007 5:08 am
Posts: 17677
Location: Data Ke Nagri
Image

ab vo karam kareiN ya sitam

Image

ab vo karam kareiN k sitam maiN nashe meiN houN
mujhko na koi hosh na Gham maiN nashe meiN houN
seene se bojh unke GhamoN kaa utaar ke
aayaa houN aaj apni javaani ko haar ke
kahate haiN Dagamagaate qadam maiN nashe meiN houN
wo bewafaa haiN ab bhii ye dil maantaa nahiIN
kambaKht naa-samajh hai unheiN jaantaa nahiiN
maiN aaj toR douNgaa bharam, maiN nashe meiN houN
fursat nahiiN hai rone rulaane ke vaaste
aaye na unki yaad sataane ke vaaste
is waqt dil kaa dard hai kam, maiN nashe meiN houN


Image



_________________
Image

Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Fri Dec 16, 2011 11:27 pm 
Moderator
User avatar

Joined: Sun Dec 02, 2007 5:08 am
Posts: 17677
Location: Data Ke Nagri
Image


dekha hai zindagi ko kuchh itnaa qareeb se


Image

dekhaa hai zindagii ko kuchh itnaa qareeb se
chehre tamaam lagne lage haiN ajeeb se

is rengati hayaat kaa kab tak uThaayeiN baar
beemaar ab ulajhne lage haiN tabeeb se

har gaam par hai majamaa-e-ushshaaq muntazir
maqtal ki raah milti hai kuu-e-habeeb se

is tarah zindagi ne diyaa hai hamaaraa saath
jaise koi nibaah rahaa ho raqeeb se

ai rooh-e-asar jaag, kahaaN so rahi hai tu
aawaaz de rahe haiN payambar saleeb se



Image



_________________
Image

Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 1:46 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
ye mahloN, ye taKhtoN, ye taajoN ki duniya
ye insaaN ke dushman, samaajoN ki duniya
ye daulat ke bhuukhe, rivaajoN ki duniyaa
ye duniyaa agar mil bhi jaaye to kyaa hai
ye duniyaa agar mil bhi jaaye to kyaa hai

har ik jism ghaayal, har ik ruuh pyaasii
nigaahoN me uljhan, diloN meiN udaasi
ye duniyaa hai yaa aalam-e-badhavaasii
ye duniyaa agar mil bhi jaaye to kyaa hai

jahaaN ik khilona hai insaaN ki hastii
ye bastii hai murda-parastoN ki bastii
yahaaN par to jeevan se hai maut sastii
ye duniyaa agar mil bhi jaaye to kyaa hai

javaani bhaTaktii hai bezaar bankar
javaaN jism sajate haiN baazaar bankar
jahaaN pyaar hota hai vyopaar bankar
ye duniyaa agar mil bhi jaaye to kyaa hai

ye duniyaa jahaaN aadmi kuchh nahiiN hai
vafaa kuchh nahiiN, dostii kuchh nahiiN hai
jahaaN pyaar ki qadr hi kuchh nahiiN hai
ye duniyaa agar mil bhi jaaye to kyaa hai

jalaa do ise phuuNk DaaloN ye duniyaa
jalaa do jalaa do
jalaa do ise phuuNk DaaloN ye duniyaa
mere saamne se haTaa lo ye duniyaa
tumhaari hai tum hi sambhaalo ye duniyaa
ye duniyaa agar mil bhi jaaye to kyaa hai



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 1:51 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Aaj

saathiyo! maiNe barsoN tumhaare liye
chaaNd, taaroN, bahaaroN ke sapne bune
husn aur ishq ke geet gaataa rahaa
aarzoo_oN ke aivaaN sajaataa rahaa
maiN tumhaaraa muGhannii, tumhaare liye
jab bhi aayaa naye geet laataa rahaa

aaj lekin mire daaman-e-chaak meiN
gard-e-raah-e-safar ke sivaa kuchh nahiiN
mere barbat ke seene meiN naGhmoN ka dam ghut gayaa hai
taaneN cheeKhoN ke anbaar meiN dab gayii haiN
aur geetoN ke sur hichkiyaaN ban gaye haiN
maiN tumhaaraa muGhannii huuN, naGhmaa nahiiN houN
aur naGhme kii taKhleeq kaa saazo-saamaaN
saathiyo! aaj tumne bhasm kar diyaa hai
aur maiN — apnaa TooTaa huaa saaz thaame
sard laashoN ke anbaar ko tak rahaa houN
mere chaaroN taraf maut ki vahshateiN naachtii haiN
aur insaan kii haivaaniyat jaag uThii hai

barbriyat ke KhunKh(w)aar afreet
apne naapaak jabRoN ko khole
Khoon pee pee ke Ghurra rahe haiN
bachche maaoN ki gotoN meiN sahme hue haiN
ismateiN sar-barhanaa pareshaan haiN
har taraf shor-e-aaho-bukaa hai
aur maiN is tabaahii ke tuufaan meiN
aag aur Khoon ke haijaan meiN
sarnigouN aur shikastaa makaanoN ke malbe se pur raastoN par
apne naghmoN ki jholi pasaare
dar-ba-dar phir rahaa houN –
mujhko amn aur tahzeeb kii bheek do
mere geetoN ki lay, mere sur, meri nai
mere majrooH hoToN ko phir sauNp do

saathiyo! maiN barsoN tumhaare liye
inqilaab aur bGhaawat ke naGhme alaape
ajnabii raaj ke zulm kii chaaNv meiN
sarfaroshii ke Khwaabeeda jazbe ubhaare
is subah kii raah dekhi
jismeiN is mulk ki ruuh aazaad ho
aaj zanjeer-e-mahkoomiyat kaT chuki hai
aur is mulk ke bahro-bar, baamo-dar
ajnabi qaum ke zulmat-afshaaN farere kii manhoos chaaNv se aazaad haiN
khet sona ugalne ko bechain haiN
vaadiyaaN lahlahaane ko betaab haiN
kohsaaroN ke seene meiN haijaan haiN
saNg aur Khisht beKhwaab-o-bedaar haiN
inkii aaNkhoN meiN ta’ameer ke Khwaab haiN
inke KhwaaboN ko takmeel ka roop do
mulk kii vaadiyaaN, ghaaTiyaaN, khetiyaaN, aurateiN, bachchiyaaN –
haath phailaaye Khairaat ki muntazir haiN
iinko amn aur tahzeeb kii bheek do
maaoN ko unke hoNToN ki shaadaabiyaaN
nanhe bachchoN ko unko Khushi baKhsh do
mere sur baKhsh do, meri nai baKhsh do
aaj saari fazaa bhikaari hai
aur maiN is bhikaari fazaa meiN
apne naGhmoN ki jholi pasaare
dar-ba-dar phir rahaa houN
mujhko phir mera khoyaa huaa saaz do
maiN tumhaaraa muGhannii tumhaare liye
jab bhi aaya, naye geet laataa rahouNgaa



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 2:00 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
dabegi kab talak aawaaz-e-aadam, ham bhi dekheiNge
rukeiNge kab talak jazbaat-e-barham, ham bhi dekheiNge
chalo yuuN hi sahii ye jaur-e-paiham, ham bhi dekheiNge

dar-e-zindaaN se dekheiN ya urooj-e-daar se dekheiN
tumheiN ruswaa sar-e-baazaar-e-aalam ham bhi dekheiNge
zaraa dam lo ma’aal-e-shaukat-e-jam ham bhi dekheiNge

ba-zom-e-quwwat-e-faulaad-o-aahan dekh lo tum bhii
ba-faiz-e-jazbaa-e-iimaan-e-mohkam ham bhi dekheiNge
jabeen-e-kaj-kulaahii Khaak par Kham ham bhi dekheiNge

mukaafaat-e-amal taareeKh-e-insaaN kii rawaayat hai
karoge kab talak naawak faraaham ham bhi dekheiNge
kahaaN tak hai tumhaare zulm meiN dam ham bhi dekheiNge

ye hangaam-e-widaa-e-shab hai aie zulmat ke farzando
sahar ke dosh par gulnaar parcham ham bhi dekheiNge
tumheiN bhi dekhna hoga ye aalam ham bhi dekheiNge



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 2:05 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Jaa'geer

phir usi waadi-e-shaadaab meiN lauT aayaa houN
jismeiN pinhaaN mire KhwaaboN ki tarabgaaheiN haiN
mere ahbaab ke saamaan-e-ta’ayyush ke liye
shauKh seene haiN, jawaaN jism, haseeN baaheiN haiN

sabz khetoN meiN ye dubki hui dosheezaaeiN
inki shiryaanoN meiN kis kis ka lahoo jaarii hai
kis meiN jurrat hai ki is raaz ki tash_heer kare
sab ke lab par mirii haibat ka fusuuN taarii hai

haaye vo garm-o-dilaavez ubalte seene
jinse ham satwat-e-aabaa ka silaa lete haiN
jaane in marmariiN jismoN ko ye mariyal dahqaaN
kaise in teerah gharoNdoN meiN janam dete haiN

ye lahakte hue paude, ye damakte hue khet
pahle ajdaad ki jaageer thii, ab mere haiN
ye charaagaah, ye rewaR ye maweshi ye kisaan
sab-ke-sab mere haiN, sab mere haiN, sab mere haiN!

inki mehnat bhi mirii, haasil-e-mehnat bhi miraa
inke baazu bhi mire, quwwat-e-baazu bhi mirii
maiN KhadawaNd houN is wus’at-e-be-paayaaN kaa
mauj-e-aariz bhi mirii, nakhat-e-gesuu bhi mirii

maiN un ajdaad ka betaa houN jinhoN ne paiham
ajnabii qaum ke saaye ki himaayat kii hai
Ghadr ki saa’at-e-naapaak se lekar ab tak
har kaRe waqt meiN sarkaar kii Khidmat kii hai

Khaak par reiNgne waale ye fasurdaa DhaaNche
inki nazreiN kabhii talwaar banii haiN na baneiN
inki Ghairat pe har ik haath jhapaT saktaa hai
inke abruu kii kamaaneiN na tanii haiN na taneiN

haaye ye shaam, ye jharne, ye shafaq kii laalii
maiN in aasoodaa fazaaoN meiN zaraa jhoom na louN
wo dabe paaNv udhar kaun chalii jaatii hai
baRh ke us shauKh ke tarshe hue lab choom na louN!



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 2:08 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Maazoori

Khalwat-o-jalwat meiN tum mujhse mili ho baarahaa
tumne kya dekha nahiiN, maiN muskuraa saktaa nahiiN
maiN ki maayoosi miri fitrat meiN daaKhil ho chuki
jabr bhi Khud par karouN to gungunaa saktaa nahiiN

mujh meiN kyaa dekha ki tum ulfat ka dam bharne lagiiN
maiN to Khud apne bhi koii kaam aa saktaa nahiiN
rooh-afzaa haiN juunuun-e-ishq ke naGhme magar
ab maiN in gaaye hue geetoN ko gaa saktaa nahiiN

maiN ne dekha hai shikast-e-saaz-e-ulfat ka samaaN
ab kisii tahreek par barbat uThaa saktaa nahiiN
dil tumhaari shiddat-e-ahsaas se waaqif to hai
apne ehsaasaat se daaman chhuRaa saktaa nahiiN

tum mirii hokar bhi begaanaa hi paaogii mujhe
maiN tumhaaraa hoke bhi tum meiN samaa saktaa nahiiN
gaaye haiN maiN ne Khuloos-e-dil se bhi ulfat ke geet
ab riyaakaarii se bhi chaahouN to gaa saktaa nahiiN

kis tarah tumko banaa louN maiN shareek-e-zindagii
maiN to apni zindagii kaa baar uThaa saktaa nahiiN
yaas ki taareekiyoN meiN Doob jaane do mujhe
ab maiN sha’ma-e-aarzoo ki lau baRhaa saktaa nahiiN



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 2:14 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Maadaam(Madam)

aap bewajah pareshaan sii kyoN haiN maadaam
log kahte haiN to phir Theek hi kahte hoNge
mere ahbaab ne tahzeeb na seekhi hogi
mere maahaul meiN insaan na rahte hoNge

noor-e-sarmaayaa se hai roo-e-tamaddun ki jilaa
ham jahaaN haiN vahaaN tahzeeb nahiiN pal sakti
muflisii his_se-lataafat ko miTaa deti hai
bhook aadaab ke saaNche meiN nahiiN Dhal sakti

log kahte haiN to logoN pe ta’azzub kaisaa
sach to kahte haiN ki naadaaroN kii izzat kaisi
log kahte haiN — magar aap abhi tak chup haiN
aap bhi kahiye GhariboN meiN sharaafat kaisi

nek maadaam! bahut jald vo daur aayega
jab hameiN zeest ke advaar parakhne hoNge
apni zillat ki qasam, aapki azmat ki qasam
hamko ta’azeem ke mayyaar parakhne hoNge

hamne har daur meiN tazleel sahii hai lekin
hamne har daur ke chehre ko ziyaa baKhshii hai
hamne har daur meiN mehnat ke sitam jhele haiN
hamne har daur ke haathoN ko hina baKhshii hai

lekin in talKh mubaahis se bhalaa kyaa haasil
log kahte haiN to phir Theek hi kahte hoNge
mere ehbaab ne tahzeeb na seekhii hogi
maiN jahaaN rahtaa houN insaan na rahte hoNg
[center]
[/center]



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 2:21 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Intezaar

chaand maddham hai aasmaaN chup hai
neend ki god meiN jahaaN chup hai

maddham hai aasmaaN chup hai
neeNd ki god meiN jahaaN chup hai

door vaadi meiN doodhiyaa baadal
jhuk ke parbat ko pyaar karte haiN
dil meiN naakaam hasrateiN lekar
ham tera intezaar karte haiN

in bahaaroN ke saaye meiN aa jaa
phir muhabbat javaaN rahe na rahe
zindagii tere naamuraadoN par
kal talak meharbaaN rahe na rahe

roz ki tarah aaj bhi taare
subah ki gard meiN na kho jaayeiN
aa tire Gham meiN jaagtii aaNkheiN
kam se kam ek raat so jaayeiN



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 2:23 am 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Hiraas

Tere hoNThoN pe tabassum ki vo halki si lakeer
mere taKh’eel meiN rah rah ke jhalak uThti hai
yuuN achaanak tere aariz ka Khayaal aataa hai
jaise zulmat meiN koi shama’ bhaRak uThti hai

tere pairaahan-e-rangeeN ki junuuNKhez mahak
Khwaab ban ban ke mire zehan meiN lahraati hai
raat ki sard Khamoshi meiN har ik jhoNke se
tere anfaas, tire jism ki aaNch aatii hai

maiN sulagate hue raazoN ko ayaaN to kar douN
lekin in raazoN kii tash_heer se jee Dartaa hai
raat ke Khwaab ujaale meiN bayaaN to kar douN
in haseeN KhwaaboN ki taa’beer se jee Dartaa hai

tere saaNsoN ki thakan, teri nigaahoN ka sukuut
dar-haqeeqat koi rangeen sharaarat hi na ho
maiN jise pyaar ka andaaz samajh baiThaa houN
vo tabassum vo takallum teri aadat hi na ho

sochtaa houN ki tujhe milke maiN jis soch meiN houN
pahle us soch ka maqsoom samajh louN to kahouN
maiN tire shahr meiN anjaan houN pardesi houN
tere altaaf ka mafhoom samjah louN to kahouN

kahiiN aisa na ho ki paaNv mire thraa jaayeiN
aur tiri marmari baahoN ka sahaaraa na mile
ashk bahte raheiN Khaamosh siyah raatoN meiN
aur tire reshmi aaNchal ka kinaaraa na mile



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 18, 2011 7:20 pm 
Special Super Dooper Member
User avatar

Joined: Sat Dec 10, 2005 6:13 am
Posts: 43725
Location: U.S.A
Image



_________________
Image
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 25, 2011 7:29 pm 
Super Member
User avatar

Joined: Fri Dec 02, 2011 1:28 pm
Posts: 1060
Image



_________________
Aaa Gardish e Ayaam main kuch sooch rha hoon......!
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 25, 2011 7:31 pm 
Super Member
User avatar

Joined: Fri Dec 02, 2011 1:28 pm
Posts: 1060
Image



_________________
Aaa Gardish e Ayaam main kuch sooch rha hoon......!
Image
Offline
 Profile  
 
 Post subject: Re: Sahir Ludhyanvi (TOP MEMBER THREAD)
PostPosted: Sun Dec 25, 2011 7:32 pm 
Super Member
User avatar

Joined: Fri Dec 02, 2011 1:28 pm
Posts: 1060
Image



_________________
Aaa Gardish e Ayaam main kuch sooch rha hoon......!
Image
Offline
 Profile  
 
 Post subject: Re: Sahir Ludhyanvi
PostPosted: Fri Mar 08, 2013 7:24 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA
Aaj Sahid Ludhianvi Sahab Ka Janam Din ( sal girah )Hai....To Apke Samne Unki Kuch Lines Pesh Krte Hai....Umeed Hai Apko Pasand Aaye...


Image

kabhii kabhii mere dil meiN Khayaal aataa hai

k zindagii terii zulfoN ke narm chaaoN meiN
guzarne paati to shaadaab ho bhi saktii thii
ye teeragi jo meri zeest ka muqaddar hai
terii nazar ki shu’aaoN meiN kho bhi sakti thii

kabhii kabhii mere dil meiN Khayaal aataa hai

magar ye ho na sakaa aur ab ye ‘aalam hai
k tuu nahiiN tera Gham , teri justajoo bhi nahiiN
guzar rahii hai kuchh is tarah zindagii jaise
ise kisii ke sahaare ki aarzoo bhi nahiiN

kabhii kabhii mere dil meiN Khayaal aataa hai

zamaane bhar ke dukhoN ko lagaa chukaa houN gale
guzar rahaa houN kuchh anjaani rah-guzaaroN se
muheeb saaye merii samt baRhte aate haiN
hayaat-o-maut ke purhaul KhaarzaaroN se

kabhii kabhii mere dil meiN Khayaal aataa hai

na koii jaadaa, na manzil, na roshnii ka suraag
bhaTak rahii hai KhalaaoN meiN zindagii meri
inhii KhalaaoN meiN rah jaaouNgaa kabhii kho kar
maiN jaantaa houN merii ham nafas magar yuuN hi

kabhi kabhi mere dil meiN Khayaal aataa hai
k zindagii tirii zulfoN.......................



_________________
Image
Offline
 Profile  
 
 Post subject: Re: Sahir Ludhyanvi
PostPosted: Tue Mar 12, 2013 12:43 am 
Most Active Member
User avatar

Joined: Sun Aug 05, 2012 11:13 pm
Posts: 2123
nice thred bro..........keep it up........ :buke: :buke:



_________________
Image
Image
Offline
 Profile  
 
 Post subject: Re: Sahir Ludhyanvi
PostPosted: Thu Feb 01, 2018 10:58 pm 
Super Shine Star Member
User avatar

Joined: Wed Jun 21, 2006 2:10 pm
Posts: 28830
Location: INDIA
‎اچھا ہے ابھی تک تیرا کچھ نام نہیں ہے
‎تجھ کو کسی مذہب سے کوئی کام نہیں ہے

अच्छा है अभी तक तेरा कुछ नाम नहीं है
तुझको किसी मज़हब से कोई काम नहीं है

‎جس علم نے انسانوں کو تقسیم کیا ہے
‎اس علم کا تجھ پر کوئی الزام نہیں ہے
‎تو بدلے ہوئے وقت کی پہچان بنے گا
‎انسان کی اولاد ہے انسان بنے گا

जिस इल्म ने इंसान को तक़सीम किया है
उस इल्म का तुझ पर कोई इलज़ाम नहीं है
तू बदले हुए वक़्त की पहचान बनेगा
इंसान की औलाद है, इंसान बनेगा

‎مالک نے ہر انسان کو انسان بنایا
‎ہم نے اسے ہندو یا مسلمان بنایا
‎قدرت نے تو بخشی تھی ہمیں ایک ہی دھرتی
‎ہم نے کہیں بھارت کہیں ایران بنایا
‎جو توڑ دے ہر بند وہ طوفان بنے گا
‎انسان کی اولاد ہے انسان بنے گا

मालिक ने हर इंसान को इंसान बनाया
हमने उसे हिन्दू या मुसलमान बनाया
क़ुदरत ने तो बख़्शी थी हमें एक ही धरती
हमने कहीं भारत, कहीं इरान बनाया
जो तोड़ दे हर बंद, वो तूफ़ान बनेगा
इंसान की औलाद है, इंसान बनेगा

نفرت جو سکھائے وہ دھرم تیرا نہیں ہے
انساں کو جو روندے وہ قدم تیرا نہیں ہے
قرآن نہ ہو جس میں وہ مندر نہیں تیرا
گیتا نہ ہو جس میں وہ حرم تیرا نہیں ہے
تو امن کا اور صلح کا ارمان بنے گا
انسان کی اولاد ہے انسان بنے گا

नफ़रत जो सिखाये वो धर्म तेरा नहीं है
इन्सां को जो रौंदे, वो क़दम तेरा नहीं है
क़ुरआन न हो जिसमें वो मंदिर नहीं तेरा
गीता न हो जिसमें वो हरम तेरा नहीं है
तू अम्न का और सुलह का अरमान बनेगा
इंसान की औलाद है, इंसान बनेगा

یہ دین کے تاجر یہ وطن بیچنے والے
انسانوں کی لاشوں کے کفن بیچنے والے
یہ محلوں میں بیٹھے ہوئے قاتل یہ لٹیرے
کانٹوں کے عوض روحِ چمن بیچنے والے
تو ان کے لیے موت کا اعلان بنے گا
انسان کی اولاد ہے انسان بنے گا

ये दीन के ताजिर, ये वतन बेचने वाले
इंसानों की लाशों के कफ़न बेचने वाले
ये महलों में बैठे हुए क़ातिल ये लुटेरे
काँटों के एवज़ रूह-ए-चमन बेचने वाले
तू इनके लिये मौत का ऐलान बनेगा
इंसान की औलाद है, इंसान बनेगा


#SahirLudhianvi



_________________
Image
Offline
 Profile  
 
 Post subject: Re: Sahir Ludhyanvi
PostPosted: Fri Apr 13, 2018 8:27 am 
EverGreen Member
User avatar

Joined: Mon May 17, 2010 2:53 pm
Posts: 4898
Location: Hindustan
kashiif wrote:
‎اچھا ہے ابھی تک تیرا کچھ نام نہیں ہے
‎تجھ کو کسی مذہب سے کوئی کام نہیں ہے

अच्छा है अभी तक तेरा कुछ नाम नहीं है
तुझको किसी मज़हब से कोई काम नहीं है

‎جس علم نے انسانوں کو تقسیم کیا ہے
‎اس علم کا تجھ پر کوئی الزام نہیں ہے
‎تو بدلے ہوئے وقت کی پہچان بنے گا
‎انسان کی اولاد ہے انسان بنے گا

जिस इल्म ने इंसान को तक़सीम किया है
उस इल्म का तुझ पर कोई इलज़ाम नहीं है
तू बदले हुए वक़्त की पहचान बनेगा
इंसान की औलाद है, इंसान बनेगा

‎مالک نے ہر انسان کو انسان بنایا
‎ہم نے اسے ہندو یا مسلمان بنایا
‎قدرت نے تو بخشی تھی ہمیں ایک ہی دھرتی
‎ہم نے کہیں بھارت کہیں ایران بنایا
‎جو توڑ دے ہر بند وہ طوفان بنے گا
‎انسان کی اولاد ہے انسان بنے گا

मालिक ने हर इंसान को इंसान बनाया
हमने उसे हिन्दू या मुसलमान बनाया
क़ुदरत ने तो बख़्शी थी हमें एक ही धरती
हमने कहीं भारत, कहीं इरान बनाया
जो तोड़ दे हर बंद, वो तूफ़ान बनेगा
इंसान की औलाद है, इंसान बनेगा

نفرت جو سکھائے وہ دھرم تیرا نہیں ہے
انساں کو جو روندے وہ قدم تیرا نہیں ہے
قرآن نہ ہو جس میں وہ مندر نہیں تیرا
گیتا نہ ہو جس میں وہ حرم تیرا نہیں ہے
تو امن کا اور صلح کا ارمان بنے گا
انسان کی اولاد ہے انسان بنے گا

नफ़रत जो सिखाये वो धर्म तेरा नहीं है
इन्सां को जो रौंदे, वो क़दम तेरा नहीं है
क़ुरआन न हो जिसमें वो मंदिर नहीं तेरा
गीता न हो जिसमें वो हरम तेरा नहीं है
तू अम्न का और सुलह का अरमान बनेगा
इंसान की औलाद है, इंसान बनेगा

یہ دین کے تاجر یہ وطن بیچنے والے
انسانوں کی لاشوں کے کفن بیچنے والے
یہ محلوں میں بیٹھے ہوئے قاتل یہ لٹیرے
کانٹوں کے عوض روحِ چمن بیچنے والے
تو ان کے لیے موت کا اعلان بنے گا
انسان کی اولاد ہے انسان بنے گا

ये दीन के ताजिर, ये वतन बेचने वाले
इंसानों की लाशों के कफ़न बेचने वाले
ये महलों में बैठे हुए क़ातिल ये लुटेरे
काँटों के एवज़ रूह-ए-चमन बेचने वाले
तू इनके लिये मौत का ऐलान बनेगा
इंसान की औलाद है, इंसान बनेगा


#SahirLudhianvi



bahot Umdah Kalam ... :buke: :rose:



_________________
Image

Kahin Main ,Mohabbat Aur Tum
jo miley to phir na bichad sakey
Offline
 Profile  
 
Display posts from previous:  Sort by  
 Page 3 of 3 [ 113 posts ]  Go to page Previous  1, 2, 3

All times are UTC + 5 hours


Who is online

Users browsing this forum: No registered users and 0 guests


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Jump to: