THOKAR LAGI TOU

ckamran · **Joined:** Fri Oct 23, 2009 8:32 pm **Posts:** 157

Suno! Tum se kehna hy Ager tum maan Jao To...
Mere Dil k Samundar mn
Chupi Seep ko Jhank pao to
Yeh pal do pal ki doori
Baes-e-Aazar ho jaye
Yeh Jeena ab bhi Mushkil hy
Mager phir aur bhi dushwar ho jaye
Suno Jub neend Aankhon se bhatak ker
Chand ki kirnon ki banhon mn Sama jaye
Suhani Chandni Chashm-e-Tamanna mn
Sanwartay ,Raqs kertay
Khuwab Lamhon ki haseen Yaadon mn kho jaye
Koi Jugnoo c zulfon se Badal ko chura ker
Raat ke sehra mn so jaye
kabhi hansna ager chaho to
Aankhain bheeg ci jain
Chaman veeran ho jaye
Falak hairan ho jaye
Ghammon ki dhund mn rasta na mil paye
To phir ik kam yeh kerna
Dar-e-Jaan khol ker is mn Challi aana
Mere hathon mn
Apnay hath de ker phir nahin jana
Mujhe Pehchan pao to ,Ager tum Jaan jao to
Hawaaon se Fizaaon se
Barasti in Ghataaon se
Mujhe tum se Batarz-e-Khas kehna hy
Yehi ik Raaz kehna hy
Suno!!!! Tum se Mohabbat hy
Mujhe tum se Mohabbat hy........!!!!

ckamran · **Joined:** Fri Oct 23, 2009 8:32 pm **Posts:** 157

YEH AANKHEN BOHAT SATATI HAIN

Yaadon ke khuwaab dikhati hain

Mujhe saari raat jagati hain

Kab Dil ke raaz chhupati hain

Palkon ke dareeche kholti hain

Kuch apni zaban main bolti hain

Bas apni baat manwati hain

YEH AANKHEN BOHAT SATATI HAIN

Ek aan main faisla karti hain

Yeh kab ruswayi se darrti hain

Yeh ghungroo baandh nachati hain

Her waqt yeh jaagti rehti hain

Ek khoj main bhaagti rehti hain

Thak haar ke wapis aati hain

YEH AANKHEN BOHAT SATATI HAIN

Chupke se kahin larr jaati hain

Phir khuwabon se bhar jaati hain

Jab toote shor machati hain

Ye royen to Dil bhi rota hai

Kab in se juda yeh hota hai

Yeh Dil ko rog lagati hain

Kyun pyaar kiya pachtati hain

YEH AANKHEN BOHAT SATATI HA

ckamran · **Joined:** Fri Oct 23, 2009 8:32 pm **Posts:** 157

Vo Sari Baatein Khuwab Hui
Aur Khuwaab Se Phir Azaab Huien
Jab Tum Ko Saba k Jhonkay Se
Paigham Hamara Milta Tha
Jab Meri Ik Nazar Se Hi
Chehra Yeh Tumhara Khilta Tha
Kuch Yaad Sa Tum Ko Hay Jaana?
Jab Phone Ki Aadat Roz Ki Thi
Kuch Dair Jo Mujh Ko Ho Jati
Tum Ghantoon Rootha Karti Thi
Kabhi Geeton Ki Kabhi Shairon Ki
Tum Khuwahish Mujh Se Karti Thi
Kabhi Pyar Tha Meri Baaton Se
Mery Chehrey Se Meri Aankhon Se
Aur Jhank k Meri Aankhon Mein
Tum Khud Ko Dhonda Karti Thi
Ik Do Din Dekh Na Pao To
Tum BeKal BeKal Rehti Thi
Aur Ab To Aisa Aalam Hay
Koi Chahat Hay Na Ulfat Hay
Kya Pyar Muhabat Aur Wafa
Iss Zikar Se Tum Ko Vehshat Hay
Main Lakh Tasalli Khud Ko Doon
k Ab b Teri Khuwahish Hon
Anjaan Bazahir Lagtay Ho
Main Ab b Tera Mehwar Hon
Par Dhoka Aakhir Dhoka Hay
Kab Tak Dil Ko Behlaye Ga
Do Pal Ki Khushian De Kar Yeh
Mujhay Sadiyan Laho Rulaye Ga
Kiun Tum Taqdeer Se Lartay Ho?
Kiun Khud Ko Dhoka Detay Ho?
Khuwabon k Tukray Chun k Ab

ckamran · **Joined:** Fri Oct 23, 2009 8:32 pm **Posts:** 157

~~ Chalay jao ~~
Kahan Ja pao Gay Tum?
Chalay Jao...!

Mager Dekhna Khench Lae Ge
Meri Muhabbat
Us Pal Us Lamhay K Jub
Zindagi Ki Dhool Jhulsae GE
Mushkiloun Ki Lambi Sadak Thukraege
Kisi Badan Key Lams Ki Mehek TersaeGe
Kisi Aashna Ko Tersou Gay
Baat Kernay Ko Humnawa Dhondoo Gay
Jub Kabhe Bikhro Gay To Chaho Gay Koi Sameet Lay Bahoun Main
Koi Bharay Aankhooun Main
Koi Choom Ker Tumharay Lub Tum Ko SairaaB Ker Dey
Us Pal.......!
Haan Us Lamhay...!
Meri MuhabbaT .!
Dekhna Tumhain Khench LaeGe...!

Chalay Jao.................!!!!!

*MEHRE* · **Posted:** Thu Dec 30, 2010 7:49 pm

bohot umda sharing kamran ji behad khubsurat :b)b:

ckamran · **Joined:** Fri Oct 23, 2009 8:32 pm **Posts:** 157

Dekho gay humen roz magr baat na hoge,

Ik shehar mein rah kay be mulaqat na hoge,

Kehna hay jo abe keh dalo waqt hay,

Kal ko hum hun gay magar surt-e-halaat naa hoge,

Jo pochna hay tumko abe poch lo warna,

Kal shehar mein rasam-e-swalaat na hoge,

Din huy taweel itny hijar kay logo,

Tarpo gay sar-e-shaam magar raat na hoge,

Hum jeet be gaye tu koi jeet na hoge,

Wo haar be jein tu unhy maat na hoge,

Yah soch kay he dil tarap utha hay ab,

Bichren gay kabi yun,kay mulaqat na hoge.

ckamran · **Joined:** Fri Oct 23, 2009 8:32 pm **Posts:** 157

kaash wo tera aakhiri khat aakhiri na hota
bhooli nahi hai tu mujhe ye ehsaas to rehta
main tanha to hota magar itna bhi na hota
har khat tera wajood banke mere paas to rehta

shayad meri mohabbat me ab koi asar na raha
ab na hoti hongi teri aakhein nam mere liye
shayad tere dil me meri yaadon ka basar na raha
ab na uthaate honge tere haath kalam mere liye

lekin lag raha hai mujhko aaj dil ki baaton se
jaise kar rahi hai tu bas abhi yaad mujhe
likh rahi hai khat koi apne mulayam haaton se
jo aake milga bas chand roz ke baad mujhe

subah guzar jaayegi shaam ke intezaar me
aur shaam nayi subah ke intezaar me guzar jaayegi
zindagi guzar jaayegi tere paigaam ke intezaar me
us ke baad kya hoga bas maut chali aayegi

is aas me chala jaaunga main ye jahan chhodkar
ki shayad mera marna hi kuchh kaam aayega
shayad chali aaye tu us pal mere paas daudkar
jis pal tere paas meri maut ka paigaam aayega

kaash wo tera aakhiri khat aakhiri khat aakhiri na hota..

ckamran · **Joined:** Fri Oct 23, 2009 8:32 pm **Posts:** 157

kabhi tumne ye socha hay
kabhi tumne ye dekha hay
k lafzon main
k lafzon se tasaadum kaise hota hay
tabaahi kaise aati hay
wohi alfaaz jo do piyaar karne waalon main ta'aluq jorrtay hain
dilon main rabt rakhtay hain
or aisa rabt, ik doojay ki khaatir jaan bhi de den
wohi alfaaz kaise sholay ban kar dehshaton ka raqs karte hain
wohi alfaaz kaise zeher ban k aik ik rag main utartay hain
bharay shehron ko sannaatta nigal leta hay
behnen bayn karti hain
pahaarron se jawaan bhai
unhi lafzon ki talwaaron se gardan kaatt lete hain
to maayn aasmaan sar pe utthaati hain
yahi alfaaz maaon k labon se jab duaa ban k ubharte hain
farishte kaanp jaatay hain
yahi alfaaz phir ALLAH ki rehmat main ddhalte hain
hamaaray din badalte hain
to phir ye sochna hoga
to phir ye dekhna hoga
k ye alfaaz khud qaatil nahi hotay
k ye alfaaz khud andhay nahi hotay
ye alfaaz khud zaalim nahi hotay
magar hum bolnay waalay hi rasta bhool jaatay hain
magar hum bolnay waalay hi aankhen phorr lete hain
baseerat se
diyaanat se
sadaaqat se
muhabbat se
ta'alluq torr lete hain

ckamran · **Joined:** Fri Oct 23, 2009 8:32 pm **Posts:** 157

Bahoot baar kehna chaha tha maine par...

Tum nahi samjhi

Hamari dosti aur pyaar ke bhich ki patli lakir
Kab miti pata nahi........ ......... ..
Un nazdekiyo ka sabab batana chaha tha maine par...

Tum nahi samjhi

Saath Chahata tha tumahara, taumar ke liye
Kyon ? kaise kehta tumse ye baat main
Tumahare liye apna pyaar jatana chaha tha maine par...

Tum nahi samjhi

kabhi jhakkar meri aankho mein tho dekha hota
Saari dasta khud ba khud padh leti tum
Beintehaa pyaar jhalakta hai tumhare liye in main par...

Tum nahi samjhi

Sitaro ki chadar se jab chalkti chandni chuti mujhko
To lagta ki mano Bahoo main bhar liya tumhe
Main bekarar hoon tumahare liye par is bekarari ko...

Tum nahi samjhi

Apna kaam, Apne dost, Apne aap main hi khoyi rahi,
Apni Masrufiyat se tumhe na waqt mila,
Mere sapne, meri aarzoo, mere armano ko...

Tum nahi samjhi

Apne armano ko daphnakar jab main......
Mere aasu pochte tum, mujhe samjhati rahi
Un aasuo ka kaaran, apna pyaar khone ki tadap,
Meri Adhuri kahani ko...

Tum nahi samjhogi.... .......

ckamran · **Joined:** Fri Oct 23, 2009 8:32 pm **Posts:** 157

Pholoon Ki Woh Mehakti Khushboo
Barish Ka Woh Bhega Pani
Aur Hawa Mein Thi Jo Rawani
Kya Uss Mousam Ka Khumaar Likhoon?

Kuch Likhna Chahata Hoon
Sochta Hoon Kya Likhoon?

Thi Chehrey Par Unkey Masomiyat
Aankhoon Mein Thi Thori Shararat
Aur Baatoon Mein Woh Nazakat
Kya Unka Rangeen Mizaaj Likhoon?

Kuch Likhna chahata Hoon
Sochta Hoon Kya Likhoon?

Unka Aaker Muskurana
Jo Rooth Jaon To Manana
Jate Jate Phir Rulana
Kya Unka Yeh Andaaz Likhoon?

Kuch Likhna Chahata Hoon
Sochta Hoon Kya Likhoon?

Yaadoon Mein Unkey Ashk Bahana
Her Shaam Ek Diya Jalana
Soi Umeed Ko Roz Jagana
Kya Unka Yeh Intezar Likhoon?

ckamran · **Joined:** Fri Oct 23, 2009 8:32 pm **Posts:** 157

Suno tm azm waly o balaa ka zabt rakhty ho..
Tumhen kuch b nhi hoga.
Mgr socho..!!
Jisay tum chor jao gy...
Usy to theek sy shayad..
...Bicharna b nahi aata..

ckamran · **Joined:** Fri Oct 23, 2009 8:32 pm **Posts:** 157

usay jab yaad aaye ga k saawan lot aaya hai
bula le ga woh mujhko ya khud hi lot aayega

usay jab yaad ayega main kaise muskuRata tha
to aankhein muskuRayengi, ya daaman bheeg jayega

usay jab yaad ayega main kaise naam leta tha
to meRa naam likhega, ya apna bhi mitaayega

usay jab yaad aayega mera khaamosh sa rehna
to sab ko bol dega wo ya khud se bhi chupaayega

usay jab yaad aayega meRa nange sar phirna

to bijli ban ke karke gaa, ya baadal baN ke chhaye ga

usay jab yaad aayega mera chalna, mera phirna
to raah meiN khaaR boye ga, ya phir palkein bichayega

ckamran · **Joined:** Fri Oct 23, 2009 8:32 pm **Posts:** 157

Ajab Pagal Si Lardki hai
Mujhay her khat main likhti hai
"Mujhay tum yaad kertay ho?
Tumhain main yaad aati hooN?"
meri baatain satati hain
meri neendain jagati hain
meri aankhain rulaati hain
december ke sunehri dhoop main abb bhi teheltay ho?
kisi khamosh rustay se
koi awaaz aati hai?
Thatharti sard raatoN main
tum abb bhi chhatt pe jaatay ho?
falak ke sab sitarooN ko
meri baatain sunatay ho?
kitaboN se tumharay ishq main koi kami aai?
ya mairi yaad ke shiddat se aankhoN main nami aai?
Ajab pagal Si larki hai
mujhay her khat main likhti hai..

Jawaban us ko likhta hooN..
meri masroofiyat daikho subah se shaam office main
chiragh-e-umer jalta hai
phir ous k baad duniya kee
kayi majbooriyan pao`n main bairi daal rakhti hain
mujhay bay-fikr, chahat se bharay sapnay nahin dikhtay
Tehelnay, jagnay, ronay kee mohlat hee nahin milti
sitarooN se millay arsa hua..naraz hon shayad
kitabooN se shughaf maira abhi waisay he qayem hai
farq itna parra hai ab ounahin arsay main parhta hooN
tumhain kis ne kaha pagli tumhain main yaad kerta hooN

ke main khud ko bhulanay kee musalsal justajoo main hooN
tumhain na yaad aanay kee musalsal justajoo main hooN
mager yeh justajoo meri bohat nakaam rehti hai
mere din raat main abb bhee tumhari shaam rehti hai
mere lafzooN ki her maala tumharay naam rehti hai
tumhain kis ne kaha pagli tumhain main yaad kerta hooN
poorani baat hai jo log akser gungunatay hain
ounhain hamm yaad kertay hain jinahin hamm bhool jatay hain
ajab pagal si lerki ho
meri masroofiyat daikhoo
tumhain dil se bhulaooN tu tumhari yaad aaye na
tumhain dil se bulanay kee mujhay fursat nahin milti
aur iss masroof jeewan main
tumahray khat ka ikk jumla
"tumhain main yaad aati hooN ?"
meri chahat ki shiddat main kami honay nahin daita
bohat raatain jagata hai mujhay sonay nahin daita
so agli baar apnay khat main yeh jumla nahin likhna
ajab pagal si larki hai mujhay phir bhee ye likhti hai
mujhay tum yaad kertay ho tumhain main yaad aati hooN ?

ckamran · **Joined:** Fri Oct 23, 2009 8:32 pm **Posts:** 157

apni rusavaaee, tere naam ka charchaa dekhun
ek zara shaer kahun aur main kyaa kyaa dekhun

neend aa jaaye to kya mehfilein barpaa dekhun
aankh khul jaaye to tanhaaee ka sehraa dekhun

shaam bhi ho gaee dhundhalaa gaee aankhein bhi meri
bhoolney waley main kab tak tera rastaa dekhun

sab zidden us ki main poori karun, har baat sunoon
aik bachey ki tarah se ussey hanstaa dekhun

mujh pe chhaa jaaye wo barsaat ki khushbu ki tarah
ang ang apna ussi rutt mein mehaktaa dekhun

tu meri tarah se yaktaa hai magar mere habib!
jee mein aata hai koi aur bhi tujh saa dekhun

main ne jis lamhey ko pooja hai ussey bas ek baar
Khwaab ban kar teri aankhon mein utartaa dekhun

tu mera kuchh nahin lagta hai magar jaan-e-hayaat
jaaney kyon terey liye dil ko dharaktaa dekhun!!

ckamran · **Joined:** Fri Oct 23, 2009 8:32 pm **Posts:** 157

Woh Ju Roz o Shab Mere Paas The Wohi Loog Mujh Se Bicher Gaye

Jo khayal thay na qeeyas thay wohi log mujh se bicher gaye
Jo Muhabatoon ki asas thay wohi log mujh se bicher gaye

Jinhain manta hi nahi yeah Dil ' Wohi log mairay hain humsafer
Mujhay her tarha se jo raas thay' Wohi log mujh se bicher gaye

Mujhay lamha bhar ki Rafaktoon' Ke sarab aur sataien gaye
Mairy umer bhar ki jo Payas thay wohi log mujh se bicher gaye

Yeah khayal saray hain Aarzi' Yeah gulab hain saray kaghzee
Gul Aarzoo ki jo baas thay wohi log mujh se bicher gaye

Jinhain ker saka na kabool main ' wo shareek-e-rah-e-safar howe
Jo meri talab' mairy Aas thay wohi log mujh se bicher gaye

Meri dharkanoon ke kareeb thay' Meri Chah thay' Mera Khawab thay
Wo jo Roz-O-Shab mairay paas thay wohi log mujh se bicher gaye

ckamran · **Joined:** Fri Oct 23, 2009 8:32 pm **Posts:** 157

Hamara sath dainy ko
Saawan k bharry badal
Gallay mill mill ker royen gy
Phir itna paani barsay ga
Samander seh nahi paey ga
......Karo na zid chalay ao
RAKKAHA hai kya DECEMBER mai
Dilon mai pyar hai tou phir
MAHEENAY sary achay hain
Kisi bhi pyary mosam mai
Chupkay say chalay aao
DECEMBER tou DECEMBER hy
DECEMBER ka bharrosa kya
DECEMBER beet hi jaey ga
Hamara sath dainy ko
Karo na zid chalay ao

тнє ѕ๏lιтαяу · **Joined:** Fri Jun 18, 2010 5:52 am **Posts:** 28873

Nice collection... :)O

ckamran · **Joined:** Fri Oct 23, 2009 8:32 pm **Posts:** 157

Lo Akhri din b bet gya hy.
Bulbul bazi jeet gya hy.
Tmhary loutny ka wada.
Aj tou voh b toot gya hy.
Mery angan k shajar py.
...Bulbul betha gunguna raha hy.
Roz jo shart lagaty thy ham.
Jeet k gany ga raha hy.
Dil ko girwi rakha tha maine.
Lo aj mera dil doob gya hy.
Han aj main bazi har gya hun..
Tu na lout k aya hy.
Bulbul bazi jeet gya hy.

ckamran · **Joined:** Fri Oct 23, 2009 8:32 pm **Posts:** 157

Meri dua hai,
Naya baras ho tumhry jaisa,
Na kisi ka Dil dukhane wala,
Muhabbaton ke, Rafaqaton ke,
Chiraagh har su jalane wala,
...Jahan me koi nahi hai jinka,
Unhy galay se lagane wala,
Ujaar aankhon ko zindagi ke,
Dobara sapne dikhaane wala,
Udaas logon ke aangano me,
Khushi ke bailen ugaane wala,
Faqat Muhabbat,
Faqat Muhabbat,
Faqat Muhabbat sikhane wala,

ckamran · **Joined:** Fri Oct 23, 2009 8:32 pm **Posts:** 157

Aao Uss Ajnabi Koo Yaad Karain
Phir Apni Zindagee Koo Yaad Karain

Waqt Ney Chhen Lee Hai Joo Ham Sey
Chaloo Ik Ik Khushi Koo Yaad Karain
...
Chaloo Dariya Kinaarey Ham Chal Ker
Apni Her Bey-Khudi Koo Yaad Karain

Kaisey Khhouyah Tha Ham Ney Her Lamha
Apni Uss Bey-Basee Koo Yaad Karain

Aaou Chup Chaap Baithh Ker Yoo’nhi
Her Kanwal Her Kalee Koo Yaad Karain

Zindagee Jiss Kay Naam Ki Ham Ney
Aaou Uss Ajnabi Koo Yaad Karain

Kiya Tha Haasil Teri Muhabbat Ka
Haan Uss Aashqi Ko Yaad Karain

Ab Beronaque Hain Yaadou’n Kay Saaey
Chalo Ham Her Ghari Ko Yaad Karain

ckamran · **Joined:** Fri Oct 23, 2009 8:32 pm **Posts:** 157

Suno mein laut aya hoon
Meri batein
Meray waday
Mein apne saath laya hoon,
...Suno meri dharkan mein
Wohi ik saaz bajta hai
Andaz meri baton ka
Tera andaz lagta hai
Khazaan k zard patton ko
Barf se sard mosam ko
Hijar ki garm aahon ko
Tanhai ki bahon ko
Suno
Main chor aya hoon
Abhi jo sakt baaqi hai
Mera jo wqat baaqi hai
Sameto mujh ko bahoon mein
Mujhay chand khushiyan de dalo
Meray sab gham sameto tum
Chand lamhay mujh ko de dalo
Mein sab rishtay
Sabhi natay
Sabhi bandhan
Sabhi dhage
Suno
Mein tor aya hoon
Suno mein laut aya hoon

ckamran · **Joined:** Fri Oct 23, 2009 8:32 pm **Posts:** 157

AB BHI POOCHTE HO MUQAAM APNA..!!
KEH JOH DIYA ZINDGI HO TUM..!!

ckamran · **Joined:** Fri Oct 23, 2009 8:32 pm **Posts:** 157

Ajab pagal si larki hai…
Wo mujh se jab bhi milti hai,
Naya ik naam deti hai, naye pehchaan deti hai,
Meray andar ke sab mosam bina meray kahey hi wo hamesha jaan laiti hai,
Meri barson purani baat bhi wo yaad rakhti hai,
...Mujhay her baar kehti hai,
teri aawaz ka jadoo mujhay sonay nahi deta,
Ajab pagal si larki hai…. !!
Wo mujh se jab bhi milti hai,
Mujhay her baar kehti hai,
Teray honay se meri zaat ki takmeel hoti hai,
Usay maloom bhi hai main to khud ik aam larka hoon,
...…Magar wo mujh se kehti hai,
Nahi tum sa koi dooja,

ckamran · **Joined:** Fri Oct 23, 2009 8:32 pm **Posts:** 157

Tumhe tumhari ijazaat se
Apne dil mein basana chahta hoon

...Apne naam k saath joar kar tumhara naam
Duniya ko sar-e-aam dikhana chahta hoon

Kab ho Qubooliyat ki ghari na jaane
Tumhe har dua mein mangna chahta hoon

Ho jaao tum meri aur main tumhara
Harr pal bas yehi ehsaas chahta hoon

Tum se hi ki bass mohabbat main ne
Apni sari zindagi tumhare sang chahta hoon

Karta hoon aaj main ye iqraar
Main bass tumhe bass tumhe hi chahta hoon

Haq ke saath kahoon tumhe main apna
Tumse bass aaj main yehi raza chahta hoon

ckamran · **Joined:** Fri Oct 23, 2009 8:32 pm **Posts:** 157

Tumharey baad kaun banega mera humdard..!!
Hum nay tO apnay bhi khoye hain tujhe panay ke liye..!!

ckamran · **Joined:** Fri Oct 23, 2009 8:32 pm **Posts:** 157

Nahi hai MOHSIN ko tum sy shikwa, tumhari sitam-garri ka
K tum ko dars-e-wafa mila hai, "udaas rehna" "udaas rakhna"

ckamran · **Joined:** Fri Oct 23, 2009 8:32 pm **Posts:** 157

kitni mushkil se kati kal ki meri raat na pooch
dil se nikli hui honton me dabi baat na pooch

wo kis adaa se merey saamnay se guzraa abhi
kis tarha mainay sambhaley merey jazbaat na pooch
...
waqat jo badley to insaan badal jaatey hain
kya nahi dikhlaatey yeh gardish-e-halaat na pooch

wo kisi ka ho bhi gaya or mujhey khabar na hui
kis tarhan usney chudaya hai mujh se haath na pooch

Is tarhan pal mein mujhay begana kar diya usnay
Kis tarhan apno se khaai hai mainey maat na pooch

ab tera pyaar nahi hai to sanam kuch bhi nahi
kitni mushkil se bani thi dil ki kayenaat na pooch

ckamran · **Joined:** Fri Oct 23, 2009 8:32 pm **Posts:** 157

Akeley Tou Hum Pehly Bhi Jee Rahey They....,

Kiyun Tanha Sey Ho Gaye Hain Terey Janey Ke Baad.....!!

ckamran · **Joined:** Fri Oct 23, 2009 8:32 pm **Posts:** 157

TUM BIN....

Uljha lehja.....

khoyi aankhein.....
...
Thande haath.....

Be-rang chehra....

Bad akhlaaq.....

Dekho...!!

Tum bin...

Kya hoon mein....

тнє ѕ๏lιтαяу · **Joined:** Fri Jun 18, 2010 5:52 am **Posts:** 28873

Nice collection. :b)b:

ckamran · **Joined:** Fri Oct 23, 2009 8:32 pm **Posts:** 157

Chälo Phir Shart Lag Jay

Me Sabit Aaj Kr Doon Gi

K Tum Ne
...Dil-Lagi Ki He

Muhabbat Naam Ki He

Sun Kr Us Ki Baaton Ko

Me Bola
Saada-Dil Larki
Agr Me Dil-Lagi Krta

To Jeene Se Na Yun Darta

Muhabbat Naam Ki Krta

Wafayen Aam Si Krta

Magr Phir B

Teri Taskeen Ki Khatir Ye Kehta Hoon

Haan!

Mene Dil-Lagi Ki Thi

Tujhe Apna Hi Samjha Tha

Tujhe Dil Se Lagaya Tha

Jahan Na Koi Gham Pohanchy

Wahan Tujh Ko Chupaya Tha

Magr Jaana'n Yakeen Jano

Tumhare Hosley Ki Daad Deta Hoon

K Kitni Be-Rukhi Se Tum Ne Keh Dala

CHALO PHIR SHART LAG JAY K TUM NE

DIL-LaGI KI He

ckamran · **Joined:** Fri Oct 23, 2009 8:32 pm **Posts:** 157

Yeh jo aankh meN pani hai
Gham ki ek kahani hai

Dil ne bus yeh Thaani hai
Us pe jaan gaNwaani hai

Dil ki maneN dil wale
Zahn ki kis ne mani hai

armaaN dafn kareNge aaj
Dil meN qabr banani hai

aag ki aag sharab-e ishq
aur paani ka paani hai

pyar ke diye ki Khair manaao
raat bahut toofaani hai

Sub ko raat bitani hai
us pe jaaan gawani hai

ckamran · **Joined:** Fri Oct 23, 2009 8:32 pm **Posts:** 157

Ek bheegi hui si raat mile
us raat me tera hath miley

tere lab se tapkein jo bonden
unhe mere honto ka sath miley

Kuch tum bhi behke behke se
kuch mujh pe nasha sa taari ho

Har pal me chhaye madhoshi
Ek aisi raat hamari ho

Phir tum aao meri baahon me
tum pyar karo mujhe ji bhar k

Mai tum se thora sharmaon
sharma k galey se lag jaon

Tum jitna mujh ko pyar karo
Mai utna hi betaab hojaon

Hame pyar k kuch lamhaat miley
Ek bheegi hui se raat miley

ckamran · **Joined:** Fri Oct 23, 2009 8:32 pm **Posts:** 157

Tanhai mein ajeeb zamaney ki wafa dekhta raha
Umer bhar apna ghar tanha dekhta raha

Kahin na kahin to badal hi jatay hain silsilay
Magar main jahan gaya sehra dekhta raha
...
Jane kyun qatratay hain log mujhe milne say
Kal shab dair talak aaina dekhta raha

Pani mangte magte meray honth pathar ho gaye
Woh shaks mashkiza liye khara dekhta raha

Be-gunah tha phir bhi sir jhukaye hue
Sitam-gar ki sitam ki inteha dekhta raha

Umar bhar mohabbat ka kuch youn silsila raha
Main usay or woh duniya dekhta raha

Kahon ga KHUDA se youm-e-hisaab ko MOHSIN
Ke zamana meri barbadi ka tamasha dekhta raha

ckamran · **Joined:** Fri Oct 23, 2009 8:32 pm **Posts:** 157

ay naye saal bata,
tujh mai nayapan kiya hay?
har taraf khalq ne Q shor macha rakha hay?

Roshni din ki wohi,
...taronn bhari raat wohi,
Aaj b hum ko nazar aati hay har baat wohi,

Aasman badla,
na badli hay ye afsoorda zameen,
Aik hindsay ka badalna koi jiddat to nahi,

Aglay barson ki tarha hon gay qareenay terey,
kessay maloom nahi 12 mahiny tery?

Be-sabab detay hain Q log MUBARAK badain?
sub kiya bool gaye waqt ki karwi yadain?

tou naya hai tou dekha subha nai,
sham nai,
warna in aankohon ne dekhhay hain naye saal kiya

ckamran · **Joined:** Fri Oct 23, 2009 8:32 pm **Posts:** 157

Tumhein Kitna Yeh Bola Tha
K Meri Zindagi Mein Iss Tarah Shamil Nahi Hona
Jab Aankhein Subah Ko Kholon,Pukaroon Naam Main Tera
Kabhi Jo Aayeina Dekhon
Tumhara Aks Meri Aankh Ki Putlii Mein Jam Jaye
Khushi Mujh Ko Milay Koi
Tumhara Sath Main Dhoondoon
Dukhon Mein b Yehi Chahoon k Mery Pass Bas Tum Ho
Tumhein Kitna Yeh Bola Tha
Mujhay Badal Se,Barish Se Muhabbat Hay Hamesha Se
Magar Tum Ne Muhabbat Ko Junoon Mein Kiun Badal Dala?
Main Ab Barish k Mausam Mein Tumhi Ko Dhoondta Kiun Hon?
Inhii Sochoon Mein Bheegta Hon,Main Tanha Bheegta Kiun Hon?
Tumhein Kitna Yeh Bola Tha
Meri Aadat Nahi Badlo
Meri Khatir Nahi Badlo
Magar Tumne Badal Dala...!!!
Mera Sab Kuch Badal Dala ...!

ckamran · **Joined:** Fri Oct 23, 2009 8:32 pm **Posts:** 157

Ajab Pagal Si Larki Thi
Mujhay Har Roz Kehti Thi
Batao Kuch Naya Likha ?
Kabhi Uss Se Jo Kehta Tha
k Main Ne Nazm Likhi Hay
Magar Unwan Dena Hay
Bohat Betab Hoti Thi
Vo Kehti Thi
Sunao...
Main Isay Acha Sa Ik Unwan Deti Hoon
Vo Meri Nazm Sunti Thi
Aur Uss Ki Bolti Aankhein
Kisi Missrey,Kisi Tashbeeh Par Yun Muskurati Thin
Mujhay Lafzoon Se Kiranein phootTi Mehsoos Hoti Thin
Vo Phir Iss Nazm Ko Acha Sa Ik Unwan Deti Thi
Aur Uss k Aakhri Missrey k Neechay
Ik Adaay Be Niazi Se
Vo Apna Naam Likhti Thi
Main Kehta Tha
Suno....
Yeh Nazm Meri Hay
To Phir Tum Ne Apnay Naam Se Mansoob Kar Li Hay ?
Meri Yeh Baat Sun Kar Uss Ki Aankhein Muskurati Thin
Vo Kehti Thi,Suno
Saada Sa Rishta Hay
k Jaisy Tum Mere Ho,Iss Tarah Yeh Nazm Meri Hay
Ajab Pagal Si Larki Thi...!!!

*MEHRE* · **Posted:** Fri Jan 07, 2011 11:15 am

zaberdast sharing kamran ji

ckamran · **Joined:** Fri Oct 23, 2009 8:32 pm **Posts:** 157

Chehre Pe Khushi Chha Jaati Hai,
Aankhon Mein Suroor Aa Jaata Hai,
Jab Tum Mujhe Apna Kehte Ho
Apne Pe Guroor Aa Jaata Hai,

Tum Husn Ki Khud Ek Duniya Ho,
Shayad Ye Tumhe Malum Nahi,
Mehfil Mein Tumhare Aane Se,
Har Chiz Pe Noor Aa Jaata Hai,

Hum Paas Se Tumko Kya Dekhein,
Jab Tum Mukabil Hote Ho,
Betaab Nigahon Ke Aage,
Parda Sa Zaroor Aa Jaata Hai,

Jab Tumse Mohabbat Ki Humne,
Tab Jaake Kahin Ye Raaz Khula,
Marne Ka Saliqa Aata Hi Nahi,
Jeene Ka Shaoor Aa Jaata Hai.

..

sono · **Joined:** Tue Sep 27, 2005 3:41 am **Posts:** 46377

bohat khoob kamran ji :b)b:

keep sharing

THOKAR LAGI TOU

Who is online