haseeb khush amdeed !!!buhat khubsoorat kalam...kafi idrak o fehm ke sath kheyal ko nae sanchay main dhala hae....likhte rahain
khush rahain..
| World of Urdu Poetry - Shairy.com http://www.shairy.com/forum/ |
|
| SHAYARI BY... haseebWAHAB.....! (*Shama-e-Mehfil*) http://www.shairy.com/forum/viewtopic.php?f=4&t=19839 |
Page 1 of 5 |
| Author: | haseebWAHAB [ Tue Jan 19, 2010 10:00 am ] |
| Post subject: | SHAYARI BY... haseebWAHAB.....! (*Shama-e-Mehfil*) |
meri ek ghazal Is section me pehli baar pesh kar raha hun mulaaheza farmaaiye faraaqiyon ka karam us par poora nahi rehta kitaaben to rehti hain magar basta nahi rehta bohot arse tak is cheez ka charcha nahi rehta daulat wo naqsh hai jo hamesha nahi rehta daulat agar zindagi me had se badh jaaye to phir zindagi jeene ka saliqa nahi rehta jaane ye kaisa nizaam hai usse jude rehne ka wo mujh se door reh ke bhi judaa nahi rehta qud gharziyaan jis rishte ki bunyaad ho ''haseeb'' wo tijaarat ban jaata hai rishta nahi rehta umeed hai aapko pasand aayegi |
|
| Author: | subahh [ Tue Jan 19, 2010 10:26 am ] |
| Post subject: | Re: SHAYARI BY... haseebWAHAB.....! |
haseeb, khush-amdeed shairy.com main....ibtidah buhat khub hae....per lafz 'faraaqiyon' aap ne eejaad kerdiya hae... wese aap ko dad detay hain...buhat khub koshish yon hi likhtay rahain khush rahaun:buke: |
|
| Author: | haseebWAHAB [ Tue Jan 19, 2010 10:44 am ] |
| Post subject: | Re: SHAYARI BY... haseebWAHAB.....! |
faraaqi ka matlab to aap jaante hi honge angrezi me sufficiency kehte hain khair pasandeedgi ka bohot shukriya koshish karunga ke aur acha likhun |
|
| Author: | haseebWAHAB [ Sat Jan 23, 2010 6:44 pm ] |
| Post subject: | Re: SHAYARI BY... haseebWAHAB.....! |
MERI EK AUR TAZA GHAZAL PESH E QIDMAT HAI TERE QAYAAL IS DIL ME KUCH AISE DAR AATE HAIN JAISE KE THAKE MUSAAFIR APNE GHAR AATE HAIN ACHAAI BHI YAHAAN POHACHA SAKTI HAI NUQSAAN PHAL DAAR PED PAR HI PATTHAR AATE HAIN DARD HI MILTA RAHA SADA DUNIYA SE MUJKO QEHQAHE ANSU KA BHAIS BADAL KAR AATE HAIN YAHAAN JAA BA JAA PHAILE HAIN USKI YAAD KE KAANTE DAYAAR E YAR ME HUM ZARA SAMBHAL KAR AATE HAIN JAANE KYA KASHISH HAI AAQIR IS SAMANDAR ME ''HASEEB'' KYUN DARYA TAMAAM IS KI JAANIB CHAL KAR AATE HAIN UMEED KARTA HUN AAP KO PASAND AAYEGI QUSH RAHIYE |
|
| Author: | Tifl e Maktab [ Tue Feb 02, 2010 11:12 am ] |
| Post subject: | Re: SHAYARI BY... haseebWAHAB.....! |
haseebWAHAB wrote: MERI EK AUR TAZA GHAZAL PESH E QIDMAT HAI TERE QAYAAL IS DIL ME KUCH AISE DAR AATE HAIN JAISE KE THAKE MUSAAFIR APNE GHAR AATE HAIN ACHAAI BHI YAHAAN POHACHA SAKTI HAI NUQSAAN PHAL DAAR PED PAR HI PATTHAR AATE HAIN DARD HI MILTA RAHA SADA DUNIYA SE MUJKO QEHQAHE ANSU KA BHAIS BADAL KAR AATE HAIN YAHAAN JAA BA JAA PHAILE HAIN USKI YAAD KE KAANTE DAYAAR E YAR ME HUM ZARA SAMBHAL KAR AATE HAIN JAANE KYA KASHISH HAI AAQIR IS SAMANDAR ME ''HASEEB'' KYUN DARYA TAMAAM IS KI JAANIB CHAL KAR AATE HAIN UMEED KARTA HUN AAP KO PASAND AAYEGI QUSH RAHIYE Bhi Wah! kya khyal hai Haseeb sb, Bohat khoob...................... |
|
| Author: | haseebWAHAB [ Thu Feb 11, 2010 5:23 pm ] |
| Post subject: | Re: SHAYARI BY... haseebWAHAB.....! |
bohot bohot shukriya aapki daad ka qush rahiye |
|
| Author: | haseebWAHAB [ Thu Feb 11, 2010 5:48 pm ] |
| Post subject: | Re: SHAYARI BY... haseebWAHAB.....! |
meri ek aur ghazal mulaahezaa ho chupakar rakhta hai faash koi raaz nahi karta ye parinda par to rakhta hai parvaaz nahi karta nakaami hi ban jaati hai phir uska muqaddar naam e Khudaa se jo yahan aaghaaz nahi karta koi bhi hath padta hai to khanak jata hai fauran kisi muqsoosiat ka taqaaza kabhi saaz nahi karta mera to yaqeen hai ke bas razzaaq hai Allah mai kal ke liye kuch bhi pas andaaz nahi karta taajub hota hai mujhe dil ki saqti par ''haseeb'' ye toot bhi jaaye to aawaaz nahi karta |
|
| Author: | subahh [ Thu Feb 11, 2010 8:22 pm ] |
| Post subject: | Re: SHAYARI BY... haseebWAHAB.....! |
haseeb khush amdeed !!!buhat khubsoorat kalam...kafi idrak o fehm ke sath kheyal ko nae sanchay main dhala hae....likhte rahain khush rahain..
|
|
| Author: | haseebWAHAB [ Thu Feb 11, 2010 8:32 pm ] |
| Post subject: | Re: SHAYARI BY... haseebWAHAB.....! |
zarra nawaazi ka shukriya qush rahiye koshish karunga ke aur acha likhun |
|
| Author: | haseebWAHAB [ Fri Feb 12, 2010 8:21 pm ] |
| Post subject: | Re: SHAYARI BY... haseebWAHAB.....! |
meri ek aur ghazal aap sab ki nazar hai na ladkhadaaye pair to sambhalna nahi aata bacha jab tak na gire usko chalna nahi aata aur honge jo gardish e halaat se pighal jaayen mujh ko halaat ki garmi se pighalna nahi aata usko jahan me kabhi manzil hi nahi mil sakti bana ke rasta jise bheed se nikalna nahi aata mai jo hun jaisa hun hamesha waisa hi rahunga mai mitte ka hun par saanche me dhalna nahi aata mai to insaan hun koi mausam nahi ''haseeb'' waqt ke saath mujh ko badalna nahi aata |
|
| Author: | subahh [ Fri Feb 12, 2010 8:32 pm ] |
| Post subject: | Re: SHAYARI BY... haseebWAHAB.....! |
haseebWAHAB wrote: mai jo hun jaisa hun hamesha waisa hi rahunga mai mitte ka hun par saanche me dhalna nahi aata mai to insaan hun koi mausam nahi ''haseeb'' waqt ke saath mujh ko badalna nahi aata haseeb buhat khub....kamal kheyal....achi ghazal....khas ker ye aashar....buhat aala ...haseeb likhte rahain... khush rahain..
|
|
| Author: | haseebWAHAB [ Sat Feb 13, 2010 2:42 pm ] |
| Post subject: | Re: SHAYARI BY... haseebWAHAB.....! |
bohot shukriya aapki pasandeedgi ka janaab qush rahen |
|
| Author: | miskeen [ Sat Feb 13, 2010 3:02 pm ] |
| Post subject: | Re: SHAYARI BY... haseebWAHAB.....! |
haseebWAHAB wrote: meri ek aur ghazal aap sab ki nazar hai na ladkhadaaye pair to sambhalna nahi aata bacha jab tak na gire usko chalna nahi aata aur honge jo gardish e halaat se pighal jaayen mujh ko halaat ki garmi se pighalna nahi aata usko jahan me kabhi manzil hi nahi mil sakti bana ke rasta jise bheed se nikalna nahi aata mai jo hun jaisa hun hamesha waisa hi rahunga mai mitte ka hun par saanche me dhalna nahi aata mai to insaan hun koi mausam nahi ''haseeb'' waqt ke saath mujh ko badalna nahi aata boht khoob haseeb sahab kia kehny wahhhhhhhhhhhhh... likhty rahen khush rahen... miskeen. 
|
|
| Author: | haseebWAHAB [ Sat Feb 13, 2010 3:08 pm ] |
| Post subject: | Re: SHAYARI BY... haseebWAHAB.....! |
meri ek aur gahzal pesh e qidmat hai teri ulfat ka jo aasra mila tha nahi toota teri meri mulaqat ka silsila tha nahi toota tujhe har hal me paane ka bharosa nahi toota patthar ki *** khake bhi sheesha nahi toota ab peeche bohot reh gaya simatne ka marhala mai pehla bhi toota tha magar itna nahi toota teri jafaaon ne to vaar beshumaar kiye lekin mere dil me jo mahal tha wafaa ka nahi toota aarzu thi hum bhi koi dua mange lekin ''haseeb'' jab hamaari nazar uthi koi sitaara nahi toota umeed karta hun aap ko pasand aayegi. |
|
| Author: | haseebWAHAB [ Sat Feb 13, 2010 3:11 pm ] |
| Post subject: | Re: SHAYARI BY... haseebWAHAB.....! |
shukriya miskeen sahab aap ne naa cheez ko daad o tahseen se nawaaza bohot shukriya qush rahiye. |
|
| Author: | haseebWAHAB [ Sat Feb 13, 2010 3:46 pm ] |
| Post subject: | Re: SHAYARI BY... haseebWAHAB.....! |
apni ek aur ghazal aap sab ki nazar karne ki jasaarat kar raha hun kisi ke liye pyaar jatana bohot asaan hai apne dil ki burayi chupana bohot asaan hai zindagi beet jaati hai qushi dene me yahan kise ke dil ko dukhaana bohot asaan hai chand aansu thodi si qushaamad aur zara sa israar Is jahaan me kisi bhi maa ko manana bohot asaan hai lahu se seenchna padta hai chaman ko varna bas yun hi ped laganaa bohot asaan hai use to aadaab e adaavat bhi nahi aate ''haseeb'' jo kehta hai ke pyaar nibhaana bohot asan hai umeed hai aap pasand karenge. |
|
| Author: | haseebWAHAB [ Sun Feb 14, 2010 11:16 am ] |
| Post subject: | Re: SHAYARI BY... haseebWAHAB.....! |
meri ek aur ghazal pesh kar raha hun nilaam kisi qeemat pe quddari nahi karte kamzarf se duniya me hum yari nahi karte bilkul nahi milta duniya se mizaaj hamaara hum rishte nibhaate hain adaakari nahi karte achanak kar sakte hain kisi marhale ka saamna kisi bhi maarke ki pehle se tayyaari nahi karte waqt badla to phir dushman ko dost keh diya aap to adaavat me bhi wafadaari nahi karte hamare har sher me ek inqilaab chupa hota hai ''haseeb''hum sirf afsaana nigaari nahi karte umeed hai apko pasand aayegi aur aap daad se nawaazenge. |
|
| Author: | Masooma [ Sun Feb 14, 2010 11:58 am ] |
| Post subject: | Re: SHAYARI BY... haseebWAHAB.....! |
A (late) welcome to Aapki Shairy. Khoobsorat kalaam hai aapka. Yunhi likhtay rahiye.
|
|
| Author: | subahh [ Sun Feb 14, 2010 12:31 pm ] |
| Post subject: | Re: SHAYARI BY... haseebWAHAB.....! |
haseeb tamaam ki tamaam kavishaat ...baese tehseen o dad hain....kafi gehrai hae...kheyal ki jiddat ....alfaz ke motiyun ko pironay ka fun bhi aata hae....koshish jari rakhain....likhterahain khush rahain...
|
|
| Author: | miskeen [ Sun Feb 14, 2010 12:40 pm ] |
| Post subject: | Re: SHAYARI BY... haseebWAHAB.....! |
wel done haseeb sahab.... miskeen.
|
|
| Author: | haseebWAHAB [ Sun Feb 14, 2010 4:38 pm ] |
| Post subject: | Re: SHAYARI BY... haseebWAHAB.....! |
mai aap sab ka mashkoor o mamnoon hun khaas taur par subahji apka, jis tarah se aapne meri taareef ki shayed mai is qaabil nahi hun phir bhi bohot shukriya aapka aur maasoomaji, aap ne dair se hi sahi mera qair maqdam kiya bohot shukriya aapka bhi aap sab ka shukriya qush rahen |
|
| Author: | haseebWAHAB [ Sun Feb 14, 2010 5:07 pm ] |
| Post subject: | Re: SHAYARI BY... haseebWAHAB.....! |
aap ki daad ne mujhe apni ek aur ghazal pesh karne ki himmat di hai mulaaheza karen dushman hi yahan dost se behtar lagta hai ravadaari ke jazbon se mujhe dar lagta hai jaane ye kaisa rishta hai saare jahaan se mera ghar kisi ka bhi jalta hai to apna ghar lagta hai jab bhi kisi se karta hun mai wafa ki umeed mujhe aakar usi ke haath ka pathar lagta hai uske dil me aaqir kyun nahi khilte ulfat ke gulab uske seene ka khalyaan to banjar lagta hai mai jaanta hun tu mujh se wafa kar nahi sakta jaane kyun ye phir bhi mujhe aksar lagta hai wo vaada to karta hai magar poora nahi karta ''haseeb'' ye to mere mulk ka leader lagta hai aapki daad aur duaaon ka taalib hun qush rahiye |
|
| Author: | miskeen [ Sun Feb 14, 2010 6:37 pm ] |
| Post subject: | Re: SHAYARI BY... haseebWAHAB.....! |
boht khubsoorat gazal haseeb sahab... khush rahen.
|
|
| Author: | haseebWAHAB [ Mon Feb 15, 2010 7:38 am ] |
| Post subject: | Re: SHAYARI BY... haseebWAHAB.....! |
bohot shukriya miskeenji himmat afzaayi ka qush rahiye |
|
| Author: | haseebWAHAB [ Mon Feb 15, 2010 7:39 am ] |
| Post subject: | Re: SHAYARI BY... haseebWAHAB.....! |
hello Masooma, |
|
| Author: | haseebWAHAB [ Mon Feb 15, 2010 7:40 am ] |
| Post subject: | Re: SHAYARI BY... haseebWAHAB.....! |
my e mail address is syedhaseeb_kamran@yahoo.com u can mail me |
|
| Author: | haseebWAHAB [ Mon Feb 15, 2010 8:01 am ] |
| Post subject: | Re: SHAYARI BY... haseebWAHAB.....! |
meri ek ghazal jo maine bohot pehle likhi thi aap sab ki nazar karta hun ashkon ke behte dhaaron se mera zikr na karna be umeed aur bechaaron se mera zikr na karna mera naam likhna hai to likho ladne waalon me zarb e zindagi ke haaron se mera zikr na karna ataab e barq se nasheman ko daraane waalo kaha kisne ke shararo se mera zikr na karna wo jo haasil hue hain kisi ke ghar ko jalaane se tum un dil fareb nazaaro se mera zikr na karna mujhe rakhna hai maraasim faqt zabt waalon se be chain aur be qaraaron se mera zikr na karna ye bhi mumkin hai ke chori ka wo ilzaam lagaden zamaane ke qalam kaaron se mera zikr na karna Ishq o muashiqe se mai door hi achaa ''haseeb'' tum kabhi Ishq ke maaaron se mera zikr na karna umeed hai aap sab ko zaroor pasand aayegi qush rahen |
|
| Author: | haseebWAHAB [ Mon Feb 15, 2010 8:32 pm ] |
| Post subject: | Re: SHAYARI BY... haseebWAHAB.....! |
meri ek aur naacheez koshish aap qaaraeen ki nazar hai palkon me aansuon ko chupaana hi padegaa ab har ek yaad teri dil se mitaana hi padegaa mai jaanta hun ye mere bas me to nahi hai lekin mere shikastaa dil ko manaana hi padega ab jab ke ho gayi hai meri zindagi taareek ulfat ki Is shama ko bujhaana hi padega jala kar rakh diye taqdeer ne armaan jab mere tere pyaar bahre qatt sab jalaana hi padega tere baghair Is zindagi me kuch bhi nahi rakha hai par ''haseeb'' saath zindagi ka nibhaana hi padega aapki suaaon ka taalib |
|
| Author: | Masooma [ Tue Feb 16, 2010 12:35 am ] |
| Post subject: | Re: SHAYARI BY... haseebWAHAB.....! |
Dono ghazlein khoobsorat hain. Bohat khoob.
|
|
| Author: | haseebWAHAB [ Tue Feb 16, 2010 7:21 pm ] |
| Post subject: | Re: SHAYARI BY... haseebWAHAB.....! |
bohot shukriya masoomaji aap ka signiture wala sher bohot pasand aaya mujhe kis shaayer ki taqleeeq hai wo? |
|
| Author: | subahh [ Tue Feb 16, 2010 8:25 pm ] |
| Post subject: | Re: SHAYARI BY... haseebWAHAB.....! |
haseeb achi ghazal .....aap ka yeh sher kuch samjh main nahi aaya....dosre misre ka pehlay misre se talouq rabt ya matlab banta nazr nahi araha ....buhat mazrat ke sath arz kerahi hon umeed hae kushadah-dili se mere rae ka ehtaraam kerlijia ga.... Quote: mai jaanta hun tu mujh se wafa kar nahi sakta jaane kyun ye phir bhi mujhe aksar lagta hai gar yun ho tou fazahat o muntaq nazr aati hae : main jaanta hun tu mujh se wafa ker nahi sakta jaane kiyun bhir bhi tu apna sa aksar lagta hae ya main jaanta hun tu mujh se wafa ker nahi sakta jaane kiyun mujhe vahm sa ye aksar lagta hae likhte rahain haseeb khush rahain subah.. |
|
| Author: | haseebWAHAB [ Tue Feb 16, 2010 8:43 pm ] |
| Post subject: | Re: SHAYARI BY... haseebWAHAB.....! |
aap ka shukar guzaar hun ke aapne Is haqeer taalib e ilm ki taseeh farmaayi aapne jo taseeh shuda sher likhe hain yaqeenan bohot ache hain rehnumaai ka shukriya mera matlab to wahi tha par shayed sahi taur se keh nahi paya. |
|
| Author: | haseebWAHAB [ Wed Feb 17, 2010 11:01 am ] |
| Post subject: | Re: SHAYARI BY... haseebWAHAB.....! |
meri ek aur kaawish aap sab ki nazar hai, mulaaheza kijiye nazron ki dhul apni zubaan se hataa gaye alfaaz unke hum ko aainaa dikhaa gaye tufaan me tairne ka jinhe shauq tha bada lehron ke uthte hi wo kinaare pe aa gaye khaaye the jinke waaste seene pe apne zaqm wo dost hi to peeth me qanjar chubhaa gaye do pal ka saath ghair ka nibhaane ke waaste apnon se kitni jald wo daaman chudhaa gaye qudgarzon ki bazm me ulfat na kar talaash wo aur the jo qoon ke rishte nibhaa gaye qurbaan tere jaan o dil us zaat par ''haseeb'' ek raat hi me dekho kahaan se kahaan gaye apne mufeed mashvaron se nawaaziye aapki duaaon ka taalib haseeb |
|
| Author: | mahtabhashmi [ Wed Feb 17, 2010 7:07 pm ] |
| Post subject: | Re: SHAYARI BY... haseebWAHAB.....! |
haseebWAHAB wrote: meri ek aur kaawish aap sab ki nazar hai, mulaaheza kijiye nazron ki dhul apni zubaan se hataa gaye alfaaz unke hum ko aainaa dikhaa gaye tufaan me tairne ka jinhe shauq tha bada lehron ke uthte hi wo kinaare pe aa gaye khaaye the jinke waaste seene pe apne zaqm wo dost hi to peeth me qanjar chubhaa gaye do pal ka saath ghair ka nibhaane ke waaste apnon se kitni jald wo daaman chudhaa gaye qudgarzon ki bazm me ulfat na kar talaash wo aur the jo qoon ke rishte nibhaa gaye qurbaan tere jaan o dil us zaat par ''haseeb'' ek raat hi me dekho kahaan se kahaan gaye apne mufeed mashvaron se nawaaziye aapki duaaon ka taalib haseeb bohat khoob Haseeb, achi kavish hay, bohat si daad qubool farmayyay. ak arz karna chahta hon bura nahi manyay ga, aap ne lafz khoon ko Q say likha he aur bhi kai jaga khay kay lie Q istimal kia hay is say padhne mein diqqat ho rahi hay agar harf khay ko KH say zahir karen to padhnay aur samajhnay mein aasani rahay gi. shukriya
|
|
| Author: | haseebWAHAB [ Wed Feb 17, 2010 8:11 pm ] |
| Post subject: | Re: SHAYARI BY... haseebWAHAB.....! |
SHUKRIYA AAP KI DAAD KA AUR AAP NE JO MASHVARA DIYA HAI USPAR AMAL KARUNGA QUSH RAHEN |
|
| Author: | haseebWAHAB [ Fri Feb 19, 2010 6:39 am ] |
| Post subject: | Re: SHAYARI BY... haseebWAHAB.....! |
ek aur ghazal aap sab ki nazar hai maana ye raaz sab ko bataana to hai nahi par Is tarah se dil me dabaana to hai nahi makr o fareb hi se tarakkhi hai ab yahan aye yaar saadgi ka zamaana to hai nahi mujh ko giraa ke aage nikal jaaye tez tar itna bhi tez khadam e zamaana to hai nahi na rakh chupake dil ke kuze me Is tarah ek baat hai ye koi fasaana to hai nahi itna bhi na karo tum mazboot apna ghar jo mustakhil ho ye wo thikaana to hai nahi dast e sikandari bhi to khaali the zair e kafan daulat ko apne saath le jaana to hai nahi ''haseeb'' tu bhi jayegaa us dar pe ek din mud ke wahan se phir tujhe aana to hai nahi umeed hai aap sab ko pasand aayegi aapki duaaon ka taalib haseeb...... qush rahen |
|
| Author: | haseebWAHAB [ Sat Feb 20, 2010 7:17 am ] |
| Post subject: | Re: SHAYARI BY... haseebWAHAB.....! |
meri ek aur ghazal pesh e khidmat hai wakht ke saath kabhi rishta nahi badla jaata har mulakhaat pe chehra nahi badla jaata hum to karte hain sabhi se ek jaisi guftugu aadmi dekh ke lehjaa nahi badla jaata hum ne maana ke badlaav khanoon e fitrat hai jitna badal gaye ho tum itna nahi badla jaata aur honge jo muflis dost se aankhe churate hain yaar ko dekh kar hum se rasta nahi badlaa jaata us me aur tujh me koi farkh to bach jaaye ''haseeb'' saath bewafaa ke tarz e wafaa nahi badla jaata I hope u all will like this be happy always haseeb..... |
|
| Author: | saher86 [ Sat Feb 20, 2010 8:01 am ] |
| Post subject: | Re: SHAYARI BY... haseebWAHAB.....! |
Wah bohat aala hasib sahab boht umda..isi tarah likhte rahiye aur khush rahiye |
|
| Author: | haseebWAHAB [ Sat Feb 20, 2010 8:15 am ] |
| Post subject: | Re: SHAYARI BY... haseebWAHAB.....! |
bohot shukriya saherji aapka aap ne meri himmat badhaai visit karte rahen khush rahen |
|
| Author: | saher86 [ Sat Feb 20, 2010 8:20 am ] |
| Post subject: | Re: SHAYARI BY... haseebWAHAB.....! |
Zarur..ap ki himat to barhani thi q k hm b apki tarah hi nauzaida shayer hain..lolz |
|
| Page 1 of 5 | All times are UTC |
| Powered by phpBB © 2000, 2002, 2005, 2007 phpBB Group http://www.phpbb.com/ |
|