It is currently Tue Nov 13, 2018 7:30 am

All times are UTC + 5 hours




 Page 1 of 1 [ 4 posts ] 
Author Message
 Post subject: ek nazm ke shaayar kii talaash.
PostPosted: Tue Dec 18, 2012 12:05 pm 
Junior Addict Member
User avatar

Joined: Sun Jan 29, 2006 7:11 pm
Posts: 12343
Location: indore (india)
ahal-e-bazm ke saamne phir se ek darkhvaast le kar haazir huaa huuN...mujhe ek nazm ke khaaliq kii talaash hai...mujhee ummeed hai merii talaash yahaaN mukammal ho jaayegi...nazm haazir hai..

Tum ney tootay huay patton ko kabhi dekha hai!
Darakht ke haath say giray huay sookhay pattay!
Khaak-aalooda, sitam-raseeda, faryaad-kanaan
Hawa ke rahm-o-karm par ke ab lay jaaey jahaan
Jin ki zaat mein pasti hai, qismat mein fanaa
Bain kartey huay, tarraptey huay, sehmay huay
Kisi raah-geer kay qadmon ki dhamak suntay huay
Jin ki aankhon mein be’kasi ke siwa kuch bhi nahi
Jin ke bas mein be’basi ke siwa kuch bhi nahi

Shoq-e-tamaasha hai to kisi roz mujhay milnay aao
Tum nay tootay huay patton ko nahi dekha agar!!!

Tum nay thehrey huay pani ko kabhi dekha hai!
Kisi sookhti hui jheel mein be’jaan sa thehra paani!
Jis ke qatron mein haraarat ki koi ramaq bhi nahi
Jis ki lehron mein zindagi ki koi chamak bhi nahi
Jheel ki goad mein simat’ta hua gadla paani,
Wohi chamakta hua, shafaaf sa pyara paani
Jo kabhi mashkeeza-e-abr kay labon say chalka tha
Aaj haqaarat say taktey hain usey guzarney waaley

Shoq-e-tamaasha hai to kisi roz mujhay milnay aao
Tum nay tootay huay patton ko nahi dekha agar!!!

Tum nay uljhay huay dhaagon ko kabhi dekha hai!
Apnay hi aap mein uljhey huay kacchey dhaagay!
Jo apnay aap mein hi reh gaey hon gunjal ban kar
Apnay wajood ki gehraaiyon mein ik uljhan ban kar
Tarha tarha say uljhay, jagaa jagaa say kharaab
Jo agar chaahein bhi ke sanwaar lein muqaddar apna
To apni hi zaat ka sira dhoondh dhoondh ke thak jaaein
Wohi rangeen say dhaagay jo kabhi thay misl-e-dhanak
Aaj apney aap mein yun uljhey hain ke sulajhtay hi nahi

Shoq-e-tamaasha hai to kisi roz mujhay milnay aao
Tum nay tootay huay patton ko nahi dekha agar!!!



_________________
http://stkirov.ru/62194
Offline
 Profile  
 
 Post subject: Re: ek nazm ke shaayar kii talaash.
PostPosted: Tue Dec 18, 2012 1:15 pm 
Super Dooper Member

Joined: Fri Jun 18, 2010 10:52 am
Posts: 37048
balvinder jee! ye nazam "Amjad Islam Amjad" k naam se kahiN kahiN mansoob ki gayi hai, per aik jagah se maloom howa k ye Amjad sahab ki nahi hai balke shayer ka naam "Amal" hai... ye bhi Pakistani likhari haiN... in k is naam se ziada aage kuch pata na lag saka... shayad kisi forum k poet haiN... haaN, is nazam k mazeed, aakhir ki kuch lines bhi mili haiN, jo ye haiN... ummeed hai pasand aaye gi, mazeed kuch maloom howa tou share karoN ga...
:)O


tum ne tootte hoye kwaaboN ko kabhi dekha hai
kachi neend se utthaye gaye, toote hoye khwaab
jo nigah ki dehleez se nikle tou be-makaaN thehre
jo raat ki tareeki meiN chale tou be-nishaan thehre
jo apni shikast_e_musalsal pe kurrh k ye socheN
na-jaane kahaN bud-naseebi ka kaarwaaN thehre
jo nigah ki aaghosh meiN jaageN na phir se sou paayeN
na tamannaoN ka chehra ashkoN se dhho payeN
kash-makash is qadar gehri ho k tarrapna mushkil
jo jabar se muskura laiN thorra na khhil k rou paayeN

shoq_e_tamaasha hai tou kisi roz mujhe milne aao
tum ne tootte hoye khwaaboN ko nahi dekha ager



_________________
Image
Offline
 Profile  
 
 Post subject: Re: ek nazm ke shaayar kii talaash.
PostPosted: Tue Dec 18, 2012 7:47 pm 
Junior Addict Member
User avatar

Joined: Sun Jan 29, 2006 7:11 pm
Posts: 12343
Location: indore (india)
"Yaasin" sahab ek baar phir se maiN aap ka shaidaai ho gaya...janaab aap kii maalumaat kii daad dena paRhegii...aap ne jo mere liye zehmat uThaai hai us ke liye maiN aap ka dilii shukriya adaa karta huuN...theek hai abhii asl shaair ka naam saamne nahiiN aaya lekin is silsile ka koii sira to mila...mujhe ummeed hai aap hii ya ya koii aur ahal-e-bazm is mushkil ko aasaan kar dega..aap ka ek baar phir se shukriyah.

Allah kare zor-e-zauq aur.



_________________
http://stkirov.ru/62194
Offline
 Profile  
 
 Post subject: Re: ek nazm ke shaayar kii talaash.
PostPosted: Tue Dec 18, 2012 9:30 pm 
Special Super Dooper Member
User avatar

Joined: Sat Dec 10, 2005 6:13 am
Posts: 43727
Location: U.S.A
balvinder ji behud khubsoorat nazm jis main zehn ki gehrai se soch ke alfaaz ko tarasha gaya hae ....kuch yun k soch ki intahi oonchy jagah pe la bethaya hae ess nazm ko

yaseen kamal ki justaju se aapne balvinder ji ki khwahish ko paya e takmeel tak pohnchaya hae...shabaash ho aapko, welldone :b)b:
khush rahain aap dono :dua



_________________
Image
Image
Offline
 Profile  
 
Display posts from previous:  Sort by  
 Page 1 of 1 [ 4 posts ] 

All times are UTC + 5 hours


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Jump to: